Американскиот Сенат го отфрли заострувањето на условите за купување оружје - Канал 5

Свет

Американскиот Сенат го отфрли заострувањето на условите за купување оружје

Американскиот Сенат ги отфрли амандманите кои предвидуваат построги услови за купување на оружје, меѓу кои и амандманот со кој се ограничува продажбата на оружје на луѓе кои се наоѓаат на списокот за надзор поради можна поврзаност со тероризам.

Американскиот Сенат го отфрли заострувањето на условите за купување оружје
Четирите амандмани се најдоа пред сенаторите една недела по нападот во орландо во кој Американецот со авганистанско потекло, Омар Матин, уби 49 луѓе, што е најголемо масовно убиство во САД.

Матин од 2013 година повеќе пати го привлекувал вниманието на ФБИ поради можна поврзаност со тероризам но не бил ставен на листа на потенцијални терористи кои се надгледувани.

Сенаторите од Републиканската и Демократската партија при гласањето за амандманите се воделе само од ставот на својата партија блокирајќи ги предлозите на другата. Тие не можеле да се согласат на кој начин треба да се спречат идните терористички напади.

Републиканскиот сенатор Џон Корнин изјави: Нашите колеги сакаат да претстават дека се работи за контрола на оружјето а всушност се работи за тоа дека треба да го елиминираме исламскиот тероризам кој е главна причина за тоа што се случи во Орландо. Моите колеги сакаат да ги лекуваат симтомите место болеста.

Сенаторката од редовите на Демократската партија, Барбара Микалски, запраша: Зошто се согласуваме на тоа на аеродромоте детално да не прегледуваат за да не заштитат од терористите, а не воведуваме контрола за луѓето на списокот на потенцијални терористи да не можат да купат оружје?

Републиканците и членовите на Националното здружение за оружје тврдат дека демократите со предложените амандмани го кршат уставното право на граѓаните на САД да носат оружје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Песков : „Сè уште не сме разговарале за за можната номинација на Орбан за генерален секретар на ОН. “

Вака портпаролот на Кремљ одговорил на прашањата во врска со медиумските извештаи дека американската администрација го промовира Орбан за оваа функција. 

Песков : „Сè уште не сме разговарале за за можната номинација на Орбан за генерален секретар на ОН. “

Портпаролот на Кремљ, Дмитриј Песков, изјави дека за време на последниот телефонски разговор, рускиот лидер Владимир Путин и американскиот претседател Доналд Трамп не разговарале за можната номинација на поранешниот унгарски премиер Виктор Орбан за генерален секретар на ОН.

Вака портпаролот на Кремљ одговорил на прашањата во врска со медиумските извештаи дека американската администрација го промовира Орбан за оваа функција. Песков исто така напомена дека „доколку се појави таква кандидатура, таа ќе биде разгледана“.

„Волстрит џурнал“, повикувајќи се на извори од три земји, објави дека администрацијата на американскиот претседател Доналд Трамп го предложила Орбан за генерален секретар на Обединетите нации.

САД го повика поранешниот премиер на Унгарија, Виктор Орбан да се кандидира и го охрабрија да го стори тоа.

Планот во моментов чека конечна одлука.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Jан Облак стана татко, неговата свршеница тенисерката Олга Даниловиќ роди син

Српската тенисерка Олга Даниловиќ се породи и доби син. 

Jан Облак стана татко, неговата свршеница тенисерката Олга Даниловиќ роди син

Таа и нејзиниот свршеник,ѕвездата на Атлетико Мадрид, словенечкиот голман Јан Облак, уште претходно го избраа името Максим.

Олга направи долга пауза во кариерата поради бременоста, а последниот натпревар го одигра на 4 февруари на еден турнир во Романија.

Србинката падна на 390-тото место на ВТА-листата, но, се разбира, тоа сега не е важно. Олга Даниловиќ и Јан Облак се во врска од 2023 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Реконструкцијата на спортската сала во СОУ Гимназија „Добри Даскалов“ влегува во завршна фаза

Активностите за реконструкција на спортската сала се одвиваат согласно предвидената динамика, а просторот добива нов, современ и функционален изглед.

Јанчев: Реконструкцијата на спортската сала во СОУ Гимназија „Добри Даскалов“ влегува во завршна фаза

„Реконструкцијата на спортската сала во СОУ Гимназија „Добри Даскалов“ влегува во завршна фаза!

Активностите за реконструкција на спортската сала се одвиваат согласно предвидената динамика, а просторот добива нов, современ и функционален изглед. Со поставување нов спортски под, уредување на ѕидните површини, модернизација на осветлувањето и подобрување на системите за греење, вентилација и противпожарна заштита, се создаваат услови за поквалитетно, побезбедно и поудобно одвивање на наставата по физичко образование и спортските активности.

✔️ Со инвестиција од 4.200.000 денари, Општина Кавадарци продолжува да вложува во подобрување на училишната и спортската инфраструктура, ставајќи ги потребите на учениците во преден план.

🏫 Уште еден значаен чекор кон создавање современи услови за младите, нови можности за спорт и подобра училишна средина.

Продолжуваме со посветена работа и конкретни резултати за подобра иднина на нашите ученици!“- објави градоначалникот на Општина Кавадарци, Митко Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер