Американски војник загина во Унгарија при подготовка за воена вежба - Канал 5

Свет

Американски војник загина во Унгарија при подготовка за воена вежба

Американски војник загина за време на подготовките за претстојната воена вежба „Saber Guardian 25“ во Унгарија, соопшти американската армија, а пренесе Си-Би-Ес њуз.

Американски војник загина во Унгарија при подготовка за воена вежба

Загинатиот е 24-годишниот Арон Кокс од Мабанк, Тексас, припадник на 101. воздушнодесантна дивизија. Тој загинал на 5 јуни во несреќа на вежба поврзана со воена опрема во близина на базата „Крофт“. Командата на дивизијата соопшти дека Кокс добил смртоносни повреди при судир со воено возило. Се спроведува истрага за инцидентот.

Војникот Кокс ѝ се приклучил на американската армија во 2021 година и ова му била втора меѓународна мисија, по претходната во Полска во 2022 година.

Во март годинава, четворица американски војници загинаа во Литванија при обид да извлечат заглавено возило во мочуриште во близина на воениот полигон „Генерал Силвестрас Жукаускас“ во Пабраде.

Тагови: воена вежба војник

Македонија

Без струја дел од општините Сопиште и Карпош

 Без електрична енергија денеска ќе останат дел од општините Сопиште и Карпош, соопшти РЦУК Скопје по добиено известување од Од ЕВН Македонија АД.

Без струја дел од општините Сопиште и Карпош

Како што се наведува во соопштението, без струја во периодот од 08:00 до 12:00 часот, ќе видат дел од корисдниците од с.Сопиште на главен пат околу „Давидоф“, а во периодот од 12:30 до 14:30 часот, дел од ц.Долни Нерези во Карпош.

Тагови: струја

Македонија

На граничните премини без поголеми задржувања за влез и излез од државата

На граничните премини утринава, според информациите на Авто мото сојузот на Македонија, нема подолги задржувања за влез и излез од државата. 

На граничните премини без поголеми задржувања за влез и излез од државата

Интензитетот на сообраќај на патните правци надвор од градските средини е умерен, а сообраќајот на државните патишта се одвива непречено, по суви коловози.

Тагови: Табановце

Македонија

Најмалку двајца загинати во серијата земјотреси во Гватемала

Најмалку две лица загинаа во серијата земјотреси што синоќа се регистрирани во Гватемала.

Најмалку двајца загинати во серијата земјотреси во Гватемала

Земјотрес со интензитет од 5,2 степени според Рихтеровата скала го погоди јужниот дел на Гватемала, со епицентар на околу 60 километри од главниот град. Потоа уследија серија земјотреси со магнитуда од 3,9 до 5,6 степени според Рихтер.

Земјотресите предизвикаа и материјална штета, што дополнително ќе се проценува.

Тагови: земјотрес
притисни ентер