Кошарка

Американски кошаркар го гризна противникот за нога (ВИДЕО)

Необичен инцидент се случи во американската кошарка.

На универзитетскиот натпревар помеѓу Хјустон и Синсинати, судиите мораа да исклучат играч, бидејќи го касна противникот за нога.

Тоа го стори бекот на Хјустон Деџон Џару, кој на шест минути и 16 секунди пред крајот на играта го гризна кошаркарот на Синсинати, Мамуду Диара, со кого се бореше за топката.

Судиите го елиминираа Џару и неговиот тим загуби со 64-62.

"На почетокот мислев дека судиите не се во право, но кога го видов инцидентот од повеќе агли, беше јасно дека Деџон Џару навистина го каснал Мамуду Диар. Во име на нашиот тим, му се извинив на колегата од Синсинати, Џон Брана.

Ние се стремиме да водиме и да градиме тимови преку дисциплина и нема да толерираме вакво однесување. Имајќи го тоа предвид, го суспендирав Деџон за следниот натпревар, во четврток против Тулан, и уверен сум дека тој ќе ја научи лекцијата и ќе ги разбере последиците од ваквото однесување “, рече тренерот на Хјустон, Келвин Сампсон.

Македонија

Во Струга и Вевчани навреме отворени сите избирачки места

Сите 101 избирачко место за првиот круг од претседателските избори во општина Струга утрово беа отворени во 7 часот, потврди за МИА претседателот на Општинската изборна комисија Минир Жута.

- Гласањето почна навреме и во трите избирачки места во општина Вевчани, информира претседателката Менка Кукоска.

Гласањето, според претседателите на изборните комисии, во двете општини се одвива непречено, без никакви проблеми.

Во општина Струга во единствениот избирачки список регистрирани се 60.894 гласачи, од кои 132 болни и изнемоштени вчера го оствариле своето гласачко право, додека во Вевчани има 2.072 регистрирани гласачи, а четворица болни и изнемоштени гласале вчера. /МИА

Технологија

Директорот на ФБИ: „ТикТок“ е проблем за националната безбедност на САД

Директорот на ФБИ, Кристофер Реј изјави дека социјалната апликација „ТикТок“ е проблем за националната безбедност на САД, пренесе БТА.

Реј ја објави оваа изјава додека американскиот Конгрес се подготвува да гласа за легислативата за забрана на апликацијата.

-Апликацијата и припаѓа на кинеската компанија ByteDance, која „има обврски кон кинеската влада“, рече Реј во ексклузивно интервју за Ен-би-си Њуз.

-Кога се разгледува моќта, пристапот, технолошките способности и контролата што ги има ТикТок, Американците треба да се запрашаат што мислат за моќта, пристапот, можностите и контролата што ги има компанијата што е сопственик на ТикТок, кинеската влада и, на крајот, кинеските разузнавачки служби, посочува директорот на ФБИ.

Претставничкиот дом на САД во саботата одобри голем пакет помош за Украина, Израел и Тајван. Во рамките на овој пакет е содржан и ултиматумот во врска со „ByteDance“. Се очекува пакетот помош брзо да биде одобрен од Сенатот.

Американските власти тврдат дека ТикТок и овозможува на кинеската влада да шпионира и манипулира 170 милиони корисници во Соединетите држави. /МИА

Македонија

ДИК: Немаме пријавено поголеми неправилности

Прес-конференција на Државната изборна комисија.

Од Државната изборна комисија велат дека досега нема пријавено погоелеми неправилности околу гласањето за првиот круг од претседателските избори. На неколку гласачки места се појавиле мали технички проблеми кои се решаваат во од.

Наредната прес конференција на ДИК е закажана за 13 и 30 часот, кога повторно ќе информираат за текот на гласањето.

притисни ентер