Американски и ирански дипломати ќе преговараат за нуклеарната програма на Иран - Канал 5

Свет

Американски и ирански дипломати ќе преговараат за нуклеарната програма на Иран

Делегации од високи дипломати од САД и Иран денеска во Женева ќе преговараат за иранската нуклеарна програма со посредство на Оман, објавија агенциите.

Американски и ирански дипломати ќе преговараат за нуклеарната програма на Иран

Двете делегации ќе бидат предводени од иранскиот министер за надворешни работи Абас Арагчи и специјалниот претставник на САД, Стив Виткоф.

Разговорите меѓу нив ќе се одржат индиректно во Амбасадата на Оман во Женева. Разговорите ќе се одржат во контекст на затегнатите односи меѓу Вашингтон и Техеран откако иранските безбедносни сили брутално го задушија бранот протести минатиот месец, во кои загинаа илјадници луѓе.

Како одговор, американскиот претседател Доналд Трамп им се закани на владетелите на Исламската Република со воена интервенција и испрати носач на авиони на Блискиот Исток.

Првиот круг преговори за намалување на тензиите меѓу двете земји се одржа во главниот град на Оман, Мускат, претходно овој месец.

Главна тема на претстојниот дијалог во Женева ќе биде спорната нуклеарна програма на Иран.

Вашингтон со години се обидува да ја спречи иранската влада да се здобие со нуклеарна бомба. Техеран изјави дека е подготвен да разговара за ограничувањата на неговата нуклеарна програма ако САД се подготвени да ги укинат строгите економски санкции.

Иран соопшти дека не е подготвен да преговара за други прашања, како што се ограничувањето на својот ракетен арсенал или прекинувањето на поддршката за вооружени групи.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски ќе се обрати на презентацијата на новиот извештај на Светска банка „Македонија: Излез од стапицата на среден доход“

Премиерот Христијан Мицкоски денеска ќе присуствува и ќе има обраќање на презентацијата на новиот извештај на Светска банка „Македонија: Излез од стапицата на среден доход“.

Мицкоски ќе се обрати на презентацијата на новиот извештај на Светска банка „Македонија: Излез од стапицата на среден доход“

Овој документ на Светска банка се однесува на економските предизвици и можностите за забрзување на економскиот раст, спроведувањето на потребните реформи, со акцент на подобрување на управувањето и конкурентноста, поттикнување на инвестициите, технологијата и иновациите, како и развој на вештините и подобро искористување на работната сила.извештајот вчера беше презентиран пред пратениците во собранието.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Намалени цените на горивата: Бензините за 1,5 денар, дизелот за 3 денари по литар

Од ноќеска на полноќ цените на бензините се намалија за 1,5 денар, а на дизелот за 3 денари. 

Намалени цените на горивата: Бензините за 1,5 денар, дизелот за 3 денари по литар

На сила и натаму се мерките за намалување на акцизите на горивата, како и за намалување на ддв-то за дизелот, што според премиерот мицкоски е главна причина за потфрлањето на приходната страна на буџетот за околу 120 милиони евра во однос на проектираното..

Затоа, до крајот на месецот најави втор ребаланс со кој за истиот износ ќе се скратат и дел од планираните расходи..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Ведро и студено утро со дневна температура од 22 до 29 степени

Според Управата за хидрометеролошки работи денеска утрото ќе биде ведро и студено, а во текот на денот сончево и релативно топло.

Ведро и студено утро со дневна температура од 22 до 29 степени

Ќе дува слаб ветер од јужен правец. Минималната температура ќе биде во интервал од -3 до 6, а максималната во интервал од 22 до 29 степени.

Во Скопје, сончево и релативно топло со слаб ветер од јужен правец. Минималната температура ќе се спушти до 3, а максималната ќе достигне до 26 степени.

ВРЕМЕТО ВО НАРЕДНИТЕ ДЕНОВИ

Во четврток времето ќе биде сончево и релативно топло со променлива облачност во текот на денот. Во петок и за време на викендот, времето ќе биде променливо облачно со услови за врнежи од дожд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер