Американски генерал: НАТО би можело неверојатно бргу да го освои рускито град Калининград - Канал 5

Свет

Американски генерал: НАТО би можело неверојатно бргу да го освои рускито град Калининград

Силите на НАТО, доколку е потребно, би можеле да ја освојат руската енклава Калининград за „незамисливо кратко време“, изјави командантот на американските копнени сили во Европа и Африка, генерал Крис Донахју, пренесува Defense News.

Американски генерал: НАТО би можело неверојатно бргу да го освои рускито град Калининград

Неговата изјава доаѓа во време на зголемени тензии меѓу Алијансата и Русија и воспоставување нова стратегија на НАТО позната како „Линија на одвраќање од источниот бок“, објави Киев Индипендент.

Калининград, силно утврдена руска територија лоцирана помеѓу Полска и Литванија, е целосно опкружена со земји-членки на НАТО и е широка само 75 километри. Донахју тврди дека денешните сојузнички капацитети овозможуваат „таа област да биде освоена од копно побрзо од кога било досега“.

НАТО гради нова одбранбена линија, копнените сили повторно се во фокусот

Новата доктрина на НАТО предвидува зајакнување на копнените сили, интеграција на одбранбената индустрија и воведување на стандардизирани дигитални системи и лансери со цел да се постигне брза координација на бојното поле. „Копнената димензија не губи важност, туку станува сè поважна“, рече Донахју.

„Сега од копно можете да ги неутрализирате зоните каде што дејствува непријателот. Од копно можете да ја преземете контролата врз морето. Сето ова го гледаме во Украина“, додаде тој.

Случки се заканува со одмазда, вклучително и нуклеарни боеви глави

Леонид Случки, претседател на комисијата за надворешни работи на рускиот парламент, брзо реагираше на изјавите на генералот Донахју. „Напад врз регионот Калининград е еднаков на напад врз Русија“, рече Случки, според државната новинска агенција ТАСС. „Сите одговори се можни, вклучително и употребата на нуклеарно оружје“, додаде тој.

Калининград, руска енклава без директна копнена врска со остатокот од Русија, е еден од најмилитаризираните региони во Европа и долго време е потенцијална точка на конфликт меѓу НАТО и Русија.

Западните разузнавачки служби предупредуваат: Русија е закана во следните 5 години

Новата одбранбена конфигурација на НАТО е одговор на предупредувањата од западните разузнавачки агенции дека Русија би можела да претставува директна воена закана за земјите-членки на Алијансата во следните пет години.

Украинскиот претседател Володимир Зеленски постојано предупредува дека доколку руската агресија врз Украина не биде запрена, следната цел би можела да биде директен напад врз територијата на НАТО.

Тагови: Генерал НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер