Американски експериментални таблети го блокираат ширењето на короната за 24 часа

Експертите од Институтот за биомедицински науки на Универзитетот во Џорџија,САД, објавиле дека експериментите врз животни покажале дека антивирусниот лек МК-4482 / ЕИДД-2801 целосно го блокира пренесувањето на вирусот ковид-19 во рок од 24 часа.

"Ова е прва демонстрација на орално достапен лек кој брзо го блокира пренесувањето на САРС-CoV-2. Молнупиравир може да промени сè", рече вирусологот Ричард Племпер од Универзитетот во Џорџија.

Бидејќи овој лек е во форма на апчиња и може да се зема орално, третманот може да се започне во многу рана фаза на болеста, што може да има три придобивки: може да спречи развој на потешки симптоми, да го скрати периодот кога пациентот е заразен за други лица и со тоа да ги потисне понатамошните локални фокуси , пишува Eureka Alert.

„Претходно забележавме дека МК-4482 / ЕИДД-2801 делува против широк спектар на респираторни РНК вируси и дека кај заразените животни на кои им се давал лекот, количината на вирусни честички се намалува за неколку редови, што пак драматично го намалува пренесувањето“, рече Племпер.

„Ова е причината зошто MK-4482 / EIDD-2801 стана добар кандидат за фармаколошка контрола на ковид-19“, додаде тој.

Племпер и неговите колеги ја тестирале ефикасноста на овој лек и на нутрии заразени со ковид-19.

„Сметаме дека нутријата е релевантен модел на пренесување затоа што лесно го шири САРС-CoV-2, но генерално не развиваат посериозни симптоми, што многу потсетува на текот на болеста кај помладите лица“, рече вирусологот Роберт Кокс од Универзитетот во Џорџија.

Научниците ги заразиле нутриите со коронавирус и започнале да ги третираат со молнупиравир кога започнале да ги исфрлаат вирусните честички од носот.

"Кога ставивме заразени нутрии кои примаа молнупиравир и здрави, неинфицирани во истиот кафез, ниту едно од здравите животни не се зарази. Од друга страна, кога ставивме заразени нутрии кои добија плацебо со здравите, сите контакти се заразија". , рече вирусологот Џозеф Волф.

Доколку овие податоци се мапирани на луѓе, тоа би значело дека луѓето со ковид-19 би можеле да престанат да бидат заразни во рок од 24 часа од почетокот на третманот.

Молнупиравир првично бил направен како лек против грип. Тој предизвикувал мутации во ензимите одговорни за репликација на вирусот. Кога репликацијата на вирусот е блокирана, треба да се спречи понатамошен развој или влошување на болеста.

Оваа студија била извршена кај животни и разгледала колку е ефикасен МК-4482 / EIDD-2801 во контролата на ширењето на коронавирусот меѓу нутрии, но овој лек во моментов поминува низ напредни клинички испитувања во фаза II / III за да се види дали е ефикасен во лекувањето на ковид- 19 кај луѓето. Втората фаза на клиничките испитувања, односно испитувањата врз луѓе, проверува колку е ефикасен лекот, а третата фаза колку е безбеден и кои се несаканите ефекти.

Студијата наречена Therapeutically administered ribonucleoside analogue MK-4482/EIDD-2801 blocks SARS-CoV-2 transmission in ferrets е објавена во списанието Nature Microbiology.

Ибрахимовиќ и Лукаку во клинч, за малку избегната тепачка (ВИДЕО)

Златан Ибрахимовиќ и Ромелу Лукаку жестоко се судрија во последните моменти од првото полувреме на четвртфиналниот натпревар од Купот на Италија меѓу Интер и Милан.

Ибрахимовиќ во 31-та минута го донесе Милан во водство со убав гол, а играчите на Интер стануваа се понервозни, што се гледаше на Лукаку, кого Ибрахимовиќ го испровоцира.

Белгиецот и Швеѓанецот се соочија очи во очи и веднаш беа разделени од соиграчите.

Ситуацијата беше на работ на голем инцидент кога судијата Паоло Валери го објави крајот од првото полувреме. Лукаку бесно се упати кон Ибрахимовиќ, кој се упати кон соблекувалната, а за да се избегнат поголеми проблеми, присутните на теренот морале да интервенираат.

И двајцата добија жолти картони.

Лукаку, наводно, му рекол на Ибрахимовиќ да престане да му се смее, а Ибрахимовиќ му одговорил: „Ајде, ајде да одиме“.

Ибрахимовиќ беше исклучен во 58. минута поради втор жолт картон за прекршок во центарот, а израмни Лукаку од пенал во 71. минута.

Британка се изживува врз неподвижна старица, семејството ја снимило (Вознемирувачко видео)

Бритинската полиција објави на својот Твитер вознемирувачко видео во кое се гледа злоупотреба врз дементирана старица од 29-годишна старателка , која е осудена на шест месеци затвор.

29-годишната Џени Деди требало да се грижи за полу-подвижната 69-годишна Лиз Јангс, но снимките од надзорните камери откриваат дека наместо тоа, таа ја влече за коса, и ги турка прстите во лицето и устата и ја влече за нос.

Во текот на летото 2019 година, ќерката на жената од видеото, Корина Канингам, која живеела со неа во куќа во Норфолк, започнала да забележува полесни повреди како што се модринки и гребаници на лицето и телото на нејзината мајка.

Поради сè, вклучила камера, која цело време снимала во собата. Полицијата објаснила дека семејството на Лиз Јангс сакало снимката да се сподели јавно за случајот да остане запаметен откако Деди е приведена.

Според „Дејли меил“, за време на една посета, Деди зела куче со себе, кое ја изгребало Лиз Јангс, предизвикувајќи длабоки расекотини на нејзините нозе.

Деди, пишува понатаму, ја принудувала старицата да јаде и вербално и физички ја малтретирала. На видеото се гледа како ја влече за коса и ги турка прстите во лице.

Во една прилика ја оставила гола скоро цели 30 минути, со влажна коса и само со крпа над колената.

Семејството на Лиз Јангс го видело видеото во ноември 2019 година и веднаш им било јасно дека старицата била малтретирана, по што интервенирала полицијата.

Деди признала дека лошо се однесувала кон лице кое има потреба од посебна грижа и е осудена на шест месеци затвор.

"Знаеме дека објавувањето на оваа снимка предизвика силни реакции, целосно разбираме дека е тешко да се гледа. Го зедовме предвид ова пред да го објавиме. Семејството на г-ѓа Лиз сакаше да спречи слични случаи", објави полицијата, пренесува британски Мирор.

Елизабет Харли во топлес, ја сликал нејзиниот 18-годишен син (ФОТО)

Актерката и манекенка Елизабет Харли позираа топлес во снег, а фотографијата што ја објави на Инстаграм ја направил нејзиниот 18-годишен син.

55-годишната Британка носи само палто и долен дел од бикини од својата нова линија за костими за капење.

„Како можев да одолеам? напишала заедно со фотографијата што ја споделила со повеќе од 1,8 милиони следбеници на Инстаграм.

Таа исто така открика дека ја фотографирал нејзиниот син Дамијан, кој оди по нејзините манекенски стапки.

Таа добила бројни комплименти за фотографијата, но големото внимание што го привлече, не помина без негативни реакции, а многумина често ја критикуваат за нејзината врска со синот.

притисни ентер