Тоа е листа на најдобрите производители што се објавува секоја година од „American Consumer Reports“. Станува збор за студија во која се позиционирани 32 марки на автомобили според резултатите од тестовите на поединечните модели на автомобили, како и тестовите за издржливост, безбедност и задоволство на постоечките сопственици.
Оваа година се случија неколку изненадувања, а најинтересно секако ќе биде скокот на „BMW“. Германскиот бренд се искачи за две места и ја однесе победата.
Минатогодишниот победник „Subaru“ падна на второто место, додека на третото е „Mini“, исто така во сопственост на „BMW“ и генерално се попопуларен бренд во Америка.
Само уште еден европски бренд влезе во топ-10. „Audi“ е на 9-то место.
„Kia“ ја заклучува првата десетка, значително подобро позиционирана од сестринскиот „Hyundai“.
Најдобро позициониран американски бренд е „Buick“ на 12-то место, додека „Lincoln“ забележа најголем скок, од дури10 места.
А кога сме кај скоковите, треба да се истакне дека најголемиот го направи корејскиот „Genesis“, кој поради подобрата сигурност скокна за 12 места.
Време е за разочарувања. Ќе го споменеме „Porsche“ кој е на 14 место, „Volkswagen“ и „Volvo“ го делат местото број 19, а „Mercedes“ е само на 26 место.
Назад се „Jaguar“, „Jeep“ и „Land Rover“. Треба да се спомене и дека на листата ги нема „Fiat“, „Maserati“, „Polestar“, „Ram“ и „Rivian“, бидејќи немаа два тестирани модели во 2022 година.
Погледнете ја топ 10 листата:
1. BMW
2. Subaru
3. Mini
4. Lexus
5. Honda
6. Toyota
7. Genesis
8. Mazda
9. Audi
10. Kia