Живот

Американска старт-ап компанија тврди дека може жива да претвори во злато

– Сепак постои цака!

Компанија која се занимава со фузија на енергија, тврди дека пронашла начин живата да ја претвори во злато.

Компанијата „Маратон фјужн“ (Marathon Fusion) со седиште во Сан Франциско наведува дека истата енергија која еден ден може да овозможи неограничен извор на чиста енергија, може да се искористи и за чиста алхемија, пишува „Фајненшл тајмс“.

Според трудот, кој сè уште не е рецензиран, нуклеарната трансмутација - процесот со кој еден елемент или изотоп се претвора во друг, преку отстранување на протон од неговото јадро, би можела да се користи за синтеза на златни честички.

„На хартија, изгледа одлично и сите со кои досега разговарав за тоа, се заинтригирани и возбудени“, изјавил за „Фајненшл тајмс“ Ахмед Диало, физичар во Министерството за енергетика на САД, кој ја прегледал студијата.

Од фузија до алхемија

Во текот на изминатите три години, Marathon Fusion собрале речиси 6 милиони долари од приватни инвеститори и 4 милиони долари од владини грантови, фокусирајќи се на зголемувањето на ефикасноста на фузискиот систем.

Сепак, концептот за имитирање на условите од јадрото на Сонцето за да се произведе нето позитивна количина на енергија останува неостварлив, и покрај децениските истражувања.

Научниците тукушто почнуваат во достигнувањето на точката во која фузиските реактори произведуваат повеќе енергија отколку што им е потребно за да се одржат, а скалирањето на овие системи е дополнителен предизвик, со оглед на тешкотијата да се контролира екстремно високоенергетската и нестабилна плазма во сложените реактори.

Во почетокот на оваа година, „Маратон“ се фокусираше на нуклеарна трансмутација, предлагајќи да се воведе изотоп на жива – Hg-198 – во фузиски реактор за да се претвори во Hg-197. Ова се прави со класични фузиски горива, како што се литиумските и водородните изотопи.

Но, овој пат се појавува интересен нуспроизвод: Hg-197 е нестабилен изотоп кој спонтано се распаѓа во злато-197 – стабилна форма на злато.

Златото како нуспроизвод на фузиска електрана?

Иако процесот сè уште не е докажан, раководителите на оваа старт-ап компанија веќе размислуваат за огромни приходи – или, како што велат, златни прачки. Техничкиот директор Адам Рутковски и извршниот директор Кајл Шилер тврдат дека дури 5.000 килограми злато би можеле да се произведуваат годишно на еден гигават произведена електрична енергија – и тоа без да се намали вкупното производство на електрична енергија.

„Клучниот увид е дека оваа серија брзи неутронски реакции може да произведе големи количини злато, а воедно да ги задоволи барањата за циклусот на гориво на системот“, изјавил Рутковски за „Фајненшл тајмс“.

Сепак, има една цака

Секако, работите не се толку едноставни. Некои од другите изотопи на златото произведени за време на процесот би можеле да бидат радиоактивни, што значи дека златните прачки би требало да се складираат дури од 14 до 18 години пред да бидат безбедни за употреба.

И покрај порастот на нови старт-ап компании за фузија кои привлекуваат милијарди долари инвестиции за развој на одржливи извори на енергија, основниот концепт за производство на електрична енергија со фузија на атоми сè уште не е комерцијално одржлив.

Затоа амбициите на Рутковски и Шилер да се збогатат преку рударство на злато остануваат повеќе идеја отколку реалност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

‼️ Explosion sur la place De Brouckère, les infos que j’ai eu sur place et via les médias …

#explosion #incendie #bruxelles #Debrouckère #Incident pic.twitter.com/qaYLaL9hQA
— Yusuf Yildiz (@yyildiz1030) July 14, 2026

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.