Американска компанија почна да ја тестира вакцината против коронавирус на луѓе (ВИДЕО)

Покрај драматичните вести за ширењето на коронавирусот ширум Европа, секојдневно има позитивни вести од целиот свет за напредокот во истражувањето на Ковид-19 и пронаоѓање на вакцина против оваа нова болест.

Така, во понеделникот, американската компанија за биотехнологија Модерна започна со тестирање на својата вакцина врз луѓе, што е првото клиничко испитување во светот. Во соработка со американскиот Национален институт за здравство (NIH), Модерна ангажираше 45 здрави и релативно млади волонтери.

- Сите се чувствуваме беспомошни. Ова е неверојатна можност да се направи нешто – изјави првиот учесник во студијата, Џенифер Халер (43) од Сиетл  за АП пред да се вакцинира.

Во текот на следните шест недели, другите учесници во клиничкото тестирање ќе добијат различни дози на вакцината. Не постои ризик волонтерите да се инфицираат, бидејќи вакцината не го содржи самиот вирус. Целта на првата фаза од клиничкото испитување е да се провери безбедноста на вакцината, односно да не се покажат некои потенцијални негативни несакани ефекти.

- Вакцината што ја разви Модерн припаѓа на таканаречените вакцини на база на  нуклеинска киселина, а во конкретниот случај тие користеа РНК (рибонуклеинска киселина) за да го разбудат нашиот имунолошки одговор - вели молекуларниот биолог Кристијан Влахович.

притисни ентер