Забава

Американка му открива на светот како се живее на Балканот

„Не можам да прифатам дека овие работи им се нормални“!

Американката Хелен Сула се преселила во Црна Гора, па на својот профил на Тикток открила кои работи посебно ја изненадиле на Балканот.

Хелена Сула, блогерка од Америка, се преселила во Црна Гора. Таа е многу активна на социјалните мрежи, а сега на ТикТок откри на кои работи не може да се навикне. Претходно, таа истакна дека сите земји на Балканот се многу безбедни, а сега дека постојат и такви што ја шокирале.

Пушење и ракија

„Навистина ми е тешко да прифатам некои работи. Најважно е што луѓето овде сè уште пушат многу, и тоа дури и во затворени простори. Се пуши буквално секаде. Внатре, надвор... Каде и да се наоѓате, некој пуши. Во Америка не познавам никој што пуши. Знам дека тоа зависи од локацијата, но во Црна Гора и на Балканот воопшто, луѓето пушат секаде и тоа е сосема нормално“, вели таа, додавајќи дека ѝ е чудно што некои луѓе во Црна Гора пијат ракија дури и пред утринското кафе.

„Како ова го нема во Црна Гора?“

Хелена истакнува дека е изненадена што во Црна Гора нема „Мек“, „Старбакс“, па дури ни „Епл“.

„Тие продавници едноставно не постојат овде, што ми е интересно, но затоа има места со ќебапи на секој чекор. Искрено, вкусни се. Не сум голем обожавател на „Мекдоналсд“, но некогаш ви доаѓа само да возите до таму и да земете „кока-кола лајт“ преку прозорецот, но тоа не е можно овде. Освен тоа, нема ниту „кока-кола лајт“. Имаат само „кока-кола зеро“, вели Американката.

„Луѓето навистина веруваат дека ќе се разболат од клима-уредот“

„Луѓето овде искрено веруваат дека клима-уредите предизвикува настинки. Тие навистина мислат дека можат да се разболат од климата. Постојано зборуваат за тоа. Кажуваат како биле во Америка и се разболеле поради климатизацијата во хотелската соба“, вели Хелена, додавајќи дека не може да верува оти луѓето не се поздравуваат едни со други на улица:

„Кога ќе поминеш покрај некого на улица, никој не те погледнува. Нема насмевка, нема кимнување. Не постоиш. Едноставно, никому не му е гајле.“

„Никогаш порано не сум го видела ова“

Хелена е изненадена од начинот на кој функционира сообраќајот.

„Луѓето навистина возат лудо. Многу агресивно и брзо, патиштата често се кривулести и тесни, и често без заштитна ограда. А освен тоа, децата често седат напред, на совозачкото седиште! Никогаш порано не сум видела такво нешто. Дури и во главниот град, во Подгорица, луѓето возат по кружен тек со дете на предното седиште. Интересно, во најмала рака“, заклучува таа.

@heleneinbetween Replying to @Iva it’s always the ones where I say what I don’t like never the ones where I share what I do. But yes I love how safe I feel here! For the most part #montenegro #sheisnotlost #expat #balkans #lifeabroad ♬ original sound - Helene Sula - Travel Blogger

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски ја распродава Македонија за профит -ископување антимон е опасно и мора да се прашаат граѓаните

Мицкоски ја распродава Македонија.

Земјата, водата, рудата, природните ресурси, националните богатства ги нуди на компании.

Одлучил Мицкоски сам, народот никој не го прашува.

Прво, за дата-центрите – одлуката е веќе донесена од Мицкоски.

Дата-центрите ја загреваат водата, трошат огромни количества електрична енергија, а сметката ја плаќаат граѓаните и земјоделците кои ќе останат без вода.

Нема нови работни места, нема профит за државата – профит има само за компанијата.

Водата е најважниот ресурс.

Во време кога водата на повеќе од 50 места во Македонија е загадена, Мицкоски сака да копа антимон.

Ископувањето може да биде опасно за граѓаните, бидејќи изложеноста на прашина може да ги оштети белите дробови и да влијае врз срцето, црниот дроб и други органи, а може да дојде и до загадување на подземните води.

Водата тогаш може да содржи антимон и други тешки метали. Јасно ви е колку може да биде опасно, кога сега во водата имаме бактерии од фекално загадување, а замислете го и ова.

Веќе 11 недели не можеме да добиеме извештај дека водата во Гостивар е чиста, иако над 5.000 луѓе завршија во болница. Како оваа неспособна власт ќе се справи со ризиците од рудник за антимон?

Ископот на антимон е опасен исто како и литиумот.

Запрен е на повеќе места во Европа токму поради опасност по животната средина и по луѓето.

Изгледа дека Мицкоски одлучил да им ги земе сите пари на граѓаните, да земе провизија од секој проект и да ја упропасти целата држава.

Да ги истера луѓето од сопствената земја.

Мицкоски нема право да ја распродава земјата, водата, рудите, националните богатства

Мора граѓаните да се прашаат.

Во средините во кои што живеат да се изјаснат на референдум дали сакаат или не сакаат, близу до нивните места на живеење, да се градат рудници.

Бараме референдум!

Македонија не е на распродажба!

Прес конференција на СДСМ, Кети Штерјова

Скопје, 19.09.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Партизираното судство градено со години во служба на моќници поединци, наместо во слово на законот

Овој правосуден систем подобен и во служба на моќни поединци, со години се градел и секогаш кога ќе се јави потреба инсталациите од СДС и ДУИ во него се активираат.

Кога некој од блиските на СДС и ДУИ ќе се најдат во тесно и во судир со правдата, како по нарачка од одговорност ги спасуваат нивните луѓе во судството.

Судии и обвинители, пресудуваат во нивна корист, враќаат постапки на повторни судења, укинуваат пресуди, затвораат истраги, само за да им угодат на нивните наредбодавци.

Во таквите постапки, инсталациите на СДС и ДУИ во правосудството никако не се на линија за правдата и законот, а такви изминатиов период имаше многу кои македонските граѓани тоа јасно ги видоа.

Роднински, пријателски, партиски, комшиски врски со СДС и ДУИ, биле предуслов за да стане судија или обвинител и да се напредува во кариерата и да се искачуваат повисоко во хиерархијата на правосудниот систем.

Меѓу предметите кои не го видоа светлото на правдата се предметот Мазут, тежок 167 милиони евра, затворената истрага за набавката на модуларните болници, каде главен осомничен требаше да е Венко Филипче, укинатата пресуда за Ласкарци каде животот го загубија 16 лица и ред други.

Со ваквите постапки, каде поединци место да се гонат и судат, со сите сили се штитат, поединците во правосудството стануваат соработници на криминалот и корупцијата.

Овие судии и обвинители блиски до СДС и ДУИ, кои среќа што се во мал дел од правосудството, со нивните одлуки спротивни на правдата, го корозираа правосудниот систем до ниво на 2% доверба од граѓаните.

На овој систем мора да му дојде крајот, затоа што македонските граѓани сакаат независен и непристрасен правосуден систем во служба на словото на закон.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Дронови над аеродромот предизвикаа прекин во авиосообраќајот во Луксембург

Властите ги продолжија операциите на аеродромот во Луксембург откако сообраќајот беше прекинат претходната вечер поради откривање на „неовластени беспилотни воздушни системи“ - поточно дронови - во близина и над аеродромот.

Единствениот меѓународен аеродром во Луксембург изјави дека прекинот во петокот е спроведен како превентивна мерка за да се обезбеди безбедноста на патниците, екипажите на летот, персоналот на аеродромот и авионите.

Не беа дадени детали во врска со потеклото на дроновите или кој ги управувал.

Потенцијални доцнења Иако летовите се обновени, можни се понатамошни доцнења и прекини, бидејќи авиокомпаниите и партнерите на аеродромот работат на враќање на редовниот распоред на летови, според известувањето на аеродромот.

Аеродромот во Луксембург, главниот центар на националниот превозник Луксер, изјави дека продолжува да ја следи ситуацијата во соработка со надлежните органи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.