Живот

Американка им наредила на четворицата љубовници да киднапираат маж и да го измачуваат (ВИДЕО)

Мартина Џонс (28) од Охајо, нејзиниот сопруг и четворицата љубовници се соочуваат со сериозни обвиненија.

Властите тврдат дека жената „наредила киднапирање и мачење“ на неименуваната жртва, кој бил држен во хотел во градот Моми.

Повеќекратни фрактури на коските

Полицијата соопшти дека 26-годишен маж бил киднапиран на 14 март, а потоа претепан со бејзбол палка. Тој бил заробен една недела, во текот на која спиел вкупно 10 часа и јадел еднаш дневно.

„Неговите повреди се резултат на удирање со бејзбол палка, тупаници и газење додека бил на земја, што со текот на времето довело до повеќекратни фрактури на коските“, изјави началникот на полицијата Џош Спроу.

Властите тврдат дека „мозокот“ на операцијата била Џонсон, која им дала директни наредби на нејзиниот сопруг Мајкл Ескада (28) и љубовниците Арон Бредшо (49), Остин Бредшо (23), Дејвид Цесна (26) и Ченс Џонстон (27).

Хотелот под надзор

Жртвата била спасена откако на 21 март ѝ било дозволено накратко да оди во продавница, од каде што ја повикал мајка си за помош, пишува Дејли мејл.

Полицијата брзо реагирала, го надгледувала хотелот и ги уапсила осомничените пред да ја напуштат областа.

Претепаниот со повреди по целото тело бил пренесен во болница, но ниту една не била опасна по живот. Потоа им кажал на полицајците што го предизвикало киднапирањето.

Ова е мотив за киднапирањето?

Тој тврди дека сѐ се случило откако нивните кучиња се степале во куќата на Џонсонови. Кога се обиделе да ги запрат животните, Американката паднала во хаосот и ја скршила раката.

Наместо да објасни што се случило, Џонсон наводно лажно го обвинила човекот за повредата, што предизвикало желба за одмазда.

Уапсените ќе бидат изведени пред суд.

Тагови: Американка киднапира

Фудбал

Гризман, сепак, останува во Атлетико

Иако се шпекулираше дека летово ќе се пресели во американската МЛС лига, 34-годишниот француски крилен напаѓач Антоан Гризман ќе остане во Атлетико Мадрид, објавија денеска шпанските медиуми.

Актуелниот договор на Гризман истекува во јуни следната година, но се шпекулираше дека тој ќе замине во МЛС лигашот Лос Анџелес во летниот преоден рок.

Сепак, според шпанските медиуми, миленикот на тренерот Диего Симеоне треба да го продолжи договорот до јуни 2027 година, што значи дека ќе игра за Атлетико барем уште една сезона.

Францускиот фудбалер се согласил и на намалување на платата, а неговата нето заработка по оданочување изнесува осум милиони евра по сезона.

Гризман дојде во Атлетико во јули 2014 година од Реал Сосиедад во трансфер вреден 30 милиони евра. По пет сезони минати во мадридскиот клуб, во летото 2019 година беше купен од Барселона, која плати отштета од 120 милиони евра. Францускиот напаѓач не ги исполни очекувањата и по две години се врати во Атлетико, прво на позајмица, пред мадридскиот клуб да го откупи неговиот договор во јули 2023 година за 22 милиони евра. /МИА

Тагови: Антоан Гризман Атлетико

Свет

Во Молдавија закажани парламентарните избори за 28 септември

Во Молдавија ќе се одржат парламентарни избори на 28 септември, соопшти денеска локалниот парламент, додека гласањето ќе го одреди политичкиот пат на поранешната советска република, која се наоѓа меѓу европските аспирации и руското влијание

„Нашата задача е да ја зачуваме стабилноста и да се приклучиме на Европската унија во следните четири години“, рече проевропската претседателка на Молдавија Маја Санду, која ги прекина односите со Русија по војната во соседна Украина и ги отвори пристапните преговори со Брисел.

Таа зборуваше пред 101-члениот парламент во кој моментално доминира нејзината централно-десничарска партија Акција и солидарност, по убедливата победа на претходните парламентарни избори во јули 2021 година.

„Болно е да се признае, но ние сè уште имаме кревка држава“, рече Санду, предупредувајќи на можно враќање на „корумпираниот систем“ од минатото.

Молдавските власти соопштија дека имало купување гласови на претходните избори. Тогаш полицијата покрена истрага против повеќе од 140.000 граѓани на оваа сиромашна земја со околу 2,5 милиони жители./МИА

Тагови: избори Молдавија

Свет

Трамп најави засилени трговски преговори, Кина подготвена за разговори

Американскиот претседател Доналд Трамп денеска изјави дека се водат трговски преговори со неколку земји, вклучувајќи ги Мексико, Јапонија и Кина, и ги опиша како продуктивни.

Како што јави Си-Ен-Ен, Трамп на мрежата „Трут сошла“ напиша дека разговарал со претседателот на Мексико и со највисоките трговски претставници на Јапонија, додека Кина, како што рече, е меѓу земјите што сакале средба со неговата администрација.

Како што наведе, кинески извори велат дека се отворени за преговори, но под услови на меѓусебно почитување и реципроцитет.

Италијанскиот премиер Џорџа Мелони денеска отпатува за Вашингтон на разговори во Белата куќа.

Тагови: Доналд Трамп