Американка до смрт го издрогирала своето десет месечно бебе со синтетички хероин - Канал 5

Свет

Американка до смрт го издрогирала своето десет месечно бебе со синтетички хероин

10-месечно бебе од Јужна Каролина, САД, починало од предозирање со фентанил бидејќи нејзината кукла, како и цуцлата и шишето биле премачкани со оваа исклучително силна и смртоносна дрога.

Американка до смрт го издрогирала своето десет месечно бебе со синтетички хероин

За смртта на девојчето е осомничена нејзината мајка Сара Констанс Шакери Тејлор (39). Покрај тоа, Сара е осомничена дека организирала борба со кучиња, се наведува во соопштението на шерифот на округот Чарлстон.

Таткото на детето, Санди Гејтерс (41), се вратил од работа во 15 часот на 15 мај и ја видел својата безживотна ќерка како лежи на стомак на работ од креветот додека нејзината мајка спиела.

Полицијата добила вознемирувачки повик, поради што веднаш излегла на терен, а во семејниот дом затекнале трагична глетка.

Итната помош се обидела да го спаси девојчето, но за жал, таа не можела да се спаси. Набрзо, во болница, на малото девојче ѝ била констатирана смрт. Направен е токсиколошки тест и потврдено е дека починала од труење со фентанил.

Властите биле изненадени од количината на дрога пронајдени во телото на бебето и заклучиле дека таа можела да ги зема лековите само орално.

„Доказите беа собрани во домот на семејството и вклучуваа цуцла што ја користело бебето, шишиња, паричник со дрога во прав. Сите предмети биле позитивни на фентанил“, се вели во полициското соопштение.

Мајката наводно признала дека претходно користела фентанил и била свесна за ефектите, но одбила да донира крв на денот кога нејзината ќерка починала, пренесува Мирор.

„Како родител, фактот што таму има луѓе кои се толку невнимателни со своите деца го крши срцето. Оваа мајка донела ужасна одлука и погледнете колку далеку ја однесе“, изјави шерифот Кристин Грацијано.

Инаку, фентанил е синтетичка дрога која е 50 пати посилна од хероинот.

Сепак, истрагата на полицијата не завршила тука. Мајката на крајот е обвинета дека организирала и борба со кучиња. На семејниот имот биле пронајдени околу 15 кучиња, главно питбули.

Кучињата биле пронајдени „врзани и затворени во кафези во соби кои биле планирани за тепачка“. Откриени се и траки за трчање и дигитални уреди за мерење прикачени на јаките за кучиња.

Сите докази упатувале на нелегална борба со кучиња.

Мајката се уште не е обвинета во случајот со убиството на нејзината ќерка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и топло со мала до умерена облачност

Времето утре ќе биде сончево и топло со мала до умерена локална облачност. Ќе дува слаб до умерен ветер од северен правец. 

Утре сончево и топло со мала до умерена облачност

Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 10 до 21, а максималната ќе достигне од 32 до 39 степени.

Во Скопје, сончево со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи. Минималната температура ќе се спушти до 18, а максималната ќе достигне до 37 степени.

Во следните денови времето ќе биде сончево и топло со мала до умерена облачност. Во попладневните часови ќе има услови за локална појава на нестабилност со пороен дожд, грмежи и засилен ветер. Особено топло ќе биде во петок и за време на викендот кога температурите секаде ќе бидат над 32 степена.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ ја менува долгогодишната традиција: Новиот „iPhone“ добива промена што никој не ја сака

„Apple“ со години избегнуваше да се натпреварува со конкурентите на „Android“ во капацитетот на батеријата, но со доаѓањето на серијата „iPhone 18“, работите драстично се менуваат.

„Apple“ ја менува долгогодишната традиција: Новиот „iPhone“ добива промена што никој не ја сака

Иако неколку месеци не делат од официјалната премиера на новата генерација телефони на „Apple“, веќе циркулираат инсајдерски информации. Според податоците од кинеската регулаторна база на податоци „3C“, објавени од познатиот типстер „Digital Chat Station“, „iPhone 18 Pro Max“ ќе има значително поголема батерија, но затоа ќе биде значително подебел и потежок.

Поради зголемените барања за вештачка интелигенција (Apple Intelligence), компанијата е принудена да ја промени својата филозофија за тенок дизајн. Новиот „iPhone 18 Pro Max“ наводно доаѓа со масивна батерија со капацитет од дури 5.567 mAh (во eSIM верзијата). За споредба, претходниот „iPhone 17 Pro Max“ имаше батерија од 5.088 mAh. Помалиот „iPhone 18 Pro“ исто така ќе добие сериозно подобрување, чиј капацитет се зголемува на 4.288 mAh.

Отстранувањето на слотот за физичка SIM картичка ослободува вреден простор во куќиштето за дополнителни милиампер-часови. Кога овој хардверски скок ќе се комбинира со новата генерација енергетски ефикасни чипови „A20 Pro“ (направени на 2nm процес), аналитичарите предвидуваат дека „iPhone 18 Pro Max“ би можел да понуди најдобра автономија во историјата на паметните телефони, што би можело да им конкурира на „Android“ телефоните со батерии од дури 7.000 mAh.

Фото: ВИ

Извор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер