Технологија

Американец измисли заштитна маска што зборува и се смее (ВИДЕО)

Заштитна маска за лице што одговара на звукот на гласот на оној што ја носи.

Тоа е најновиот изум на компјутерски програмер од Калифорнија.

Дизајнерот на видео игри и програмер Тајлер Глеил создаде нова намена на маската за лице за луѓето да бидат помалку фрустрирани обидувајќи се да комуницираат со покриени усти за време на пандемијата на COVID-19.

Глеил создаде платнена маска за лице со панел на LED светла на предната страна што се активираат со глас, кои се движат секогаш кога некое лице зборува и симулира отворање и затворање на устата.

Низата од 16 LED-светла може да се користи и за да се направи насмеана форма ако лицето што ги носи прави бучава со кликање со јазикот.

„Имав случајна идеја за маската“, рече Глеил во интервју за Би-Би-Си за проектот.

Глајел поминал околу еден месец експериментирајќи со различни начини да ја изгради LED маската пред да се реши на конечниот дизајн.

Направена е со употреба на Arduino Nano - ефтин микрокомпјутер сличен на Raspberry Pi – што ги контролира LED-светлата и системот за препознавање на гласот и се напојува со батерија од девет волти.

LED панелот се вклопува во преграда во маската и може лесно да се отстрани при перење, додека куќиштето на LED може периодично да се стерилизира со УВ зраци.

Системот може да биде изграден со основен список на компоненти што треба да бидат достапни во повеќето продавници за хардвер или електроника, вклучувајќи електрични жици, мал микрофон, конвертор и електрична лента. Глеил вели дека секој може да ја направи оваа маска , ако ги искомбинира лесно достапните компоненети.

Македонија

Отворено студио на Канал 5: Како би изгледала новата Влада?

Во отвореното студио на Канал 5 по повод двојните избори во Македонија се дискутираше за тоа како би изгледала новата Влада.

Според Горан Момироски ВМРО-ДПМНЕ оди кон 58 пратеници, а ВЛЕН и ЗНАМ се сериозни кандидати за да влезат во коалиција со ВМРО-ДПМНЕ.

За Љупчо Зиков е прерано да се лицитира со цифри на пратеници, а според него на платнформата за новата влада според ќе се најдат ВМРО-ДПМНЕ и ВЛЕН.

Свет

Најмалку 85 жртви во поплавите во Бразил- претседдателот бара прогласување вонредна состојба

Бразилскиот претседател Луис Инасио Лула да Силва побара од Конгресот да прогласи вонредна состојба поради поплавите предизвикани од обилните дождови во кои загинаа најмалку 85 луѓе во најјужната држава Рио Гранде до Сул,покажуваат најновите податоци.

Оваа мерка би овозможила одобрување на дополнителни државни распределби без потреба да се почитуваат ограничувањата предвидени со фискалните правила кои стапија на сила минатата година.

„Сè уште немаме проценка за тоа што ќе биде неопходно. Само кога водата ќе се повлече ќе го видиме обемот на штетата“, рече министерот за планирање Симон Тебет, како што пренесува Ројтерс.

Гувернерот на Рио Гранде до Сул, Едуардо Леите изјави дека бројот на загинати може значително да се зголеми бидејќи спасувачите напредуваат.

Повеќе од 130 луѓе се уште се водат како исчезнати откако поплавите погодија повеќе од две третини од речиси 500 градови во земјата, а раселени се околу 150.000 луѓе, соопшти Управата за цивилна одбрана на земјата.

Поплавите уништија патишта и мостови во неколку градови, предизвикувајќи лизгање на земјиштето.

Временските услови се подобрија во понеделникот, но синоптичарите соопштија дека се очекува повторно да врне обилен дожд помеѓу 10 и 15 мај.

Македонија

Муцунски: Очекуваме одличен резултат и уште вечерва да се знае каква ќе биде Владата

Потпретседателот на ВМРО-ДПМНЕ Тимчо Муцунски, рече дека ДУИ вечерва станува опозиција, зашто беше дел на криминална Влада.

Муцунски рече дека очекува одличен резултат на парламентарните избори и дека цензусот за претседателските избори ќе биде надминат со сигурна победа на Гордана Силјановска- Давкова.