Американците сепак не слетаа на Месечината??? – Ова го потврдува легендарниот режисер Стенли Кјубрик во неговото последно интервју - Канал 5

Американците сепак не слетаа на Месечината??? – Ова го потврдува легендарниот режисер Стенли Кјубрик во неговото последно интервју

Дури 15 години после смртта на Стенли Кјубрик се појави снимката на која , наводно тој признава дека слетувањето на Месечината било лажирано.

Американците сепак не слетаа на Месечината??? – Ова го потврдува легендарниот режисер Стенли Кјубрик во неговото последно интервју
Режисерот Т. Патрик Мури го интервјуирал Кјубрик три дена пред неговата смрт во март 1999 година.

Тој тогаш потпишал договор на 88 страни со коj ова интервју морало да остане тајна во наредните 15 години.

Ви го претставуваме транскриптот на интервјуто со Стенли Кјубрик, за кое се кршат копјата дали е автентично или не!


Кјубрик (К): Преокупиран сум со работата, идеите, ризиците....

Т. Патрик Мури (Т): Зошто се согласивте на ова интервју?

К: Почна да ме гризе совеста. Тешко ми е бидејќи никогаш претходно немам проговорено на оваа тема.

Т: Слободно земете колку ви е потребно време.

К: Отсекогаш несвесно се противев на тоа, но дури во последните неколку години почна навистина да ме гризе совеста. Ме воодушеви можноста да направам такво нешто, не размислувајќи за последиците кои, таа постапка ќе ги има за општеството.

Т: За што зборувате?

К: Признавам дека направив филм кои сите го гледале, но никој не знае дека станува збор за филм.

Т: Сте направиле филм, а никој не знае дека станува збор за филм?

К: Токму така. Веќе сте заинтересирани зар не? Ја измамив американската јавност заедно со владата на САД и НАСА и го изрежирав слетувањето на Месечината.


Т: Ок. (смеа) Дали сте сериозни?

К: Мртов сериозен. Слетувањето на Месечината е лага!

Т. Добро. Чекајте, чекајте...последните 8 месеци се обидувам да направам единствено интервју со вас за 16 филмови кои ги снимивте и сега ми кажувате дека не сме слетале на Месечината?

К: Не сме слетале. Ништо од тоа не е вистина.

Т: Слетувањето на Месечината е лага?

К: Беше тоа фиктивно слетување на Месечината. Фантазија, а не реалност. Зарем не е важно луѓето да ја дознаат вистината?

Т: Слетувањето на Месечината од 1969 година е лага?

К: Токму така.

Т: Па да. Дури сега има смисла зошто нема да можам да го објавам ова интервју во наредните 15 години. Зошто ова сега ми го кажувате?

К: Зошто станува збор за измама од светски размери и затоа што луѓето треба да знаат за тоа.

Т: Како воопшто се согласивте да направите такво нешто?

К: Во почетокот не сакав да го направам.

Т: Вие сигурно не се шегувате? Имам ограничено време за интервју со вас, но....

К: Не, не станува збор за шега.

Т: Ок.

К: Теоретичарите на завери беа во право.

Т: Не знам што би ве прашал следно.

К: Мислам дека целата работа не е во ред...не сакав да учествувам во ваква измама.

Т: Но сепак учествувате.

К: Тоа исто така го потчини мојот уметнички интегритет.

Т: Добро, зошто на крајот се согласивте?

К: На некој начин ме подмитија.

Т: Зошто владата сакала да го изрежира слетувањето на Месечината.

К: Не е тајна дека НАСА отсекогаш сакаше да го исполни пророштвото на Кенеди.

Т: Навистина, не знам кој не би ја искористил можноста која сте ја добиле? Мислам, да станува збор за криминал, но истовремено и единствена можност...

К: Сигурен сум дека и Спилберг, Скорсезе, па дури и Вуди Ален би се согласиле истото да го направат.

Т: Признавам и јас би го направил тоа. Сепак, изгледа дека ве гризе совеста поради таа измама, зар не?

К: Да, ми се вовлече под кожа.

Т: Зошто сега му кажувате на светот дека сте го лажирале слетувањето на Месечината?

К: Сметам дека тоа е моето ремек-дело...

Т: Со кое не можете да се пофалите и за кое не можете да зборувате?

К: Па еве сега зборувам за тоа...

Т: Добро, значи ова јас можам да го објавам после 10, 15 години од вашата смрт?

К: Да.

Т: Зошто слетувањето на Месечината мораше да биде изрежирано?

К: Бидејќи е невозможно да се дојде до Месечината.

YouTube video


YouTube video


YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Џенифер Лопез позира во боди со длабоко деколте (ФОТО)

Џенифер Лопез повторно привлече внимание со објава на Инстаграм.

Џенифер Лопез позира во боди со длабоко деколте (ФОТО)

57-годишната пејачка сподели неколку фотографии по тренинг, на кои позира во кафеаво боди со длабоко деколте. Освен што ја покажува својата фигура, таа откри и со што сака да се почасти по тренингот - колачиња и млеко.

„Вежбајте и јадете колачиња. Рамнотежа“, напиша таа покрај фотографиите.

Во коментарите набрзо почнаа да го фалат нејзиниот изглед. „Прекрасна жена“, „Совршенство“ и „Ти си мојата најголема инспирација“ се само дел од пораките што ги оставија нејзините следбеници.

Најави концертен филм

Лопез го претстави и својот нов проект, концертниот филм „The JLO Show: Live in Las Vegas“, кој ги носи најинтересните моменти од нејзините настапи во Лас Вегас оваа година.

Премиерата е закажана за Денот на благодарноста, 26 ноември, на американската телевизиска мрежа „CBS“ и стриминг платформата „Paramount+“. „Со ова шоу, сакам да раскажам кратка приказна и да им оддам почит на сите забавувачи кои стоеле на оваа сцена пред мене“, рече Лопез во најавата.

Таа се подготвувала за настапи до 13 часа на ден

Пред премиерата, пејачката и порача на публиката да не престанува да танцува, без оглед на животните предизвици.

Таа ја одржа својата последна серија концерти во Лас Вегас во март, а подготовките, според извори за Дејли Меил, биле исклучително напорни. Наводно, таа вежбала кореографија со танчерите во танцово студио во Северен Холивуд до 13 часа на ден, сакајќи да ѝ пружи на публиката најдобра можна изведба.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Спортски автомобил во кој возачот седи како мотоциклист (ФОТО)

„Sanrivatti One“ е хипер автомобил со V10 мотор од 800 КС и необична положба за возење.

Спортски автомобил во кој возачот седи како мотоциклист (ФОТО)

„Sanrivatti One“ е нов хипер автомобил дизајниран исклучиво за возење на тркачки патеки, а неговата најголема карактеристика не е моторот, туку сосема поинаква положба за возење.

Наместо вообичаената положба за седење, возачот „лежи“ на стомак, со рацете испружени кон воланот и нозете повлечени назад кон педалите.

Проектот го презентираше Сантијаго Санчез Риверо, кој го нарече овој аранжман „Apex Position“.

Инспирацијата доаѓа од мотоциклистичките трки, а целта е да му се обезбеди на возачот значително подобро видно поле.

Според конструкторите, вертикалното видно поле е 28 степени, додека кај хипер автомобилот што се користи за споредба е 15,5 степени.

И покрај својата необична позиција, „Sanrivatti One“ задржува класичен волан и педали, наместо џојстици што се користат во некои експериментални тркачки автомобили.

Бидејќи овој автомобил е без преседан, купувачите ќе мора да поминат низ посебна програма за обука. Санчез Риверо планира да организира еден вид клуб каде што сопствениците ќе научат како да го возат автомобилот.

Под каросеријата инспирирана од борбен авион се наоѓа атмосферски 5,5-литарски „Judd V10“ мотор. Целната моќност е 800 КС при 9.000 вртежи во минута, со околу 700 Nm вртежен момент.

Моќта се пренесува на тркалата преку секвенцијален шестстепен менувач „Hewland“.

Конструкцијата е базирана на карбонски монокок, а целната тежина без течности е само 1.100 кг. Дизајнираната максимална брзина е 322 км/ч.

Важно е да се напомене дека сите горенаведени бројки се целни вредности засега, бидејќи развојот, тестирањето и хомологацијата се уште се во тек.

Првите испораки до клиентите не се очекуваат до 2030 година. Дотогаш, малиот тим зад проектот ќе треба да докаже дека необичната положба на возење всушност носи предности на тркачката патека.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Насилни судири во Берлин: Полицијата ги удира демонстрантите (ВИДЕО)

Нов протест на иницијативата „Gen Z regelt“ во Берлин во саботата навечер доведе до судири меѓу демонстрантите и полицијата.

Насилни судири во Берлин: Полицијата ги удира демонстрантите (ВИДЕО)

Видео објавено на социјалната мрежа „X“ покажува како полицијата турка и совладува група млади луѓе во вагон на метрото.

Според полициските податоци, околу 1.200 луѓе поминале низ западниот дел на Берлин во еден момент, иако собирот бил регистриран само за 100 учесници.

Колоната тргнала околу 17 часот од Савињи Плејс во областа Шарлоттенбург, поминала по Курфирстендам и се разотишла на станицата Халенсе, објавува Тагесшпигел .

Портпаролката на полицијата изјави во недела наутро дека 20 лица се привремено уапсени, вклучително и за поставување огномет, отпор при апсење и напад на полицајци.

Поднесени се 28 кривични пријави, вклучително и за нарушување на јавниот ред, напад на службени лица и кршење на прописите за експлозиви.

Тројца полицајци се повредени, додека полицијата не даде информации за повредени демонстранти.

Портпаролката додаде дека податоците сè уште се обработуваат и дека бројките би можеле да се променат.

Обид за пробивање на полицискиот кордон

Како што објави полицијата на својот „WhatsApp“ канал, учесниците се обиделе да го пробијат полицискиот кордон на чело на колоната пред да тргнат.

Полицијата ги запрела со туркање и удирање со тупаници.

На теренот имало околу 700 полицајци, а колоната била запрена неколку пати за време на нејзиното движење.

На митингот биле извикувани слогани против Израел и германскиот канцелар Фридрих Мерц, додека полицијата изјави дека неколку пати биле скандирани и слогани против полицијата.

Тагесшпигел пишува дека биле видени палестински и курдски знамиња и дека митингот не бил исклучиво студентски протест, бидејќи присуствувале и левичарски групи и пропалестински активисти.

Организаторите го опишаа митингот како мирен и се дистанцираа од насилство и екстремизам.

Портпаролката на полицијата рече дека протестот бил во голема мера мирен и дека нема оштетени продавници на Курфирстендам.

Најавен е европски штрајк на младите

Иницијативата „Gen Z regelt“ протестира против лошите услови во училиштата, задолжителната воена служба и намалувањата на универзитетите и социјалното осигурување.

На крајот на октомври, таа организираше протести во повеќе од 30 германски градови, а во Берлин, околу 5.000 луѓе се собраа пред Бранденбуршката порта, според полициските податоци.

Најавен е европски штрајк на младите за 20 ноември, а организаторите пријавија 15.000 учесници само во Берлин.

Се очекуваат протести и во Франција, Италија, Шпанија, Белгија и Обединетото Кралство.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер