СветАмериканците погодиле НЛО со ракета, објавена е снимка од инцидентот : Војската ги уништува извештаите (ВИДЕО)За време на вчерашното сослушување на Капитол Хил за неидентификувани летачки објекти - или неидентификувани аномални феномени, новиот официјален термин за НЛО - зборуваа тројца поранешни членови на американската морнарица и воздухопловните сили.Тие дадоа шокантни сведоштва пред Конгресот, а во истата пригода беше прикажана никогаш претходно видена снимка на која се гледа како воен дрон погодува НЛО со ракета, во близина на брегот на Јемен, на 30 октомври 2024 година. Дали снимката е „извонреден доказ“? Неверојатната снимка ја прикажа конгресменот Ерик Бурлисон од Мисури, а го гледаме моментот кога прецизно водената ракета, тешка околу 45 килограми, се одбива од мистериозната светлечка сфера, која потоа продолжува да се движи со голема брзина. Поранешен член на воената полиција на американските воздухопловни сили со 16 години служба, Џефри Нучетели, ја оцени снимката како „извонреден доказ“ за постоењето на НЛО. Тој, заедно со други сведоци, изјавил дека за време на неговата служба постојано набљудувал необични летала - од џиновски триаголници и светлечки коцки поголеми од фудбалско игралиште, до познатиот „Тик-Так“ што бил забележан над Пацификот. НЛО над Ленгли? Двајца од тројцата ветерани тврдат дека американската влада се обидела да ги прикрие овие инциденти, наводно заканувајќи се на сведоците, па дури и ставајќи еден од нив на „црна листа“, објавува Дејли Меил. Поранешниот експерт за разузнавање на американските воздухопловни сили, Дилан Борланд, рекол дека откако пријавил дека видел огромен триаголник над базата Ленгли во 2012 година, неговите претпоставени го блокирале неговото вработување, фалсификувале документи и го манипулирале неговиот безбедносен сертификат. Според него, НЛО-то, широко околу 30 метри, кое летало ниско над него, не испуштало звук, се мешало во неговиот мобилен телефон, а потоа се искачило на илјадници метри за неколку секунди. Обвинета разузнавачката заедница Борланд рече дека додека бил дел од тајната владина Програма за специјален пристап (SAP), неколку колеги од разузнавањето му признале дека и самите доживеале слични инциденти и дека биле жртви на одмазда. Тој ја обвини разузнавачката заедница дека извршила „фишинг“ напади за да дознае што споделил со Канцеларијата на генералниот инспектор на разузнавачката заедница (ICIG) за време на полиграфско испитување во ноември 2024 година. Кога конгресменката од Јужна Каролина, Ненси Мејс, го прашала дали се плаши за својата безбедност, тој одговорил дека не верува дека некој се обидува да го убие, но дека неговиот углед бил толку оштетен што во моментов живее од социјална помош. Каде се официјалните извештаи? Џефри Нучети рече дека помеѓу 2003 и 2005 година, додека бил на должност во воздухопловната база Ванденберг во Калифорнија, бил сведок на пет мистериозни инциденти. Меѓу нив се наводните видувања на светлечки црвен квадрат како лебди над инсталацијата за ракетна одбрана без да испушта никаков звук, како и џиновски правоаголен објект долг над 300 стапки. Кога конгресменката од Колорадо, Лорен Боберт, го праша за статусот на истрагата за инцидентите, тој рече дека војската рутински ги уништува сите полициски извештаи, вклучително и оние од Ванденберг. Додаде дека е невозможно да се јави војската и да се праша дури и за сообраќајна несреќа бидејќи „нема записи - сè е уништено“. Клучната улога на „дојавувачите“ Во своето воведно излагање, Нучети рече дека тој и уште двајца колеги, по работно време, виделе сферичен објект со пулсирачки светла што се движел како пеперутка над неговата куќа. Подофицерот на американската морнарица, Алехандро Вигинс, кој е активен во служба, сведочеше за инцидентот што се случил на 15 февруари 2023 година, на бродот „УСС Џексон“, јужно од брегот на Калифорнија. Според него, НЛО се издигнало од Тихиот Океан и се придружило на слични летала во формација над воениот брод. Потоа сите тие одлетале со неверојатна брзина истовремено, без звучен бум и без никакви траги што укажуваат на погонски систем, рече тој. Меѓу говорниците во Конгресот беше и Џо Спилбергер, виш правен советник за Проектот за владин надзор (POGO), кој ја нагласи клучната улога на „дојавувачите“ во разоткривањето на злоупотребите на владата.Тагови: НЛО ракета Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиЕпидемиолошката состојбата во Гостивар останува стабилна – велат од министерството за здравство15:00Вечерва во 21 часот и 54 минути почувствуван земјотрес во Скопје и околината08:56 Од крушевската република до АСНОМ – денес се одбележува 2. август празникот што ги обединува историјата и идеалите15:00Мицкоски: Битката на оваа генерација е да ја победи омразата, цинизмот и талогот што ја трујат Македонија12:09Гостиварци сè уште чекаат питка вода: Мицкоски најавува резултати од хиперхлорирањето15:00
Од крушевската република до АСНОМ – денес се одбележува 2. август празникот што ги обединува историјата и идеалите15:00
Мицкоски: Битката на оваа генерација е да ја победи омразата, цинизмот и талогот што ја трујат Македонија12:09
ЗабаваФото: Ревија на костими за капење на „Sports Illustrated Swimsuit“Списанието „Sports Illustrated Swimsuit“ секоја година организира ревија на костими за капење во Мајами. Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава. Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер. Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење. Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
Шоу бизФото: Секси русокосата не препушта ништо на случајностаАктерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица. Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи. Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите. Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ФудбалВеќе 21 фудбалер се платени повеќе од 100 милиони евра за трансферДали фудбалерите навистина вредат толку многу? Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот. Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид. Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра. Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл. Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано. Доаѓањето на клубови во сопственост на држави и милијардери дополнително го зголеми бројот на вакви трансфери. Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона. Само неколку недели подоцна, ПСЖ го доведе и Килијан Мбапе од Монако за 180 милиони евра. Ако има еден клуб што доминира на оваа листа, тоа е Челзи. Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц. Клубови од Премиер лигата учествуваа во дури 11 од вкупно 22 трансфери вредни над 100 милиони евра. Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид. Франција е претставена од ПСЖ, додека единствениот претставник на Серија А е Јувентус, поради Кристијано Роналдо. Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера. Барселона и ПСЖ заедно платија речиси 400 милиони евра за неговите трансфери. На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони. Трансфери над 100 милиони евра: 1.Нејмар – 222 милиони евра (Барселона → ПСЖ) 2.Килијан Мбапе – 180 милиони евра (Монако → ПСЖ) 3.Александар Исак – 145 милиони евра (Њукасл → Ливерпул) 4.Морган Роџерс – 138 милиони евра (Астон Вила → Челзи) 5.Елиот Андерсон – 135 милиони евра (Нотингем Форест → Манчестер Сити) 6.Жоао Феликс – 127,2 милиони евра (Бенфика → Атлетико Мадрид) 7.Флоријан Вирц – 125 милиони евра (Баер Леверкузен → Ливерпул) 8.Енцо Фернандес – 121 милиони евра (Бенфика → Челзи) 9.Филипе Кутињо – 120 милиони евра (Ливерпул → Барселона) 10.Антоан Гризман – 120 милиони евра (Атлетико Мадрид → Барселона) 11.Џек Грилиш – 117,5 милиони евра (Астон Вила → Манчестер Сити) 12.Мојсес Каиседо – 116 милиони евра (Брајтон → Челзи) 13.Еден Азар – 115 милиони евра (Челзи → Реал Мадрид) 14.Ромелу Лукаку – 113 милиони евра (Интер → Челзи) 15.Кристијано Роналдо – 112 милиони евра (Реал Мадрид → Јувентус) 16.Сандро Тонали – 108 милиони евра (Њукасл → Тотенхем) 17.Пол Погба – 105 милиони евра (Јувентус → Манчестер Јунајтед) 18.Усман Дембеле – 105 милиони евра (Борусија Дортмунд → Барселона) 19.Џуд Белингем – 103 милиони евра (Борусија Дортмунд → Реал Мадрид) 20.Герет Бејл – 101 милион евра (Тотенхем → Реал Мадрид) 21.Каи Хаверц – 100 милиони евра (Баер Леверкузен → Челзи)Тагови: милиони Фудбал Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter