Американците почнуваат со производство на ракети „Железна купола“, Израелците први во редот за купување - Канал 5

Свет

Американците почнуваат со производство на ракети „Железна купола“, Израелците први во редот за купување

Американската компанија „Рејтеон“ и израелската компанија „Рафаел“ официјално отворија нов објект во Соединетите Американски Држави за производство на ракети „Железна купола“, а изградбата на производствените капацитети започна во 2023 година.

Американците почнуваат со производство на ракети „Железна купола“, Израелците први во редот за купување

Израелската влада веднаш нарача ракети „Железна купола“ од американски фабрики во вредност од 1,25 милијарди долари со финансиска помош од американската влада.

„Потпишувањето на овој историски договор е стратешки чекор што значително ќе ги зајакне нашите капацитети за воздушна одбрана против противниците кои сакаат да ја загрозат безбедноста на Израел“, рече израелскиот министер за одбрана Израел Кац.

Финансирањето на проектот „Железна купола“ е дел од пакетот помош од 8,7 милијарди долари одобрен од Конгресот на САД во април 2024 година, вклучувајќи 5,2 милијарди долари за средства за воздушна одбрана.

Церемонијата на потпишување на новиот договор се одржа во Тел Авив во седиштето на Министерството за одбрана, а на неа присуствуваа воениот аташе на САД, генерал-мајор Арон Дрејк, и клучни израелски одбранбени претставници.

„Рејтеон“ соопшти дека веќе добил договор од 1,25 милијарди долари за снабдување со ракети „Тамир“ за употреба во системот „Железна купола“. Покрај производството на ракети „Тамир“, новите американски капацитети ќе произведуваат и пресретнувачи „СкајХантер“ прилагодени за системот за пресретнувачи со среден дострел.

Тагови: Железна купола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Поплави во Кина, евакуирани 54000 жители

Во Кина, околу 54.000 луѓе се евакуирани поради поплави, вклучително и 8.000 преместени во привремени прифатилишта, што е последица на обилните врнежи предизвикани од тајфунот Нара.

Видео: Поплави во Кина, евакуирани 54000 жители

Поплавите особено го погодија регионот Гуангси, а метеоролозите предупредуваат на нови обилни врнежи во наредните денови, јавува CCTV. Водостоите на 15 реки го надминаа прагот за издавање предупредувања.

Снимките емитувани на кинеската телевизија прикажаа поплавени патишта и спасувачи кои газат низ вода длабока до колена, користејќи гумени чамци за да ги евакуираат жителите од поплавените населби.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Романија, веднаш подигнати два авиона Ф-16

 Радарскиот систем за надзор на Министерството за национална одбрана на Романија регистрираше повремени сигнали во воздушниот простор на Република Молдавија, во областа Кахул, утрово околу 6 часот, поради што беа испратени борбени авиони.

Драма во Романија, веднаш подигнати два авиона Ф-16

Како што беше наведено, еден од тие сигнали подоцна се појавил во областа Таргу Бујор, во округот Галац.

Според соопштението на Министерството за национална одбрана, два авиони Ф-16 на романското воено воздухопловство и еден хеликоптер биле подигнати за да ја следат ситуацијата, пренесува Аџерпрес.

Како што беше наведено, Националниот центар за воена команда го извести Генералниот инспекторат за вонредни ситуации за воспоставувањето мерки за предупредување на населението во зафатеното подрачје.

Ова не е првпат Романија да крева борбени авиони поради војната во Украина, бидејќи беспилотните летала, поради попречување на сигналот, често завршуваат во земјите што граничат со Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер