Американците ја враќаат во Ирак украдената глинена плоча со епот за Гилгамеш - Канал 5

Култура

Американците ја враќаат во Ирак украдената глинена плоча со епот за Гилгамеш

Древната глинена плоча со пасус од приказната за Гилгамеш денес треба да се врати во Ирак.

Американците ја враќаат во Ирак украдената глинена плоча со епот за Гилгамеш

Позната како „Сонот на Гилгамеш“, на плочата е напишана сумерска песна стара 3600 години од епот за Гилгамеш. Епот е најстарото познато книжевно дело и било украдено од ирачкиот музеј за време на Заливската војна во 1991 година.

Во изминатите 30 години, се криумчарела во бројни земји, главно со лажни документи, а до пред две години да се изложи во музеј во седиштето на американската влада.

Подоцна денес, плочата ќе отпатува во својата татковина откако официјално е вратена во Ирак на церемонијата во Смитсонијан, Вашингтон.

Песната за Гилгамеш е најстарата епопеја во светот. Делови од приказната за херојот-крал Гилгамеш може да се најдат и во Библијата. На плочата, епот е напишан со акадско, вавилонско писмо, кое се користело во Месопотамија пред илјадници години.

Епот е откриен во 1853 година кога 12 плочи со оваа приказна биле пронајдени во урнатините на библиотеката на асирскиот крал Ашурбанипал, во северен Ирак.

Приказната содржи легенди и песни за кралот Гилгамеш од Урук, владетелот на Урук, област во денешен јужен Ирак. Митот се базира на вистински крал кој владеел од 2800 до 2500 година п.н.е

Кралот Гилгамеш бил полубог со натчовечка сила и моќ што ги наследил од својата мајка. Со помош на неговиот пријател, го убил Небесниот бик, кој претставувал насилство на боговите и се обидел да ја открие тајната на вечниот живот.

Во друга авантура, тој отишол до дното на морето за да добие растение кое дава вечен живот, кое потоа му го украла змија.

Плочата со сегментот од соништата е дел од епопејата во која Гилгамеш и` го опишува на мајка си сонот што го видел и го толкува како доаѓање на нов пријател од пустината. Исто така, постои приказна за жена која го носи пријателот на Гилгамеш во логор на овчари за да има секс - се верувало дека сексот има смирувачки ефект врз „дивите“ луѓе.

За време на Заливската војна во 1991 година, плочата со приказната за сонот на Гилгамеш била украдена од музеј во Ирак.

Не е познато што се случило со плочата до 2003 година, кога продавач на антиквитети ја купил, валкана и нечитлива, од дилер за монети во Лондон.

Тогаш дилерот ја испратил плочата, со големина на iPhone, во САД по пошта. Кога пристигнала во Соединетите држави, било утврдено дека тоа е дел од епот за Гилгамеш.

Дилерот потоа ја продал на друг купувач во 2007 година со лажен сертификат за потекло, наведувајќи дека плочата била во кутија со древни бронзени фрагменти купени во 1981 година.

Плочата била продадена и купена неколку пати на аукции во различни земји, пред да биде купена на приватна аукција во 2014 година од конзервативната христијанска уметничка компанија „Хоби лоби“. Компанијата платила повеќе од 1,67 милиони долари за плочата изложена во Библискиот музеј во Вашингтон.

„Хоби лоби“ била казнето со милиони долари во 2017 година за погрешно обележување на илјадници ирачки предмети набавени од нивниот музеј.

Предметите биле прошверцувани во САД преку Обединетите Арапски Емирати и Израел, со лажни потврди дека станува збор за „керамички плочки“.

"Компанијата е нова за сето ова и не ги разбира целосно сите компликации од процесот на набавка на предмети. Ова резултираше со непростливи грешки", соопштиле тогаш од „Хоби лоби“.

Истата година, кустосот на музејот започна да го истражува потеклото на плочата и музејот ја известил ирачката влада дека тие поседуваат дел од епот за Гилгамеш.

Кога било доведено во прашање потеклото на плочата, Музејот повел правна постапка против аукциската куќа Кристи, која ја организирала аукцијата, тврдејќи дека им доставиле лажни информации. Кристи негирале дека знаеле дека предметот е набавен илегално.

Во 2019 година, американските агенти ја запленија плочата од музејот. Во јули, федерален судија на САД наредил нејзино враќање во Ирак.

YouTube video

Плочата е една од 17.000 ограбени антиквитети за кои САД се согласиле да се вратат во Ирак.

„Со враќање на овие нелегално набавени предмети, властите во Соединетите држави и Ирак им овозможуваат на Ирачаните повторно да се поврзат со нивната историја“, рече Одри Азулеј, генерален директор на УНЕСКО. „Ова е голема победа над оние што го намалија наследството, а потоа го продадоа за финансирање на насилство и тероризам“, додаде таа.

Кога ќе пристигне во Ирак, плочата ќе биде испратена до Националниот музеј во Багдад, каде што соништата на кралот Гилгамеш повторно ќе почиваат во неговиот вистински дом, пишува Би -Би -Си.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Собранието ги избра новите 8 министри

Во Собранието беа избрани 8-те новите министри во Владата предложени со владината реконструкција. 

Собранието ги избра новите 8 министри

За изборот на нови министри гласаа само пратениците од владеачкото мнозинство односно 69 пратеници. Опозицијата ја напушти седницата поради навредите кои кон нив ги упатил поранешниот министер за односи со заедниците и нов министер за локална самоуправа Иван Стоилковиќ.

Попладнево, ситуацијата ексалираше, откако опозијата го обвини Стоилковиќ дека упатил навреди и пцовки на адреса на пратениците на СДСМ Фатмир Битиќи и Митко Трајчулевски надвор од салата, за време на попладнвената пауза.

За нов министер за правда е избран Јетон Шасивари член на Вреди, министер за земјоделство Борче Серафимовски од ЗНАМ, нов министер за односи меѓу заедниците Агон Ферати од Вреди, министер за здравство Сашо Клековски од ВМРО-ДПМНЕ, министер за туризам и култура Седат Сулејмани од Вреди, министер за социјална политика, демографија и млади Ѓоко Велковски од ВМРО-ДПМНЕ, министер за локална самоуправа Иван Стоилковиќ од ДПСМ, а нов министер без ресор е Ерџан Демир од ВМРО-ДПМНЕ.

Новите министри беа избрани со 69 гласа „ЗА“, без ниту еден воздржан и против.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

„Треба да се работи на рационализација, на ваков начин не одиме никаде“

Мухамеди: Кога притисокот кон властите е поголем -можноста тие државата да ја гледаат како извор на лично финансирање, е помала

Имате ситуација во Парламент, Артан Груби го нарекува криминалец Сашо Мијалов, од друга страна излегува дека тој го ослободува од затвор. Тоа што политичарите го прават нечесно, нема врска со патриотизам, туку имаат за цел да ги лажат граѓаните за да добијат гласови. Треба само малку да ги гледаш работите пологично и да бидеш порационален за да сфатиш. Не знам што е лошо некој да каже дека ја почитува државата во која што живее за да добие негативнии коментари.

Треба ли да пишувам дека ја сакам Албанија, а не ја сакам Македонија, за да добивам позитивни коментари? Треба да се работи на рационализација, на ваков начин не одиме никаде. Замисли каков притисок ќе биде направен на властите ако целиот народ и Македонците и Албанците и сите други останати се обединат за некои прашања, како што се на пример загадувањето, за неправди, каков ли притисок ќе имаат властите ако народот се обедини за таков вид на прашања. И кога притисокот кон властите е поголем, тогаш и можноста тие државата да ја гледаат како извор на лично финансирање, е помала. Тогаш тие ќе чувствуаат притисок и повеќе ќе работат за граѓаните, помалку за себе, вели Умејр Мухамеди во Само Вистина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Марта е новата Мис Болоња: Некои слават, други незадоволни

Изборот на Марта Бунд за Мис Болоња 2026 предизвика жестока дебата на социјалните мрежи.

Марта е новата Мис Болоња: Некои слават, други незадоволни

Откако беше прогласена за победничка на регионалниот натпревар, следеа илјадници коментари, а мислењата на корисниците беа целосно поделени. Дел од дебатата беше за нејзиното африканско потекло.

Додека дел од јавноста ја гледа победата на Марта како знак на отвореност и инклузивност, други изразија незадоволство од исходот од натпреварот.

Во коментарите, некои корисници тврдеа дека изборите за убавина треба да го претставуваат „традиционалниот изглед“ и културното наследство на регионот. Други, пак, нагласија дека потеклото не треба да игра никаква улога во евалуацијата и дека единственото нешто што е важно е како кандидатките се претставиле и ги исполниле критериумите за натпреварување.

Што всушност освои таа?

Дебатата беше дополнително поттикната од објави што содржеа неточни или нецелосни информации, па затоа вреди да се разјасни што е во прашање.

Марта Бунда не беше крунисана за Мис Италија, туку ја освои титулата Мис Болоња 2026. Тоа беше регионално натпреварување кое ѝ обезбеди место во овогодинешното финале на Мис Италија.

Организаторите стојат зад својата одлука

Ваквите дискусии не се ништо ново во Италија. Во претходните години, учеството или победите на кандидатки од странско потекло, исто така, предизвикаа бројни реакции на социјалните мрежи и кај дел од јавноста.

Организаторите на натпреварот сè уште не дадоа коментар за контроверзноста, а резултатот од регионалниот натпревар останува на сила. Во меѓувреме, дебатата за современите идеали за убавина, идентитет и претставување на различни заедници продолжува на социјалните мрежи.

Извор: Индекс.хр

Тагови: Мис Болоња Марта Бунд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер