Американците ги нападнаа иранските пристаништа, експлозии над Техеран (ВИДЕО) - Канал 5

Свет

Американците ги нападнаа иранските пристаништа, експлозии над Техеран (ВИДЕО)

Американската војска изврши напади врз иранските пристаништа Кешм и Бандар Абас. 

Американците ги нападнаа иранските пристаништа, експлозии над Техеран (ВИДЕО)

Висок американски функционер потврди дека имало американски воен напад врз иранските пристаништа Кешм и Бандар Абас, но додаде дека ова не е продолжение на војната или крај на прекинот на огнот, пренесе Индекс.

Американците извршија напади врз иранските пристаништа, експлозии и над Техеран

Американските функционери изјавија дека Саудиска Арабија и Кувајт, кои нагло ја прекинаа дозволата на САД да ги користат нивните бази и воздушен простор за „Проектот слобода“, оттогаш ја повлекоа таа одлука.

Иранската државна телевизија ИРИБ објави дека во западниот дел на Техеран биле активирани системи за противвоздушна одбрана. Во исто време, новинската агенција Мехр објави дека воздушната одбрана на Иран дејствува против „непријателски цели“. Засега нема официјални информации за тоа кои се целите и кои се напаѓачите.

Иранци: Нападнавме три американски разорувачи

Три американски воени брода во близина на Ормутскиот теснец беа цел на иранската морнарица, објави иранската новинска агенција Тасним. Претходно, иранските државни медиуми објавија дека американските поморски единици што дејствуваат во Ормутскиот теснец биле изложени на ирански ракетен напад откако американската војска, според Техеран, нападнала ирански танкер за нафта.

Иранските медиуми, исто така, објавија дека американските воени бродови биле принудени да се повлечат од областа откако претрпеле штета. Според истите извори, еден ден претходно, американски борбен авион онеспособил ирански танкер кој наводно се обидел да ја пробие американската блокада и да отплови кон иранско пристаниште. САД сè уште официјално не ги коментирале тврдењата дека нивните разорувачи биле цел на иранскиот напад.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

„Одраз“ вечерва во Битола: Делата на Наташа Божарова првпат пред македонската публика, музички перформанс на Нико Ѓоргиевски од „Мизар“

Вечерва, 3 октомври, со почеток во 20 часот, во кафе „Тигре“ во Битола ќе се одржи уметничкиот настан „Одраз“, на кој за првпат пред македонската публика ќе бидат претставени сликарски дела на македонската скулпторка и сликарка Наташа Божарова.</

„Одраз“ вечерва во Битола: Делата на Наташа Божарова првпат пред македонската публика, музички перформанс на Нико Ѓоргиевски од „Мизар“

Покрај сликарските дела, публиката ќе има можност да види и дел од скулптурите на Божарова, чиј скулпторски опус во најголем дел се наоѓа во Италија, додека дел од нејзините дела се наоѓаат во Македонија.

„Одраз“ ќе биде надополнет со музички перформанс на битолчанецот Нико Ѓоргиевски, македонски тенор и вокал на рок-бендот „Мизар“.

Ѓоргиевски ќе изведе интерпретации на дела од светската андерграунд музичка сцена кои влијаеле врз неговиот уметнички развој и музички израз.

Настанот ги обединува сликарството, скулптурата и музиката преку творештвото и уметничките влијанија што го обликувале патот на Наташа Божарова и Нико Ѓоргиевски.

„Одраз“

Вечерва, 3 октомври, во 20:00 часот

Кафе „Тигре“, Битола

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Рама: „Европската Унија ја лаже Украина“

Албанскиот премиер Еди Рама остро го критикуваше пристапот на ЕУ кон преговорите за пристапување на Украина во интервју за германскиот „Велт“.

Рама: „Европската Унија ја лаже Украина“

Рама зборуваше за процесот на пристапување на Западен Балкан. Тој истакна дека од Источна Германија не се барало да ги исполни барањата од сите 33 преговарачки поглавја во 1989 година.

Рама рече дека ЕУ веројатно ќе бара уште поголеми напори од земјите од Западен Балкан, но дека тие сепак сакаат да бидат нејзин дел.

„Украина е земја која е измамена“, рече Рама.

Рама додаде дека Украина никогаш нема да биде примена преку стандардниот процес на пристапување, со исполнување на сите критериуми, и дека сите се свесни за ова.

Тој рече дека реално решение би било Украина веднаш да се приклучи на преговорите и да добие полноправно членство врз основа на заслуги.

Тагови: Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

31-година од атентатот врз претседателот Глигоров, се уште нема разврска

Поминаа 31-година од атентатот со автомобил-бомба врз претседателот Киро Глигоров.

31-година од атентатот врз претседателот Глигоров, се уште нема разврска

На 3 октомври беше извршен атентат врз првиот претседател на Македонија, Киро Глигоров, кој со тешки повреди на главата ,го преживеа напaдот.

На местото на атентатот загина неговиот возач Александар Спировски, а беше повреден телохранителот на глигоров, Илчо Теовски. Како последица од повредите почина и случајниот минувач Христо Христоманов.

Истрагата утврди дека атентатот врз македонскиот претседател, бил добро подготвен и организиран. Остана непознато кој стоел зад атентатот, а истражната постапка која се води против непознат сторител се уште е отворена. Нападот беше извршен со автомобил-бомба во 1995 година во 9:50 часот на улицата „Македонија“ пред хотелот „Бристол“ во Скопје кога Глигоров со службено возило се движеше од неговата резиденција на работното место во Собранието. Киро Глигоров почина од природна смрт на 94 годишна возраст на 1 јануари 2012 година.

Тагови: Киро Глигоров

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер