Амбер Хард го обвини Џони Деп за насилство: Алкохолот и кокаинот го претворија во чудовиште, се плашев за својот живот! - Канал 5

Шоу биз

Амбер Хард го обвини Џони Деп за насилство: Алкохолот и кокаинот го претворија во чудовиште, се плашев за својот живот!

Амбер Хард со солзи го напушти судот откако успеа да издејствиува судска забрана за Џони Деп да не смее да и се приближува. Хард на суд покажала фотографаии на кои има повреди откако наводно минатата сабота, тој и фрлил Ајфон в лице. Деп не беше на судењето...

30 годишната актерка тврди дека Деп и понудил пари да молчи за инцидентот но таа сепак решила да го тужи. Ова, според Хард, не е прв пат Деп да применува физичко и емоционално насилство кон неа. Кога минатата сабота Амбер повикала полиција по инцидентот во кој Деп наводно фрлил ајфон кон неа, полицијата не го нашла дома но не нашла ниту „докази дека во куќата се случил криминал“. На вчерашното судење на кое Деп доби судска забрана да и се приближува на Амбер до следното рочиште кое ќе бид екон крајот на јуни, тој не присуствуваше.


Амбер Хард во судницата во Л.А. изјавила дека алкохолот и кокаинот го претвориле Деп во насилно чудовиште. Во судските документи стои нејзиното тврдење дека во 15 месечниот брак со Џони Деп таа често пати била жртва на насилство. Вели дека живеела во страв дека тој ќе се пресели во заендичкиот стан во Л.А. и ќе ја „тероризира физички и емоционално“. Во барањето да му се одреди судска забрана за доближување, Амбер пишува:

„Џони има долготрајна историја на злоупотреба на дрога и алкохол.Често влегува во параноја и неговиот темперамент за мене е застаршувачки, и се потврдил како физички опасен и живото загрозувачки за мене. Неговиот однос кон реалноста осцилира и зависи од дрогата и алкохолот. Неговата параноја, халуцинации и агресија растеа во текот на нашата врска, како и мојата свесност за неговата зависност од тие супстанци. Поради ова јас многу се плашам од Џони и за мојата безбедност. Преплашена сум дека во секој момент ќе влезе во резиденцијата на Бродвеј кад еима слободен влез и покрај моите апели до обезбедувањето да не го пуштаат и да ме заштитат.“

Потоа Амбер објаснува што се случило минатата сабота. Вели дека по голема караница Деп го зел мобилниот, и со голема силина, од позиција на „безбол фрлач“ го фрлил телефонот во нејзиното лице, ја влечел за косата и и се внесувал в лице викајќи. Таа тврди дека повикала пријателка на помош а кога таа дошла тој заминал но претходно скршил се низ дома.

Но полицаецот Марлон Мараш за „PEOPLE“ изјави дека кога пристигнале полицајците не нашле докази за било каков криминал, оставиле картичка и заминале.

Судијата определил судска забрана за Деп за приближување до Хард со која е во процес на развод, но не го прифатил барањето на Хард троошоците за адвокатите и судењето да бидат на сметка на Деп.

Амбер Хард која е 22 години години помлада од Џони Деп и со него беше во брак смао 15 месеци, вели дека и претходно тој бил насилен кон неа, како на 21 април, на нејзиниот 30-ти роденден, кога Амбер му забележала дека дошол доцна на забавата а тој возвратил со насилство. ТМЗ пишува дека Амбер има видео на кое се гледа дека Џони Деп ја тепа.

На судењето вчера Деп не беше присутен, но имаше негов адвокат. Во четвртокот во негово име беше објавена изјава во која стои:

- Имајќи ја предвид тешкотијата на неговиот брак и неодамнешната трагична загуба на неговата мајка, Џони Деп нема да одговара на никакви измислени приказни, озборувања, лаги и лажни тврдења за неговиот приватен живот. Се надева дека поништувањето на кусиот брак ќе се одвива бргу“.

/ извор: Дејли меил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран тврди дека во арсеналот имаат разорно оружје- боеви глави од 2 тона и дострел од 1.500 километри

Заменик-командантот на Корпусот на Исламската револуционерна гарда (ИРГЦ), генерал-мајор Мостафа Езади, рече дека непријателот директно влегол на бојното поле.

Иран тврди дека во арсеналот имаат разорно оружје- боеви глави од 2 тона и дострел од 1.500 километри

Зборувајќи на погребната церемонија за 110 лица убиени во војната меѓу Иран и Ирак во 1980-тите, позната таму како „Света одбрана“, денеска во Техеран, заменик-командантот на Корпусот на Исламската револуционерна гарда (ИРГЦ), генерал-мајор Мостафа Езади, рече дека непријателот директно влегол на бојното поле откако сфатил дека неговите агенти и платеници не се способни да се соочат со Исламската револуција, објави Тасним њуз.

Тој рече дека агресорите се обиделе да го распарчат Иран, да го соборат неговиот политички систем, да го лишат од неговите нуклеарни и ракетни капацитети, да го ослабат Фронтот на отпорот и да ги ограбат неговите нафтени ресурси, како што направија во Венецуела, во обид да го понижат иранскиот народ.

Генерал-мајор Езади истакна дека воените капацитети и одвраќањето на Иран достигнале ниво каде што командантите на ракетните линии на фронтот лансираат ракети со боеви глави тешки два тона на растојание од 1.500 километри, со што ги попречуваат непријателските планови насочени кон безбедноста и моќта на земјата.

Тој додаде дека непријателските бази на копно и море биле подложени на разорни напади од страна на иранските борци, истакнувајќи дека стравот од воените капацитети на Иран ги навел самите противници да признаат дека нивните ракетни залихи и ресурси се значително исцрпени.

Заменик-командантот на ИРГК нагласи дека иранските вооружени сили ќе одговорат веднаш и ефикасно на агресијата и ќе ги натераат напаѓачите да се покаат за своите постапки, во случај на каква било закана, без оглед на нејзиниот интензитет или природа. Тие исто така ќе дејствуваат „без никакви географски ограничувања“ за да ги уништат корените на угнетувањето и ароганцијата, додаде тој.

Изјавите дојдоа откако Врховниот лидер на Исламската револуција, ајатолахот Сејед Моџтаба Хосеини Хамнеи, ја нагласи важноста на одржувањето висока борбена готовност и максималното ниво на одвраќање од потенцијални закани. На неодамнешниот состанок со високи воени команданти, Врховниот лидер нареди итен и силен одговор на каква било закана, без географски ограничувања, нагласувајќи дека ако непријателите обноват воени или терористички напади, иранските вооружени сили и народот ќе одлучат кога ќе завршат и под кои услови.

Тагови: Иран боеви глави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

За рекордна сума е продаден светлечкиот меч на Дарт Вејдер (ВИДЕО)

Светлечкиот меч што го користел Дарт Вејдер во филмовите „Империјата го возвраќа ударот“ и „Враќањето на Џедајот“ е продаден на аукција за 4,87 милиони долари, поставувајќи нов рекорд за колекционерски предмети од серијата „Војна на ѕвездите“.

За рекордна сума е продаден светлечкиот меч на Дарт Вејдер (ВИДЕО)

Мечот бил користен во познатиот дуел за време на кој Вејдер му открива на Лук Скајвокер дека е негов татко, изговарајќи една од најпознатите реплики од филмската сага: „Јас сум твојот татко“, објави АП.

Аукциите „Херитиџ“, кои ја организираа продажбата како дел од „Ултимативната аукција на Војна на ѕвездите“, соопштија дека тоа е најскапиот реквизит од серијата што всушност бил користен за време на снимањето.

YouTube video

Претходниот рекорд беше поставен во јули, кога светлосниот меч на Скајвокер, заедно со реквизит што ја претставува неговата отсечена рака, беа продадени за 3,75 милиони долари.

Аукцијата вклучува и 27 други светлечки мечеви од „Војна на ѕвездите“, како и предмети од сите девет епизоди од филмската серија и други филмови и телевизиски продукции.

Тагови: Дарт Вејдер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Експлодира автомобил во Москва- во него бил советникот на поранешниот премиер на Украина (ВИДЕО)

Автомобил „Тојота“ експлодираше во московското предградие Чертаново, на улицата Кировоградска, а во возилото се наоѓал рускиот пропагандист Сергеј Заворотни (72), кој е повреден.

Експлодира автомобил во Москва- во него бил советникот на поранешниот премиер на Украина (ВИДЕО)

Според првичните информации, експлозијата се случила околу 200 метри откако автомобилот го напуштил дворот на зградата, пишува Украинска правда.

Силата на детонацијата го исфрлила возачот од возилото на патот. Се претпоставува дека експлозивната направа била поставена под возачкото седиште и дека била активирана додека автомобилот бил во движење.

Заворотни претрпел повреди на градите и грбот, како и сериозни повреди на нозете. Според достапните информации, тој ја преживеал експлозијата.

Кој е Сергеј Заворотни?

Заворотни е руски публицист и кандидат за историски науки, кој претходно работел во Државната дума, а бил и советник на поранешниот украински премиер Микола Азаров, кој избегал во Москва откако ја напуштил власта.

Во јули 2015 година, тој учествуваше во основањето на „Комитетот за спасение на Украина“, организација основана од Азаров. Заворотни беше познат по својата поддршка за Кремљ и неговите антиукраински ставови. Тој ја нарече Револуцијата на достоинството во Украина државен удар и го обвини Западот за мешање во внатрешните работи на земјата.

Во извештајот на американскиот Сенат за руското мешање во политичките процеси се наведува дека Заворотни бил офицер на руската служба за надворешно разузнавање и учествувал во операции за влијание. Тој бил поврзан и со медиумскиот проект „Антифашист“ и е еден од авторите на книга чија содржина била насочена против Украина.

Експлозијата во Москва се случи еден ден откако автомобил експлодираше во градот Шушари, во областа Пушкин во Санкт Петербург, на чиј волан, според извештајот, возел руски полковник. Тој почина на местото на настанот.

Тагови: москва украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер