Амазон блокира илјадници пријави за работа сомневајќи се дека апликантите се севернокорејски агенти - Канал 5

Живот

Амазон блокира илјадници пријави за работа сомневајќи се дека апликантите се севернокорејски агенти

Американската мултинационална компанија Амазон блокира повеќе од 1.800 пријави за работа под сомнение дека се поднесени од севернокорејски агенти.

Амазон блокира илјадници пријави за работа сомневајќи се дека апликантите се севернокорејски агенти

Главниот директор за безбедност на Амазон, Стивен Шмит изјави дека државјани на Северна Кореја се обиделе да аплицираат за ИТ работни места од далечина користејќи се со украдени или лажни идентитети.

- Нивната цел е обично едноставна: да добијат работа, да бидат платени, а потоа да ги пренасочат заработките за финансирање на програмите за вооружување на режимот, наведе Шмит, додавајќи дека тоа е широко распространета пракса низ цела индустрија, особено во САД.

Американските и јужнокорејските власти претходно предупредија дека оперативците од Пјонгјанг вршат онлајн измами.

Шмит посочи дека Амазон изминатата година забележал речиси една третина повеќе апликации за работа поврзани со севернокорејски државјани.

Тој додаде дека овие оперативци обично работат со луѓе кои управуваат со така наречени „фарми на лаптопи“ или компјутери физички лоцирани во САД, но контролирани од далечина од странство.

Шмит наведе дека Амазон користи комбинација алатки засновани на вештачка интелигенција за проверка на апликантите.

Американските власти во јуни соопштија дека открила 29 „фарми на лаптопи“ нелегално управувани од севернокорејски ИТ работници низ САД.

Според Министерството за правда на САД, овие случаи вклучуваат употреба на украдени или фалсификувани идентитети на американски граѓани за да им се овозможи на севернокорејските граѓани да се вработат во САД. Министерството, исто така, ги обвини американските посредници кои помогнале во обезбедувањето на овие работни места.

Во јули, жена од Аризона беше осудена на повеќе од осум години затвор за водење „фарма на лаптопи“ и помош на севернокорејските ИТ работници да добијат работа од далечина во повеќе од 300 американски компании. Министерството за правда на САД соопшти дека шемата генерирала повеќе од 17 милиони долари нелегална добивка за неа и за Пјонгјанг.

Тагови: Амазон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Катастрофа во Непал: Стотици загинати и исчезнати, меѓу кои околу 300 странски туристи (ВИДЕО)

Најмалку 384 лица, вклучувајќи 291 странци, се водат како исчезнати по ненадејните поплави што ја погодија границата Непал-Тибет, соопшти туристичкиот одбор на земјата.

Катастрофа во Непал: Стотици загинати и исчезнати, меѓу кои околу 300 странски туристи (ВИДЕО)

Најмалку 95 лица загинаа, објави Би-Би-Си, додавајќи дека меѓу 384 исчезнати се 105 Индијци и 12 Британци, како и 111 лица чии националности сè уште не се потврдени.

Ненадејните поплави во Непал сериозно оштетија села и патишта, покривајќи сè со дебел слој камења и кал. Властите повикаа спасувачи од Кина и Индија. Министерот за надворешни работи на Непал рече дека прелиминарните извештаи укажуваат дека ненадејните поплави можеби се предизвикани од земјотрес што предизвикал лавина.

Најмалку 95 мртви

Бројот на жртви од ненадејните поплави што го погодија хималајскиот пограничен регион помеѓу Непал и кинескиот Тибет се искачи на 95, соопшти полицијата, според Ројтерс.

Најмалку 55 тела се пронајдени во Непал откако лавина предизвика катастрофални ненадејни поплави, а стотици луѓе се водат како исчезнати. Информацијата ја објавија локалните медиуми, а Ројтерс објави дека сè уште не можел независно да ги потврди извештаите. Нови детали ќе бидат објавени штом ќе бидат достапни.

Дванаесет Британци исчезнати на екскурзија

Дванаесет британски државјани, кои се дел од поголема група од околу 400 исчезнати туристи, исчезнаа за време на екскурзија на границата меѓу Непал и Тибет. Информацијата ја потврди агенцијата за планинарење што го организираше патувањето.

Рам Кумар Адикари, раководител на агенцијата „Алпин Еко Трек“, даде изјава за Прес Асоцијацијата (ПА). „Во моментов немаме многу информации, но можам да потврдам дека 12 британски државјани требало да пристигнат на нивната дестинација утрово“, рече тој.

Записите за патување, што ги виде ПА, покажуваат дека возраста на исчезнатите Британци се движи од 13 до 65 години.

Адикари додаде дека на истото патување имало и двајца државјани на Ирска и четворица од Република Јужна Африка. Нивниот статус е исто така наведен како исчезнат.

Експертот предупредува на втор бран поплави, предизвикан од лизгање на глечерот

Непал е погоден од ненадејни поплави, а првите податоци од климатските организации сугерираат дека главната причина е лизгање на глечер.

Германскиот истражувачки центар за геолошки науки (GFZ) објави дека е регистриран земјотрес со магнитуда од 4,4 степени. Се случил околу седум минути пред надзорните камери во Ѓиронг да го снимат поројот, а снимките од 12:40 часот покажуваат како калта и водата уништуваат згради.

Ќианггонг Жанг од Меѓународниот центар за интегриран планински развој (ICIMOD) со седиште во Катманду се согласува со оваа проценка. Тој верува дека катастрофата е предизвикана од лавина од мраз и карпи во реката Лхенде Хола на непалската страна.

Жанг, исто така, предупредува на понатамошна опасност. „Сè уште има блокада низводно на граничната река помеѓу Непал и Кина, па затоа властите предупредуваат дека може да следи втор бран поплави“, рече тој.

Пилот за поплавата во Непал: Брановите беа високи до шест метри

Пилотот на хеликоптерот процени дека брановите во денешната смртоносна поплава на кинеско-непалската граница биле високи помеѓу пет и шест метри. Аман Будатоки бил во воздух во времето на катастрофата и разговарал со CNN за сцените што ги видел.

Пилотот рекол дека неговиот тим забележал облак од прашина над реката пет минути пред слетувањето, но на почетокот не разбрале што е тоа. „На почетокот изгледаше како лизгање на земјиштето. Дури мислевме дека војската користи експлозиви за изградба на патишта“, рекол Будатоки.

Сепак, набрзо станало јасно дека се сведоци на нешто многу полошо. Пилотот видел темен порој во кој, како што опишал, остатоци и отпад бурно се мешале со водата.

„Видовме бранови високи од пет до шест метри. Почнавме да кружиме над селото и гледавме како водата носи големи дрвја и неколку возила“, рекол тој. „Беше страшно. Ја следевме поплавата некое време за да ја процениме штетата.“

„Никогаш порано не сум видел моќта на природата прикажана на овој начин“, заклучил пилотот.

Тагови: Непал туристи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Поради смртта на Доли Партон, знамињата во САД една недела на половина копје

Американскиот претседател Доналд Трамп нареди во чест на американската кантри пејачка и актерка Доли Партон, која почина вчера, знамињата во САД да се спуштат на половина копје во текот една недела.

Трамп: Поради смртта на Доли Партон, знамињата во САД една недела на половина копје

Ова е вистинска загуба за милиони луѓе. Никогаш немало никој како неа, ниту некогаш ќе има. Почивај во мир, Доли. Светот те сака, напиша Трамп на социјалните мрежи. Легендарната американска пејачка, текстописец и икона на кантри музиката почина на 80-годишна возраст, а дел од медиумите објавија дека таа се борела со канцер. Партон освои 11 греми награди, меѓу кои и за животно дело. Со 160 милиони продедени албуми се сметаше за една од најуспепните кантри пејачки на сите времиња.

Тагови: Доли Партон Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Неколку стотици исчезнати во ненадејни поплави и лизгање на земјиштето во Непал, на границата со Тибет

Стотици луѓе се водат за исчезнати, од кои околу 300 странски државјани и туристи, во ненадејните поплави кои го зафатија регионот на границата меѓу непал и тибет.

Неколку стотици исчезнати во ненадејни поплави и лизгање на земјиштето во Непал, на границата со Тибет

Непалските власти проценуваат дека загинале неколку десетици луѓе, а дека трагаат по речиси 400, повеќето странци. Министерот за надворешни работи на непал соопшти дека причина за поплавите бил земјотрес, кој предизвикал големи свлечишта и масивни лизагања на земјиштето. Би-Би-Си објави дека најголем дел од исчезнатите биле индиски државјани, но и 12-мина британски.

Тагови: Непал тибет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер