Амал Клуни се соочува со забрана за влез во САД - Канал 5

Шоу биз

Амал Клуни се соочува со забрана за влез во САД

На сопругата на холивудскиот глумец Џорџ Клуни - Амал Клуни, може да ѝ биде забранет влез во САД, заедно со други истакнати адвокати - поради санкциите кои ги воведе претседателот Доналд Трамп.

Амал Клуни се соочува со забрана за влез во САД

Според „Дејли меjл“, познатата либанско-британска застапничка за човекови права, наводно добила предупредување од американскиот Стејт департмент. Поради нејзините правни совети за воени злосторства, што доведоа до издавање налог за апсење на израелскиот премиер Бенјамин Нетанјаху, може да ѝ биде одбиена виза за влез во САД. Брачната двојка Клуни го минува поголемиот дел од времето во Велика Британија и Италија, но поседува и имот во САД, каде што Џорџ овие денови настапува и во претстава на театарот Бродвеј во Њујорк.

Веста, којашто сè уште не е потврдена, доаѓа откако американскиот претседател Трамп издаде извршна наредба против Меѓународниот кривичен суд (МКС), обвинувајќи го „за антихристијанска пристрасност“ и осудувајќи ги „нелегитимните и неосновани“ обвиненија против Нетанјаху. Извршната наредба 14203, им забранува на обвинителот на МКС - Карим Кан и неговото семејство, да влезат во САД и им ги замрзнува нивните средства на американските сметки.

Судот, инаку, покрена обвинение и против тројца лидери на Хамас кои оттогаш се убиени.

Меѓу правниците кои му давале правни совети на МКС и биле вклучени во одлуката за издавање на налогот, се Хелена Кенеди и судијата Адриен Фулфорд, на кои, исто така, им биле изречени предупредувања, пренесува „Фајненшл тајмс“.

Во мај 2024 година, како одговор на критиките дека не ја користи својата јавна позиција за да ја истакне тешката положба на палестинскиот народ, Амал Клуни изјави:

- Бев член на овој комитет затоа што верувам во владеењето на правото и заштитата на животите на цивилите. Законот што ги штити цивилите во војна е развиен пред повеќе од 100 години и се применува во секоја земја во светот, без оглед на причините за конфликтот.

Пред една година, Трамп и Џорџ Клуни имаа јавно препукување, при што Клуни ја поддржуваше кампањата на Џо Бајден, а Трамп во свои објави на „Трут сошл“ го нарече Клуни - „второкласна филмска ѕвезда“ и неуспешен политички стручњак.

Амал е квалификувана да се занимава со адвокатура во САД, Англија и Велс. Таа беше повикана во Адвокатурата на Њујорк во 2002 година. Нејзината кариера е насочена главно на застапување на жртви на масовни злосторства, геноцид и сексуално насилство, и работела на многу високопрофилни случаи.

Тагови: Доналд Трамп Џорџ Клуни

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Карпош: Кејот на Вардар - место за спорт и дружба

Градоначалникот Сотир Лукровски денеска изврши обиколка на спортско-рекреативниот центар на Кејот на Вардар, каде оствари средби со лицата кои управуваат со спортските содржини. 

Општина Карпош: Кејот на Вардар - место за спорт и дружба

Посетени беа адреналинскиот парк, алпинистичката карпа, скејт-паркот и фудбалскиот терен, при што се разговараше за нивната состојба, потребите и можностите за понатамошно уредување.

Фокусот е ставен на реновирање, унапредување и модернизација на спортските терени и реквизити, со цел создавање на модерен спортски комплекс на отворено. Место каде младите карпошани ќе се собираат, ќе се дружат, ќе спортуваат и рекреираат, исполнувајќи го слободното време со спорт и позитивна енергија. Кејот на Вардар има потенцијал да стане вистинско спортско срце на Карпош– простор за сите генерации, а особено за младите.

Општина Карпош

Тагови: Општина Карпош

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Секторот за компјутерски криминал повика 13 лица поради ширење на лажни информации за водата во Скопје

 Со лицата е извршен службен разговор, при што сите се изјасниле дека информациите ги објавиле или споделиле откако претходно виделе слична објава на социјалните мрежи или слушнале од друго лице.

Секторот за компјутерски криминал повика 13 лица поради ширење на лажни информации за водата во Скопје

Министерството за внатрешни работи ја информира јавноста дека Секторот за компјутерски криминал и дигитална форензика при МВР, во врска со ширењето на лажните информации на социјалните мрежи за наводно загадување на водата за пиење во Скопје, до сега повика 13 лица на информативен разговор.

Со лицата е извршен службен разговор, при што сите се изјасниле дека информациите ги објавиле или споделиле откако претходно виделе слична објава на социјалните мрежи или слушнале од друго лице. Притоа, никој од нив не посочил конкретен, потврден или веродостоен извор кој би ги поткрепил тврдењата за загадување на водата.

Секторот за компјутерски криминал и дигитална форензика ќе продолжи со прибирање и анализа на податоци со цел да се потврдат сите околности поврзани со настанот, како и начинот на кој информациите се појавиле и понатаму се ширеле во интернет просторот.

Министерството за внатрешни работи укажува дека ширењето на непроверени и неточни информации, особено кога станува збор за прашања што се однесуваат на здравјето и безбедноста на граѓаните, може да предизвика неоправдана паника и вознемиреност во јавноста.

Апелираме до граѓаните да не споделуваат информации чија точност не е проверена и да се информираат исклучиво од официјални и релевантни извори. Одговорното користење на социјалните мрежи и проверката на информациите пред нивно објавување или споделување се од суштинско значење за спречување на дезинформации и заштита на јавниот интерес.

Тагови: вода

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силна експлозија во фабрика за муниција во Италија (ВИДЕО)

Силна експлозија одекна во фабрика за муниција во близина на италијанскиот град Колеферо, југоисточно од Рим, а детонацијата, според извештаите на локалните медиуми, се слушнала на километри оддалеченост.

Силна експлозија во фабрика за муниција во Италија (ВИДЕО)

Ројтерс известува дека пожарникарите и полицијата брзо пристигнале на местото на пожарот што избувнал во индустрискиот комплекс. Надлежните служби веднаш почнале да проверуваат дали има жртви во несреќата.

Експлозијата се случила во поранешната фабрика „Симел Дифенс“, која сега ја управува „KNDS Amo Italia“, дел од француско-германската одбранбена група „KNDS“.

Телевизиските снимки покажуваат голем облак од густ чад што се издига над индустрискиот погон, додека службите за итни случаи интервенирале во областа на фабриката.

„KNDS Amo Italy“ произведува муниција со среден и голем калибар за копнени и поморски одбранбени системи, како и цврсти ракетни погонски горива за системи за лансирање во вселенската индустрија.

Компанијата е исто така меѓу изведувачите вклучени во рамковните договори на Европската агенција за одбрана за набавка на артилериска муниција од 155 милиметри, склучени во 2023 година.

Во времето на објавување, не беше познато дали има повредени или смртни случаи, ниту што точно ја предизвикало експлозијата.

Тагови: Италија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер