Тенис

Алкараз победи на Ролан Гарос и му го зема второто место на Ѓоковиќ на АТП листата

Карлос Алкараз го освои Ролан Гарос, откако во спектакуларно финале го совлада Александар Зверев со 3:2, во сетови (3:6, 6:2, 7:5, 1:6, 2:6) и така стигна до третата грен слем титула во кариерата, а прва во Париз.

На патот до финалето, Зверев беше подобар од Надал (3:0), Гофан (3:0), Грикспор (3:2), Руне (3:2), Де Минор (3:0) и Рудо (3 :1 ), додека Алкараз ги победи Волф (3:0), Де Јонг (3:1), Корда (3:0), Аугер-Аљасимо (3:0), Циципас (3:0) и Синер (3:2). ).

Алкараз имаше дополнителен мотив за овој меч, бидејќи знаеше дека доколку стигне до титулата, ќе стигне и на второто место на АТП листата, каде ќе го престигне Новак Ѓоковиќ. Затоа навивачите на српскиот ас денеска беа со Зверев за првото место (од понеделник најдобар тенисер на планетата ќе биде Јаник Синер) да не остане без втората позиција. Сепак, исходот од овој натпревар не беше поволен за српските навивачи.

Ова е десетта средба на овие двајца тенисери, а резултатот по денешниот меч е 5-5.

Фаворит на овој меч според букмејкерите беше Карлос Алкараз, тој успеа да ја оправда таа улога, но не како што многумина очекуваа.

Од самиот старт на мечот се знаеше дека ќе гледаме спектакуларен дуел во Париз и така беше. И двајцата беа расположени, Алкараз малку подобро влезе во мечот, лесно го доби првиот сет, за да види сосема поинаква слика на теренот.

Зверев се разбуди, конечно заигра и му зададе огромни проблеми на младиот противник, со кои Алкараз тешко се справуваше. Тој немаше решение за агресивната игра на германскиот тенисер, кој одлично сервираше, додека грешките на шпанскиот ас се редеа како на лента.

Зверев успеа да го израмни резултатот во сетови, додека во третиот сет видовме вистинско лудило. Алкараз тргна бурно, водеше со 5:2, а потоа, германскиот тенисер ги запали моторите и упати неверојатен пресврт.

Иако многумина го отпишаа, Зверев со сите сили сакаше да го подигне трофејот во Париз, а ретко кој очекуваше ваков отпор.

Зверев беше на чекор до победа на мечот поведувајќи со 2:1 во сетови, но катастрофално го отвори четвртиот сет и премногу лесно му дозволи на Алкараз да поведе со 3:0. Младиот Шпанец го искористи падот на противникот во играта, го зголеми гасот и брутално го доби четвртиот сет, па беше потребно да се одигра петтиот, решавачки сет за да се дојде до победникот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Перински: 40 општини со директна поддршка од Ресурсниот центар за подготовка на плански документи за локален економски развој

Министерот за локална самоуправа Златко Перински денеска се обрати на работниот состанок посветен на поддршката за подготовка на плански документи за локален економски развој, организиран во рамки на Ресурсниот центар за поддршка на општините.

Во своето обраќање, министерот Перински истакна дека Министерството за локална самоуправа преку Ресурсниот центар продолжува да развива конкретни механизми за поддршка на општините, со цел јакнење на нивните капацитети и поефикасно извршување на надлежностите.

„Во изминатиот период преку Ресурсниот центар испорачавме повеќе важни алатки и документи наменети за градоначалниците и општинските администрации. Денеска започнуваме нова фаза на поддршка преку групна испорака на стручна помош за подготовка на плански документи за локален економски развој, согласно потребите што самите општини ги идентификуваа“, истакна Перински.

Тој нагласи дека целта на Министерството не е само декларативно да биде партнер на општините, туку преку конкретни активности да придонесе за олеснување на нивната работа и подобрување на локалните политики.

„Локалната самоуправа е самостојна во извршувањето на своите надлежности, но преку партнерска соработка и взаемна поддршка можеме да постигнеме многу повеќе. Затоа градиме систем во кој знаењето, експертизата и расположливите ресурси ќе бидат ставени во функција на развојот на општините“, порача Перински.

Во рамки на оваа активност, 40 општини ќе добијат стручна поддршка од експертски тим за подготовка на плански документи за локален економски развој, со цел креирање квалитетни и применливи решенија кои ќе придонесат за поттикнување на локалниот економски раст, привлекување инвестиции и подобрување на условите за живот на граѓаните.

Ресурсниот центар, во рамки на Министерството за локална самоуправа, претставува механизам за обезбедување стручна, техничка и советодавна поддршка за општините, согласно нивните потреби и предизвици.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Девет лица се убиени во бранот руски напади врз Украина , оштетена е катедрала од 11 век

Девет лица се убиени, а неколку други се повредени во бранот руски напади врз Украина, во кои голем религиозен споменик во Киев беше зафатен од пожар.

Четири лица загинаа во нападите врз Киев, додека пет спасувачи загинаа обидувајќи се да го изгаснат пожарот предизвикан од рускиот напад врз североисточниот град Харков, соопштија украинските власти.

Катедралата Успение на Пресвета Богородица од 11 век беше значително оштетена .

Украинскиот премиер Јулија Свириденко нападот го нарече „брутален ,,врз украинскиот народ и нивното наследство“.„Итно ќе ги покренеме сите релевантни процедури во рамките на унеско и сите други меѓународни механизми, барајќи итни и соодветни одговори на ова државно варварство“, изјави украинскиот министер за надворешни работи Андриј Сибиха во изјава за x, нападите со беспилотни летала и ракети запалија згради и автомобили, а повеќе од 140.000 луѓе во главниот град на Украина останаа без електрична енергија.

Полска, соопшти дека кренала борбени авиони,а во состојба на готовност биле ставени и копнените системи за воздушна одбрана како „превентивен“ одговор на руските напади во киев.нападите се случуваат пред состанокот на Г7 оваа недела во франција, каде што на дневен ред е војната во Украина.Вчера Узеленси изјави дека разговарал со трамп за напорите за ставање крај на долготрајниот конфликт.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Британскиот премиер најави забрана за социјалните медиуми за лица под 16 години

Британскиот премиер Кир Стармер денес најави дека на лицата под 16 години ќе им биде забранет пристапот до сите главни апликации на социјалните медиуми.

„Водењето земја е секогаш прашање на избор и ми е јасно дека целосната забрана е вистинската“, рече Стармер на прес-конференција, пренесува Скај њуз.

Стармер нагласи дека социјалните медиуми ги прават децата несреќни, отвораат простор за вознемирување и злоупотреба и го оштетуваат нивното ментално здравје. Тој, исто така, ја нагласи опасноста од штетна содржина на која се изложени децата. „Нема да правам компромис во врска со безбедноста и среќата на нашите деца и затоа оваа забрана мора да се спроведе. И ќе се спроведе“, рече тој.

Ограничувања и за платформите за игри

Тој објасни дека производите што не се опфатени со општата забрана, како што се платформите за игри, ќе мора да ги спречат децата да комуницираат со странци. Тој додаде дека можноста некои деца да најдат начини да ја заобиколат забраната не треба да биде причина за нејзино напуштање.

„Ова ќе ги направи нашите деца посреќни. Ќе им дадеме повеќе време, повеќе безбедност, повеќе слобода да растат и повеќе можности. На крајот на краиштата, тоа е она за што се залага оваа влада“, заклучи британскиот премиер.

Извор: Индекс.хр

Тагови: социјални медиуми

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.