Автомобилизам

Алфа Ромео ќе произведе само 10 примероци од новиот модел

Alfa Romeo ја претстави Giulia Quadrifoglio Luna Rossa, ексклузивна ограничена серија создадена во соработка со едриличарскиот тим Luna Rossa.

Овој модел, ограничен на само 10 примероци, ги поместува границите на аеродинамиката и персонализацијата и е создаден за да го промовира новиот оддел за специјални нарачки на Алфа, Bottegafuorisere.

Аеродинамика на America's Cup

Главната ѕвезда на овој проект е аеродинамиката. Alfa Romeo тврди дека ова е најаеродинамичниот Quadrifoglio некогаш произведен. Предниот браник е опремен со карбонски „канарди“, подвозјето има нови профили за создавање влезови за воздух, страничните прагови го оптимизираат протокот на воздух, а масивното задно крило изгледа како да е земено директно од едрилица од America's Cup.

Инспирацијата доаѓа од тркачкиот хидрофоил AC75 на Luna Rossa, кој овде е свртен наопаку за да создаде притисок нагоре наместо подигнување. Резултатот е импресивен притисок нагоре од 140 кг при брзина од 300 км/ч, што е приближно пет пати повеќе од стандардната Giulia Quadrifoglio.

Исто срце, поостар звук

Под хаубата, сè уште се наоѓа познатиот 2,9-литарски V6 двоен турбо мотор кој развива 520 КС како стандард, но познато е дека со едноставно ремапирање може да испорача повеќе од 600 КС.

Механички диференцијал со ограничено лизгање е одговорен за пренесување на моќноста на земјата, додека погласниот издувен систем Akrapovič се грижи за саундтракот, осигурувајќи дека никој не помислува дека станува збор за дизел Giulia со комплет за каросерија.

Алфа вели дека целта не била да се промени карактерот на автомобилот, туку дополнително да се изостри - да се обезбеди поголемо прилепување, стабилност и самодоверба при брзини кои се далеку надвор од законската рамка.

Дизајн кој ги дели мислењата

Кога станува збор за „подобрувања“ на дизајнот, мислењата би можеле да бидат поделени. Бојата на каросеријата е елегантна преливачка сива, инспирирана од јахтата Luna Rossa која се натпреваруваше на 37-от Куп на Америка во Барселона во 2024 година и изгледа фантастично.

Сепак, црната хауба и црвената лента на вратите со логото на Luna Rossa нема да им се допаднат на сите, а дизајнот на бандажите е контроверзен. Изгледаат како да биле целосно црвени, но потоа автомобилот се возел десет години без никој да се потруди да ја измие прашината од сопирачките.

Детали од морнарицата во кабината

За среќа, впечатокот се подобрува внатре, каде што седиштата Sparco се покриени со материјал што потсетува на елеците за спасување на екипажот.

На контролната табла дури има и тенко парче вистинско едро од јахтата Luna Rossa. Сепак, архитектурата на кокпитот останува иста, речиси деценија стара поставка на која очајно ѝ е потребна модернизација - и ќе ја добие кога Alfa ќе го претстави наследникот на моделот Giulia во 2027 година.

Распродадена за кратко време

Иако цените не се официјално објавени, сите 10 примероци веќе ги пронајдоа своите сопственици. Сепак, веста за овој проект би можела да ги охрабри идните сопственици на Alfa да се обратат до тимот на Bottegafuorisera за создавање на свои уникатни модели Quadrifoglio.

Тагови: Алфа Ромео примероци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу?

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.