Албанската Влада го усвои договорот со Србија за социјално осигурување - Канал 5

Балкан

Албанската Влада го усвои договорот со Србија за социјално осигурување

Албанската Влада, по предлог на министерот за економија, култура и иновации, го усвои договорот со Република Србија за социјално осигурување, кој дава можност за признавање на пензиите на сите граѓани кои живеат и работат во двете земји.

Албанската Влада го усвои договорот со Србија за социјално осигурување

- Овој договор им обезбедува на албанските и на српските граѓани голем број бенефиции, како што се: старосна пензија, надоместоци за мајчинство, семејна пензија, инвалидска пензија итн. Исто така, обезбедува обединување на периодите на придонеси, гарантирајќи дека граѓаните нема да ги изгубат своите работни години. Ова е важен развој во заштитата на правата на граѓаните што живеат и работат во двете земји, објави министерот Бленди Гонџја.

Додава дека договорот е според стандардите на ЕУ, врз основа на „регулативите на Советот и Европскиот парламент за координација на шемите за социјално осигурување“.

-Ова е уште еден значаен чекор кон социјална заштита без граници и европска интеграција, оцени тој, најавувајќи дека ќе биде доставен до парламентот за ратификација.

На први овој месец стапи во сила законот за признавање на пензиите меѓу Албанија и Италија, од кој придобивка ќе имаат 500 илјади албански и 4 илјади италијански граѓани. Вакви договори Албанија има и со Македонија, Косово, Турција, Канада, Германија, Белгија, Луксембург, Австрија, Швајцарија, Чешка и Унгарија. Во завршна фаза се со Бугарија, Романија, Црна Гора и Хрватска.

Тагови: Албанија Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во Голема Речица, лишено од слобода едно лице, пронајдено оружје и дрога

На ден 16.10.2026 во времето од 15:00 до 16:30 часот, врз основа на судска наредба, извршен е претрес во дом и други помошни простории во село Голема Речици кај А.А.(57) поради сомнение за сторено кривично дело по член 215 од Кривичниот законик.

Претрес во Голема Речица, лишено од слобода едно лице, пронајдено оружје и дрога

При претресот, во една од собите во подрумската просторија под кревет пронајден е еден пиштол марка „екол дуал“ со една празна рамка, додека во помошна просторија во склоп на куќата во навлаката од перница пронајдени се 22 мали најлонски кесички со кокаин и една поголема најлонска кеса со кокаин.

За време на претресот лицето упатило закани кон полициските службеници и е лишен од слобода и задржан во Полициската станица Тетово за понатамошна постапка, По документирање на случајот против него ќе следува соодветен поднесок.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Масовни протести ја тресат Франција, речиси 300 приведени во неколку градови

Во Франција изби нов бран масовни протести, придружени со насилство и судири со полицијата. најмалку 270 луѓе се уапсени во судирите во кои полицијата употреби солзавец во повеќе градови.

Масовни протести ја тресат Франција, речиси 300 приведени во неколку градови

Демонстрантите протестираат поради високите цени и бараат повисоки плати и пензии, како и подобри јавни услуги. Немири ги зафатија Париз, Марсеј, Лион и Стразбур, Гренобл, Тулуз, каде многу објекти се демолирани или запалени, а во Лион во оган пламнал туристичкиот информативен центар на плоштадот Белкур.

Според „Гардијан“, протестите се насочени и против слабеењето на францускиот систем на социјална заштита. Незадоволството се прошири од училиштата кон работниците, пензионерите и земјоделците, на кои им се придружија и припадници на движењето „жолти елеци“. Премиерот Лекорну изјави дека протестите се меѓу најнасилните во последните неколку децении.

Тагови: протести Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДИК: Гласањeто во Брвеница, денес започна во 7 часот утринава и се одвива во најдобар ред

Од информациите пристигнати досега до Државната изборна комисија, од вкупно 88 болни или немоќни лица, своето право на глас го оствариле 85.

ДИК: Гласањeто во Брвеница, денес започна во 7 часот утринава и се одвива во најдобар ред

Од вкупно 9 лица кои се запишани во Избирачкиот список а се на издржување на казна затвор или притвор, досега гласале 7 гласачи. Гласањето на овие лица се спроведува во 3 казнено поправни установи на територија на Северна Македонија, и тоа во градовите Скопје, Штип и Тетово.

Гласањeто во Брвеница, денес започна во 7 часот утринава и се одвива во најдобар ред, без евентуални проблеми или потешкотии во остварување на избирачкото право или одвивање на изборниот процес.

Тагови: Брвеница ДИК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер