Албанија утре го отвора последниот кластер во преговорите со ЕУ - Канал 5

Балкан

Албанија утре го отвора последниот кластер во преговорите со ЕУ

 Утре во Брисел ќе се одржи 7-та меѓувладина конференција, за пристапување на Албанија во Европската унија, кога ќе биде отворен последниот кластер, кој се однесува на ресурсите, земјоделство и кохезија.

Албанија утре го отвора последниот кластер во преговорите со ЕУ

„Овој состанок ќе послужи за отворање на преговорите за група 5 „Ресурси, земјоделство и кохезија“, вклучувајќи ги поглавјето 11 (земјоделство и рурален развој), 12 (безбедност на храната, ветеринарство и фитосанитарни прашања), 13 (рибарство и аквакултура), 22 (регионална политика и координација на структурни инструменти) и 33 (финансиски и буџетски одредби)“, објавија албанските медиуми.

Албанскиот премиер Еди Рама, најавувајќи го одржувањето на меѓувладината конференција оцени дека „отворањето на последниот кластер во преговорите е рекордно достигнување“.

-Со отворањето на оваа група поглавја, Албанија го постигнува невозможното, бидејќи ги финализира сите преговарачки поглавја во рок од 12 месеци, постигнувајќи апсолутен рекорд во напредокот на европската интеграција. Целта на владата е да го заврши процесот на преговори до 2027 година. Ништо нема да не спречи кон членство во ЕУ во 2030 година, рече Рама.

Албанија, која доби статус на кандидат за членство во 2014 година, го отвори првиот кластер во преговорите со ЕУ во октомври минатата година, што значи дека ги отвори сите кластери за околу една година.

Силна поддршка на плановите на Албанија за пристапување кон ЕУ даде италијанската премиерка Џорџа Мелони на заедничката прес-конференција со Рама, по првата заедничката седница на владите на двете земји, што се одржа во четвртокот во Рим.

Таа изјави дека ќе се стреми политичките преговори со Албанија за пристапување кон Унијата да започнат во првите шест месеци од 2028 година, кога Италија ќе претседава со ЕУ, на што Рама возврати дека „неговата сестра Мелони е адвокат на Албанија“ и оти силно е убеден дека ветувањето ќе го оствари.

Тагови: Албанија ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Бесплатен панорамски разглед на Скопје по повод 63 години од земјотресот

По повод 63-годишнината од катастрофалниот земјотрес што го погоди Скопје во 1963 година, денес организиравме бесплатен панорамски разглед на градот - патување низ историјата, спомените и духот на старо Скопје.

Ѓорѓиевски: Бесплатен панорамски разглед на Скопје по повод 63 години од земјотресот

Со панорамски автобус и стручно водство од туристички водич од Македонската асоцијација на туристички водичи и придружници, граѓаните имаа можност да дознаат како изгледало Скопје пред земјотресот, да ги слушнат приказните за објектите што биле разрушени, како и за местата што го обликувале препознатливиот лик и животот на градот.

Скопје е град кој ја претвори трагедијата во сила, а спомените во темел врз кој ја гради својата иднина.

Затоа наша обврска е да ја чуваме меморијата за минатото, да го негуваме културното и историското наследство и да ја пренесуваме приказната за Скопје на идните генерации, објави на ФБ градоначалникот Орце Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Авион падна врз куќа во Германија- има загинати (ВИДЕО)

Драматична авионска несреќа се случила денеска непосредно пред 11 часот наутро во Гандеркезе, Германија.

Авион падна врз куќа во Германија- има загинати (ВИДЕО)

Сино-бел авион се урна на покривот на семејна куќа. Според полицијата, едно лице го загубило животот. Сè уште не е јасно дали станува збор за пилотот.

Силен тресок утрово ја потресе мирната станбена улица во Гандеркезе (округ Олденбург) во Долна Саксонија, Германија. Малиот авион претходно изгубил висина и се урнал дијагонално низ ќерамидите на покривот. Кокпитот бил целосно уништен, крилата се скршиле, а делови од остатоците паднале на земја, објави Билд.

Спасувачките служби биле во голем број на местото на падот на авионот. Пожарникарите го пребарувале покривот од мобилна скала, додека полицијата го блокирала подрачјето. Постојат индикации дека во авионот имало друго лице, но тој сè уште не е пронајден. Спасувачите користеле дрон за да се обидат да го лоцираат.

Семејството што живее во куќата не било во објектот во времето на несреќата. Очигледно, авионот полетал од Бремен непосредно пред да се случи несреќата.

Тагови: авион Германија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Уапсена е стажистка на НАТО, осомничена е за шпионажа

Канадска државјанка со кинеско потекло, која била на стажирање во објект на НАТО во Белгија, е уапсена под обвинение за шпионажа, соопштија денеска белгиските обвинители.

Уапсена е стажистка на НАТО, осомничена е за шпионажа

„Таа е осомничена за шпионажа во име на трета земја и дека е членка на криминална организација“, соопшти обвинителството. Додаде дека засега нема да бидат објавени дополнителни детали за жената, вклучително и нејзиното име. Обвинителството соопшти дека осомничената била стажантка во воената команда на алијансата (SHAPE) во белгискиот град Монс.

Тагови: НАТО шпионажа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер