Албанија старее, половина од жителите се над 36-годишна возраст

Албанија старее. Денес повеќе од половина од жителите се постари од 36 години, за разлика од 1990 година кога просечната возраст на населението беше 24 години. 

Тоа е ѕвоно кое најавува катастрофа, констатира весникот „Тема“.

- Миграцијата има разорни ефекти врз нашата земја. Зошто? Ако во 90-тите имавме 4 вработени за еден корисник на пензија, денес имаме 1,4 вработени на еден корисник на пензија. Со овој тренд во 2030-тите ќе имаме 1,2 вработени за еден корисник на пензија. Ова покажува дека пензискиот

систем е во колапс, вели професорот по економија Клодијан Мучо.

Според Дениса Канамети од здравствената програма во здружението „Заедно за живот“, заминувањето на професионалците, не само во здравствениот систем, туку во секој сектор, остава многу голема празнина.

- За земја како нашата, пандемијата донесе силен удар врз здравјето и економијата. Ефектот на изолација беше забележан во првите месеци од 2020 година и на крајот од неа, а за првпат немаше природен прираст. Бројот на умрени беше поголем од родените, додека недоволната помош од една

страна и високите трошоци за лекување од друга, станале силен мотив за заминување, вели таа.

Оваа здравствена криза беше исто толку тешка во економијата.

- Албанија помина низ многу тежок период за време на пандемијата што започна во 2020 година и таа нужно ќе има свои рефлексии. Еднаш кажав дека ова е медицинска пандемија, но мора да се пазиме од економска и човечка пандемија, бидејќи знаев дека ќе има голем удар. Прв на удар е локалниот бизнис, второ, граѓаните се погодени. Никој не им ја кажува вистината, а вистината е дека имиграцијата е многу силна, горчлива, тешка. Кој ќе се одлучи да го помине Ла Манш за 7 часа, се знае дека е во голема неволја, рече претприемачот Ѓерѓи Ѓика.

Тој додава дека на удар е албанското општество во целина, не само од старосна гледна точка,туку и во однос на ефективноста во економијата.

- Миграцијата го намалува бројот на работоспособни луѓе во земјава. Жените раѓаат сè помалку деца, а тоа го решаваат кога ќе наполнат 27 години или повеќе. Секоја година во училишните клупи седат 34.000 деца помалку, а бројот на оние кои секоја година одат во пензија е 15.000. Албанија се претвори во феномен на депопулација. Нема да имаме ниту раѓање, ниту младост. Веќе нема да имаме работна сила. И да имаме економски развој, кој ќе работи во Албанија, вели експертот за статистика, Инес Нурја.

ПМФЛ: Вардар го зачува прволигашкиот статус

Фудбалерите на Вардар и следната сезона ќе играат во Првата македонска фудбалска лига (ПМФЛ), откако попладнево го совладаа третопласираниот тим во второлигашката конкуренција Детонит Плачковица со  2-0 (2-0) во баражот во Струмица.

Победата која му донесе прволигашки опстанок на најтрофејниот македонски клуб ја навести Дејан Ѓуриќ во 42 минута, а само три минути подоцна предноста ја удвои Лука Шушњара.

Нови членови на ПМФЛ во сезоната 2024/25 ќе бидат дебитантот Беса и повратникот во прволигашката конкуренција Пелистер.

Во Втората лига се преселија Македонија Ѓорче Петров и Брегалница.

Пристигнува модифициран „Brabus Mercedes E class“

Германскиот тјунер „Brabus“ сега ја нуди својата палета на модификации за новиот караван „Mercedes-Benz E“-класа.

Според најавите, достапни се пакети за красење на надворешните делови од автомобилот, како и комплет за зголемување на силата на верзијата „E 220d“.

Тоа се преден спојлер, 21-инчни „Brabus Monoblock Z“ бандажи и гуми „Continental SportContact 7 (255/35 21 и 285/30 ZR 21)“, црни хромирани издувни цевки (по 90 mm) и изменета суспензија (автомобилот е 15 mm пониско).

Палетата на производи вклучува и елементи за уредување на ентериерот (прагови на Brabus, алуминиумски педали, патосници со ознаки Brabus, осветлување...)

Што се однесува до пакетот за засилување на моторот, верзијата E 220d е засилена од 197 КС и 440 Nm на 230 КС и 480 Nm. Ова му овозможува на автомобилот да забрза до 100 km/h за 7,4 секунди и да достигне максимална брзина од 243 km/h, пренесува „AutoBlog“.

Видео: 61-годишната Деми Мур гола на филм

Холивудската убавица Деми Мур и на 61- годишна возраст немала проблем да се соблече гола за потребите на новиот филм.

Ѕвездата на „Стриптиз“ Деми Мур се соблече во филмот „The Substance“.

Деми Мур е ѕвездата на филмот „The Substance“ во кој целосно се соблече. Филмот беше премиерно прикажан во Кан, а актерката проговори за новото искуство во снимањето.

- Тоа беше многу ранливо искуство и бараше многу чувствителност и многу разговор за тоа што се обидувавме да постигнеме - коментира Деми Мур, која во филмот глуми позната дама во пад.

Улогата на зависничка која користи дрога е приказна за самоприфаќање.

Споредувајќи го своето тело со новата верзија на себе, Мур го доживеала

снимањето како емотивно искуство кое нема да биде толку добро доколку не се поврзеше толку добро со актерката Маргарет Квали.

- Имав некој кој беше одличен партнер со кој се чувствував многу безбедно. Очигледно бевме прилично блиски и голи и исто така многу се разбравме во тие моменти за тоа колку беа апсурдни тие одредени ситуации. „На крајот на краиштата, се работи само за навистина канализирање на вашата комуникација и меѓусебна доверба“, рече Мур.

притисни ентер