Албанија: Ситуацијата со пожарите се уште тешка, целосно пеплосани шест села кај Грамш - Канал 5

Балкан

Албанија: Ситуацијата со пожарите се уште тешка, целосно пеплосани шест села кај Грамш

Ситуацијата со пожарите во Албанија и понатаму сериозна, посебно во подрачјето на Грамш и Делвина на југот на земјата, објави министерот за одбрана Пиро Венгу.

Албанија: Ситуацијата со пожарите се уште тешка, целосно пеплосани шест села кај Грамш

-Во овие две подрачја, во моментов, во борбата против пламените јазици дејствуваат пет хеликоптери, од нив три хеликоптери во Грамш, а два други во Делвина. Обемната операција за гаснење пожари продолжи без престан во текот на целата ноќ за да се ограничи периметарот на пламените јазици во близина на станбените области и националните паркови низ цела Албанија, напиша Венгу.

Додава дека „стотици локални припадници на службите за итни случаи и вооружените сили работат без престан во најжешките области Фуше Арез, Грамш, Тепелена, Дропул, Делвина и Финиќ“. Од синоќа голем пожар беснее и во општина Булќиза, на албанско-македонската граница, кај Дебар.

Според генералниот директор на Националната агенција за цивилна заштита, Хаки Чако, околу 10 илјади пожарникари, полициски службеници, припадници на армијата, доброволци се вклучени во гаснење на пожарите низ целата земја.

Како што пренесуваат медиумите во подрачјето на Грамш, 6 села се целосно изгорени, едно е зафатено од пламените јазици, а уште едно е многу блиску и постои опасност и тоа да биде зафатено.

-Тешка ноќ помина во градот Делвина, каде што голем пожар им се закануваше на жителите и локалната инфраструктура. Борбата со пламените јазици беше херојска, со учество на противпожарни сили од јужните општини, екипи од Тирана, армиски сили и локални жители, кои овозможија гаснење на пожарот во близина на градот, наведува Топ чанел.

Поради опасноста од пожарот да ја зафати и болницата, во текот на ноќта евакуирани се пациентите и се сместени во Кино-театарот во градот а дислоцирани биле и боците со кислород. Од загрозените делови на градот биле евакуирани жените, децата и старите лица, додека мажите останале и учествувале во локализирање на пожарот.

Во текот на ноќта, поради чадот и условите создадени од пламенот, 10 лица, меѓу кои и четири војници, добиле медицинска помош поради задушување во просториите на Кино театарот, каде што привремено е сместена службата за итна помош.

Тагови: Албанија пожари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

НАТО ќе обезбеди 140 милијарди евра воена помош за Украина

Сојузниците ќе ветат милијарди евра воена помош за Украина на самитот на НАТО во Анкара, изјавија извори за германската новинска агенција ДПА денес.

НАТО ќе обезбеди 140 милијарди евра воена помош за Украина

Амбасадорите на 32 земји-членки ја поддржаа иницијативата на состанокот во Брисел. Според планот, НАТО ќе издвои 70 милијарди евра годишно за вооружување и обука на украински војници во следните две години, вкупно 140 милијарди евра.

Сепак, ова вклучува заем од ЕУ за Украина од 60 милијарди евра за 2026 и 2027 година. Ова значи дека сојузниците ќе треба да покријат 40 милијарди евра годишно од своите национални буџети, пренесува ДПА.

САД ја намалија помошта

Се очекува лидерите на НАТО официјално да го одобрат планот за пет дена во Анкара. Поголемиот дел од парите ќе бидат обезбедени од европските членки и Канада, откако САД ја намалија финансиската помош за Украина под претседателот Доналд Трамп. Германија веќе претходно објави дека во 2026 година има намера да ѝ помогне на Украина со 11,5 милијарди евра.

Во последните месеци, НАТО му помагаше на Киев преку програма наречена „Список на приоритетни потреби за Украина“, позната под акронимот „PURL“. Програмата функционира така што САД продаваат оружје и муниција на европските сојузници и Канада, кои потоа ги доставуваат до Украина.

Извор: Индекс.хр

Тагови: НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

„Интересот за електрични возила е резултат на паника, а не на промена на навиките на клиентите“

Извршниот директор на Мазда во Австралија верува дека рекордната продажба на електрични возила во последните месеци не е резултат на трајна промена во навиките на клиентите.

„Интересот за електрични возила е резултат на паника, а не на промена на навиките на клиентите“

Извршниот директор на Мазда во Австралија, Винеш Бинди, верува дека рекордната продажба на електрични возила во последните месеци не е резултат на трајна промена во навиките на клиентите, туку е последица на конфликтот на Блискиот Исток и наглиот пораст на цените на горивата.

Според него, зголемениот интерес за електрични возила е краткорочна реакција на пазарот на неизвесноста во снабдувањето со гориво, а не почеток на нов тренд.

Во разговор за австралиски „Драјв“, Бинди рече дека новите нарачки веќе почнале да се враќаат на нивото пред избувнувањето на кризата на Блискиот Исток.

„Мислам дека растот на интересот во последните два месеци е резултат на проблеми со снабдувањето со гориво, а не на структурни промени на пазарот. Побарувачката ќе продолжи да расте, но со многу побавно темпо“, рече Бинди.

Тој исто така верува дека Австралија сè уште нема доволно развиена инфраструктура за да овозможи масовен премин кон електрични возила, иако државата го охрабри нивното купување со даночни олеснувања.

Сепак, статистиката покажува дека електричните автомобили бележат рекордни резултати. Во мај 2026 година, нивниот удел во продажбата на нови возила достигна 19,9 проценти, што е историски максимум за австралискиот пазар. Еден месец претходно, процентот беше 16,4 проценти.

Тагови: електрични возила

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Молдавскиот премиер поднесе оставка

Молдавскиот премиер Александру Мунтеану поднесе оставка, со што се активира процесот на оставка на целата влада, беше објавено денес во Кишињев.

Молдавскиот премиер поднесе оставка

Мунтеану, кој е на функцијата од ноември 2025 година, не ја објасни својата одлука детално.

Тој во објава на социјалната мрежа „X“ изјави дека неговиот мандат завршува и дека одлучил да се повлече кога заклучил дека повеќе не може да ги извршува своите должности во согласност со своите принципи и верувања.

„Денес завршува мојот мандат како премиер. Во моментот кога сфатив дека повеќе не можам да го извршувам мојот мандат во согласност со моите принципи и верувања, решив да се повлечам“, напиша тој.

Мунтеану (62) беше назначен за премиер по парламентарните избори одржани во септември 2025 година, на кои ПАС постигна убедлива победа над проруските политички ривали и обезбеди продолжување на проевропскиот курс на земјата.

Пред да влезе во молдавската политика, работеше во странство повеќе од 20 години, вклучително и во Светската банка.

Во својата објава тој рече дека ќе продолжи да ѝ служи на Молдавија без оглед на позицијата што ја има во иднина.

Молдавија, која граничи со Украина и Романија, е кандидат за членство во Европската Унија. Политичката сцена во земјата со години е поделена меѓу проевропските сили и партиите што се залагаат за поблиски односи со Русија, потсетува Ројтерс.

Маја Санду ќе започне консултации за новиот премиер на Молдавија следната недела

Молдавската претседателка Маја Санду денес објави дека следната недела ќе започне консултации со парламентарните фракции за да предложи кандидат за нов премиер.

Санду нагласи дека Мунтеану ќе продолжи да ја извршува функцијата привремен премиер додека не се избере нов шеф на владата, објави Молдпрес.

Извор: Б92

Тагови: Молдавија оставка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер