Албанија прогласи вонредна состојба поради коронавирусот со казни од 6000 евра

Албанија денеска прогласи вонредна состојба поради епидемијата со коронавирус и им даде на властите 30 дена вонредни овластувања да пребаруваат домови и да забранат движење и штрајкови за спречување на епидемијата во која починаа пет лица.

Албанија ги забрани сите патувања во земјата и им нареди на луѓето да останат во своите домови откако беше дијагностицирана првата зараза со коронавирус на почетокот на март кај маж кој се вратил од Италија.

„Владата одлучи да прогласи вонредна состојба во Република Албанија заради епидемијата на „ Ковид-19 ““, се вели во соопштението.

Веќе се најавени строги мерки, вклучително и полициски час од 16 часа и наредба луѓето да не шетаат, дури ни парови.

Лицата кои не ја почитуваа одредбата да останат во објект за изолација од четиринаесет дена, веќе добија казни од 700.000 лекови (околу 6.000 евра).

Новите мерки за итни случаи вклучуваат проширување на карантинот за потенцијално заразени лица.

Специјални овластувања се дадени на Комисијата за вонредни состојби, која беше формирана пред четири месеци кога Албанија беше погодена од земјотрес во ноември и кога загинаа 51 лице и 17.000 останаа без своите домови.

Од дијагностицирањето на првото заразено лице пред 16 дена, Албанија тестирала 1.041 лица и потврдиле 146 заразени.

Во болница има 72 лица, но само тројца се на респиратор. Десет лица се опоравиле.

Рекорден број на нови случаи со Ковид-19 во Бугарија

Во Бугарија се потврдени 1.595 случаи на коронавирус.

Починале 16 лица, објавено е денес на официјалниот сајт за следење на состојбата со коронавирусот.

Во последните 24 часа се тестирани 9.038 лица, од кои 17,65 отсто биле позитивни на вирусот, пренесе „БТА“.

Досега во Бугарија заболеле 34.930 лица, од кои 16.033 активни случаи, а најмногу заболени има во Софија, Пловдив и Благоевград.

Хоспитализирани се 1.792 пациенти, од кои 112 на одделот за интензивна нега.

До сега од коронавирусот во таа земја починале 1.064 лица.

Лице од Велешта тешко повредено од соселани

Четириесет годишен жител од струшко Велешта синоќа бил нападнат и тешко повреден од лица од истото село.

Портпаролот на СВР Охрид Стефан Димоски денеска информира дека И.И. (40) бил хоспитализиран во Општата болница во Струга, со тешки повреди на главата.

– По преземени мерки, полициските службеници констатирале дека И.И., на авто-плац кај селото Долна Белица, бил физички нападнат од Г.О. и А.О. од селото Велешта. Против напаѓачите, ОВР Струга ќе поднесе соодветна пријава, изјави Димоски./МИА

Денот на македонската револуционерна борба одбележан во Делчево

Со пригодна свеченост, Општина Делчево денеска го чествуваше Денот на македонската револуционерна борба, 23 Октомври. 

По тој повод, за значењето на овој празник, членовите од КУД „Гоце Делчев" од Делчево подготвија пригоден реферат, а пред споменикот на Гоце Делчев во центарот на градот, се поклонија и букети свежо цвеќе положија делегација од Општина Делчево и од Советот на Општина Делчево, како и претставници од институции, политички партии и здруженија на граѓани.

– Денешниот датум во македонската историја е запишан како ден на основањето на Македонската револуционерна организација. Согласно со историските податоци, на 23 октомври 1893 година во Солун се поставуваат основите на организацијата којашто ќе стане симбол на борбите на Македонците за слобода. Основоположниците биле: Христо Татарчев, Даме Груев, Петар Поп Арсов, Иван Хаџи Николов, Антон Димитров и Христо Батанџиев. Тие основаат конспиративна група, нарекувајќи ја Македонски револуционерен комитет, истакнаа во говороот пред присутните членовите на КУД „Гоце Делчев" од Делчево.

Одбележувањето на „23 Октомври- Денот на македонската револуционерна борба" се организираше со почитување на протоколите и мерките за превенција од Ковид-19, поради што, како што додадоа, организаторите и бројот на присутни беше ограничен.

На настанот не присуствуваа претставници на Општинската организазија на ВМРО-ДПМНЕ. Оттаму најавија почит кон великаните на македонската револуционерна борба да им биде оддадена по завшрувањето на официјалниот настан. /МИА

притисни ентер