Албанија и Косово договорија заеднички патроли во Албанија за период јуни-септември - Канал 5

Балкан

Албанија и Косово договорија заеднички патроли во Албанија за период јуни-септември

Државните полиции на Албанија и на Косово се договорија да организираат заеднички сообраќајно-полициски служби на територијата на Албанија, во периодот јуни-септември.

Албанија и Косово договорија заеднички патроли во Албанија за период јуни-септември

Заедничките патролни служби ќе се засноваат на Меморандумот за соработка, потпишан на средбата во Тирана.

Во Меморандумот за соработка се потенцира важноста и неопходноста од соработка меѓу полициите на двете земји, во областа на патниот сообраќај, за спречување на прекршоци и зголемување на безбедноста на патиштата.

Тоа доаѓа како резултат на тоа што во периодот јуни-септември има значително зголемување на бројот на граѓани од Косово кои доаѓаат на одмор во туристичките области на Албанија, како и голем број патнички возила кои од Косово кои движат по автопатот што ги поврзува двете земји.

При потпишувањето на Меморандумот за соработка, раководителите на двете полиции, заменик-директорот на државната полиција, Сокол Бижга и генералниот директор на косовската полиција, Газменд Хоџа, истакнаа дека искуствата од изминатите години во спроведувањето на заеднички патролирањето на патиштата се позитивни и ќе послужи како основа за соработка во наредните месеци.

Албанско-косовски пароли низ Албанија во екот на турстиќката сезона паролираат повеќе години наназад а заеднички албанско - црногорски полициски патроли имаше на црногорското и албанското крајбрежје./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Заборавете ги џиновските екрани и вештачката интелигенција – возачите го сакаат ова

Што најмногу сакаат купувачите кај нов автомобил? Греењето на седиштата е на прво место.

Заборавете ги џиновските екрани и вештачката интелигенција – возачите го сакаат ова

Производителите на автомобили сè повеќе инвестираат во напредни технологии и дигитални системи, но истражувањето на „AutoPacific“ покажува дека купувачите сè уште најмногу ги ценат практичните карактеристики што ги користат секој ден.

Во анкета спроведена меѓу повеќе од 19.000 возачи кои планираат да купат автомобил во следните три години, дури 47 проценти од испитаниците рекле дека греењето на седиштата е нивната најпосакувана опрема во ново возило, пишува „Motor1“.

Веднаш зад него се предните и задните сензори за паркирање (45%) и автоматското сопирање при возење наназад (44%).

Исто така, голем интерес постои за електрично прилагодливи предни седишта, помош при промена на лента, адаптивен темпомат со одржување на лента, предупредување за возила што се приближуваат од страна при излегување од паркинг место, безжично полнење на телефон и вградена камера.

На листата на најбарани опции се наоѓа и погон на сите тркала, што е важно за 39 проценти од испитаниците.

Анкетата, исто така, покажа дека возачите сè повеќе им веруваат на напредните системи за помош. Дури 62 проценти од испитаниците изјавиле дека немаат проблем да го остават својот автомобил да извршува одредени задачи, како што се задржување на возилото во лента или автоматско паркирање. Ова е повеќе отколку во претходните години, што покажува дека довербата во современите безбедносни технологии продолжува да расте.

Извор: Б92

Фото: ВИ

Тагови: греење на седишта

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија воведува ограничувања: Стотици населби под највисоко ниво на предупредување

Екстремната топлина и ниското ниво на водата на Дунав предизвикаа проблеми со водоснабдувањето во Унгарија. Ограничувања на водата се воведени во повеќе од 600 населби.

Унгарија воведува ограничувања: Стотици населби под највисоко ниво на предупредување

Екстремна суша и долготраен топлотен бран сè повеќе ја погодуваат Унгарија, каде што ограничувања на водата за пиење се воведени во стотици населби. Властите предупредуваат дека последиците од високите температури не влијаат само на водоснабдувањето, туку и на енергетската инфраструктура.

Според унгарската влада, мерки од прво ниво се воведени во 465 населби, мерки од второ ниво на 151 место, додека најстрогите ограничувања се на сила во 13 населби.

Ниското ниво на водата на Дунав е особено загрижувачко. Нивото на реката во Пакш се спушти на само 135 сантиметри, поради што властите преземаат дополнителни мерки за да обезбедат стабилно работење на нуклеарната централа Пакш.

Дополнителни лебдечки пумпи се инсталирани на пумпните станици, додека резервни единици се распоредени во пристаништето и на копно за да се обезбеди непречено ладење на објектите.

Работната група за одбрана ја разгледува состојбата со снабдувањето со енергија и последиците од недостигот на вода, додека метеоролозите предвидуваат дека екстремните температури ќе продолжат.

Највисокото предупредување за топлотен бран, ниво три, би можело да остане на сила, а нов бран на екстремна топлина се очекува од 6 до 11 август.

Фото: ВИ

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ужасна несреќа во Германија: Се судрија два трамваи, десетици повредени

Повеќе од 25 лица се повредени денес во судир меѓу два трамваи во западниот германски град Гелзенкирхен, при што три лица се во критична состојба, соопштија локалните власти.

Ужасна несреќа во Германија: Се судрија два трамваи, десетици повредени

Според првичните информации, трамваите се движеле еден по друг во близина на стадионот на Шалке кога првиот трамвај одеднаш закочил, објави Билд.

Полицијата соопшти дека трамвајот, кој се користел за обука, нагло застанал, а потоа трамвајот со патници се удрил во него.

„Околу 25 лица се повредени, од кои седум потешко. Тројца од седумте се во сериозна состојба“, изјави портпаролката на полицијата за Билд.

На повредените им е укажана прва помош на местото на настанот, а оние со потешки повреди се однесени во болници.

Областа околу Курт-Шумахер-Штрасе, главната сообраќајница во градот, беше затворена во двата правци по несреќата.

Една лента беше повторно отворена за сообраќај во шпицот доцна попладне.

Причината зошто тренинг трамвајот одеднаш закочил сè уште не е утврдена, а специјално обучен тим е на лице место за да ја испита несреќата.

Тагови: Германија трамвај

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер