Свет

Албанезе нареди безбедносна ревизија по нападот на плажата Бондај

Австралискиот премиер Ентони Албанезе нареди ревизија на разузнавачките служби и агенциите за спроведување на законот во земјата по терористичкиот напад за време на еврејска прослава во Сиднеј .

Австралискиот премиер Ентони Албанезе нареди ревизија на разузнавачките служби и агенциите за спроведување на законот во земјата по терористичкиот напад за време на еврејска прослава во Сиднеј пред една недела.

Ревизијата ќе процени дали агенциите ги имаат соодветните овластувања, структури и процедури за заштита на јавноста, рече Албанезе во денешното соопштение.

Нападот, за кој властите велат дека бил под влијание на идеологијата на Исламската држава, го нагласи „брзо менливото безбедносно опкружување“ во Австралија, рече премиерот.

- Нашите безбедносни агенции мора да бидат во најдобра позиција да одговорат, рече Албанезе, додавајќи дека ревизијата ќе биде завршена и објавена во април.

Албанезе се соочи со критики од претставници на еврејската заедница и од опозицијата, кои ја обвинија неговата влада дека не прави доволно за да ги заштити Евреите во услови на пораст на антисемитизмот во Австралија.

Тој призна одредени недостатоци во напорите за борба против антисемитизмот и сега има повици за формална истрага.

Денеска се навршува една недела откако двајца вооружени напаѓачи отворија оган врз толпа луѓе на култната плажа Бондај во Сиднеј, убивајќи 15 лица и ранувајќи десетици. Повеќето од жртвите беа Евреи кои го одбележуваа првиот ден од Ханука.

Истражителите ги идентификуваа напаѓачите од Бондај како татко и син. Таткото (50) беше застрелан од полицијата на местото на настанот, додека 24-годишниот син беше повреден и подоцна обвинет за 15 убиства и 40 точки за нанесување тешки телесни повреди со намера за убиство.

Тагови: Австралија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски на литургија во црквата „Св. Кирил и Методиј“ во Њу Џерси и средба со македонска заедница.

Денеска присуствував на литургија во црквата „Св. Кирил и Методиј“ во Њу Џерси, каде што остварив средба и со нашата македонска заедница, напишана својот профил на Фејсбук,премиерот Христојан Мицкоски

Благодарност за топлото гостопримство и за посветеноста со која Македонците во дијаспората ја чуваат врската со татковината.

Нашата грижа и поддршка за македонските заедници надвор од Македонија останува силна, затоа што каде и да се нашите луѓе, таму е и дел од Македонија, стои во објавата на Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Голферка во секси бикини

Голф-сензацијата Пејџ Спиранач, која има повеќе од четири милиони следбеници на Инстаграм, ги воодушеви фановите со фотка на која покажа како ужива на сонце во минијатурно бикини.

Покрај првата фотографија, Спиранач напиша: „Сега е време за ден покрај базенот“. Потоа, ѕвездата на голфот објави уште една атрактивна фотографија од својот сончев одмор.

Таа дефинитивно знае како да го привлече вниманието и да го задржи интересот на своите следбеници за сè што се случува.

Сега следи помирен период, бидејќи сите големи турнири за оваа година се завршени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Српска пејачка во микро бикини

Популарната српска пејалка Миа Борисављевиќ изгледа неверојатно во својата петта деценија од животот.

Нејзините фотографии во бикини го вжештија интернетот.

Мајката на две девојчиња со години одржува завидна линија, а откри и на што посветува посебно внимание.

Атрактивната Миа важи за една од најубавите пејачки на сцената и често ги воодушевува своите следбеници со фотографии на социјалните мрежи.

Овој пат, таа го привлече вниманието со видео во кое позира во розево бикини и ја покажува фигурата што со години ја одржува.

Миа зачекори во петтата деценија од животот, но судејќи според реакциите на нејзините следбеници, годините за неа се навистина само бројка. Миа е мајка на две девојчиња, Ема и Теа, кои ги доби во бракот со својот колега Бојан Грујиќ.

Пејачката со години редовно тренира и посветува посебно внимание на исхраната. Како што претходно откри, таа не го прескокнува појадокот и се труди да избира храна што ѝ дава доволно енергија во текот на денот.

Тагови: бикини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.