Алармантен раст од 113,29% на стапките на дебелина во Македонија - Канал 5

Здравје

Алармантен раст од 113,29% на стапките на дебелина во Македонија

Секој трет граѓанин во Македонија е со прекумерна тежина, од 90тата до 2022 година, процентот на обезност кај населението се зголемил за 113%

Алармантен раст од 113,29% на стапките на дебелина во Македонија

Ваквата тенденција е нотирана и во Центарот за справување со обезност, вели раководителот, д-р Недеска Минова, каде е зголемен бројот на пациенти. Причината за тоа ја гледа во достапноста на премногу нездрава храна, прекумерно консумирање на истата и физичка неактивост. Според нејзе, обезноста која веќе има епидемиски размери особено е алармантна кај малолетната популација која се повеќе го има овој проблем од кој страда целиот организам.

-За жал тоа се случува и во детската популација, што е многу поаларманто отколку кај возрасната популација, бидејќи децата кои што се справуваат со проблем дебелина понатаму стануваат во текот на животот наши пациенти. Мултисистемска болест, страда целото тело, започнувајќи од коскено зглобниот систем, најголем број од овие пациенти во текот на животот развиваат дијабетес мелитус тип-2 имаат покачен и нерегулиран крвен притосок, кардиоваскуларни компликации, проблеми со дишењето, психички проблеми, така да, едно мултисистемско засегање,- Д-р Наташа Недеска Минова – Раководител на одделение за ендокринологија и дијабетес.

Од отворањето на овој центар каде најобезниот пациент во моментов има 210 кг до сега се направиле 800 прегледи, а половина од нив се појавиле и на контролен преглед, што е позитивен тренд според Недеска Минова. Сепак, покрај упорност и волја за за лечењето на обезноста како болест која е хронична и тешка за лекување, потребни се и пари, оти фондот не го покрива лекувањето. Недеска Минова вели дека како центар прават кампањи за подигање на свеста, но решението го гледа во создавање на национална стратегија.

-Меѓутоа како завршуваат овие пациенти, се судираат со проблем со терапија. Терапија има, фармаколошка терапија постои, меѓутоа не е на товар на фондот и тоа пациентите треба да го сносат од својот буџет, а тоа не е малку. Потоа, како поддршка е потребно да имаат структуирана нутриција, односно план за исхрана кој што е направен од професионалци, нутриционисти, кои што исто така приватно ги плаќаат и структурирана физичка активност која исто така треба професионалец да ја направи, а тоа се за жал е недостапно од страна на државата,- Д-р Наташа Недеска Минова – Раководител на одделение за ендокринологија и дијабетес.

Според податоците на СЗО, наjoбезна нација во светот е американска Самоа, каде дури ¾ од возрасните се смета дека имаат прекумерна тежина. На Островите Тонга и Наури во Тихиот Океан исто така 70% од населението има прекумерна тежина. Во последните три децении во Европа со помала стапка на обезност можат да се пофалат Франција и Шпанија, додека пак ситуацијата во Британија и САД е загрижувачка.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ најавува настан: Доаѓа преклоплив „iPhone“ - но тоа не е најголемото изненадување

Тим Кук ја напушта компанијата, но доаѓаат нови уреди кои би можеле да променат сè во екосистемот на „Apple“.

„Apple“ најавува настан: Доаѓа преклоплив „iPhone“ - но тоа не е најголемото изненадување

„Apple“ објави во среда дека нивниот следен настан за лансирање уреди ќе се одржи на 9 септември, под слоганот „Surprise and Shine“ (Изненадување и сјај).

Се очекува настанот да биде значаен, бидејќи се шпекулира дека „Apple“ ќе го претстави својот долгоочекуван преклоплив „iPhone“. Ова ќе биде и првиот настан на „Apple“ со Џон Тернус како извршен директор. Тернус треба да го преземе кормилото на технолошката компанија од Тим Кук на 1 септември.

Се очекува „Apple“ да ги објави новите „iPhone 18 Pro“ и „iPhone 18 Pro Max“, но се шпекулира дека двата модели се со релативно постепени подобрувања, а не драматични нови дизајни. Извештаите сугерираат дека компанијата нема да објави стандарден „iPhone 18“ до следната година.

Се очекува технолошкиот гигант да ги претстави и „Apple Watch Series 12“ и „Apple Watch Ultra“, заедно со нови паметни домашни уреди.

Покрај новиот хардвер, компанијата би можела да објави и датуми за лансирање на „iOS 27“, „iPadOS 27“, „macOS Golden Gate“ и други претстојни ажурирања на софтверот.

Настанот ќе се одржи во кампусот „Apple Park“ во Купертино, Калифорнија.

Избор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

475 луѓе загинаа во поплавите во Непал, над 1.500 се водат за исчезнати

475 луѓе загинаа во катастрофалните поплави во Непал, над 1.500 луѓе се водат како исчезнати, соопштија непалските власти.

475 луѓе загинаа во поплавите во Непал, над 1.500 се водат за исчезнати

Операциите за пребарување и спасување продолжуваат, додека екипите истовремено работат на расчистување на блокираните патишта во погодените области. Непалската армија објави дека спасила 900 луѓе од најтешко погодените области, вклучувајќи ги областите расува и нувакот. Портпаролот на армијата изјави дека сите 900 спасени лица се повредени и се на болничко лекување, но не даде детали за нивната состојба. Тој додаде дека дождот и непредвидливото време сериозно ги попречуваат спасувачките напори. „Никогаш во животот не сум видел ваква катастрофа“, рече тој.

YouTube video

Тагови: Непал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лефков: Дали Филипче се загрижи за личните интереси во врска со дата центрите па затоа шири паника

​СДС на Венко Филипче продолжува со серијата со наслов  - ширење паника и хистерија меѓу граѓаните.

Лефков: Дали Филипче се загрижи за личните интереси во врска со дата центрите па затоа шири паника

Притоа видливо е непознавањето на основните работи кога станува збор за дата центрите или центри за податоци, или пак можеби само се грижи за личните интереси.

Филипче и СДС треба да знаат дека едно се инвестиции од поединци како онаа во Пехчево, а друго е кога државата преговара за отворање на вакви дата центри.

И премиерот Христијан Мицкоски во јавноста прецизно објасни како би се одвивала процедурата кога станува збор за државата. Јасно кажа дека кога државата ќе преземе институционален чекор за изградба на таков објект, јавно ќе биде се презентирано. Официјалните информации се и дека се преговара со пет или шест потенцијални инвеститори. Се разбира, притоа никако нема да се посегне по она што подразбира животна околина и животен стандард на граѓаните, а за што Филипче вели дека е загрижен.

Дали можеби целата грижа кај Филипче е поради лични причини. Дали грижата се појави во момент кога Филипче виде дека нема да може валкано со низа манипулации да се занимаат со ова луѓе блиски до него и до другар му Зоран Заев, како што тоа го правеа кога стануваше збор за марихуаната.

Видовме дека Филипче во периодот кога се шеташе со Заев по Егејот имаше проблеми од сонцето и топлината па беше дезориентиран. И сега како да е ист, само се вклучува кога неговиот и бизнисот на Заев не поминуваат.

YouTube video

Миле Лефков, член на ИК и пратеник на ВМРО-ДПМНЕ

Тагови: Миле Лефков

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер