Aлаѓозовски на министерска конференција во Давос - Канал 5

Култура

Aлаѓозовски на министерска конференција во Давос

Министерот за култура , Роберт Алаѓозовски учествувана конференција на министрите за култура во Давос на тема ,, За култура во срцето на урбаното планирање” .

Aлаѓозовски на министерска конференција во Давос
Во предвечерјето на Светскиот економски форум во Давос, Швајцарија, се одржува и конференција на министрите за култура од земјите - потписнички на Европската културна конвенција и од земјите набљудувачи на Советот на Европа. Во фокусот се заклучоците за Декларацијата, која го промовира концептот на култура на изградба – Баукултур (Baukultur).

Како што соопштуваат од министерството за култура , конференцијата започнува вечерва со експертски обраќања, а утре ќе се обрати и министерот за култура на Република Македонија, Роберт Алаѓозовски, кој на маргините на Форумот веќе оствари средби со неколку свои европски колеги.

Се очекува Македонија на овој Форум да го поддржи овој концепт. Според министерот Алаѓозовски, културата треба да биде во срцето на урбаното планирање. Се очекува овој процес да понуди решенија за висок квалитет на сите идни градежни зафати во урбаните јадра, но и на периферијата и во руралните средини.
При тоа, старите традиции треба да го детерминираат односот и кон новите градби, особено вклучувајќи ги и модерните искуства.

Министерот Алаѓозовски на маргините на форумот денес оствари средби со неколку колеги, вклучувајќи и министри за култура со кои се среќава за првпат. Тој оствари средба со министерката за надворешни работи , правда и култура на Лихтенштајн, Аурелија Фрик, со министерката за култура на Литванија, Лиана Руоките – Јонсон, како и со министерот за култура на Украина, поранешен актер и икона на протестите на Мајдан, Јевген Нишчук.
На неформалната средба, министрите за култура на Македонија и Украина разменија сознанија за двете културни сцени и договорија во иднина да се оствари и културна размена на уметници.
Имајќи предвид дека и двајцата министри се на функција по отстранувањето на долгогодишни автократски владеења, тие разменија искуства и за процесот на трансформација на културниот систем од оној на заробена држава и автократија кон демократско и отворено општество и култура.

Украинскиот министер Нишчук гостувал на „Шекспир фестивалот“ во Битола каде што добил и награда, па министерот Алаѓозовски му упати отворена покана да ја посети нашата земја за време на овој или на некој од другите театарски фестивали.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожар во хотел во Истанбул, евакуирани се голем број луѓе

Денеска во хотел во истанбулската населба Бакиркој избувна пожар, а пожарникарите евакуираа голем број луѓе кои биле во зградата.

Пожар во хотел во Истанбул, евакуирани се голем број луѓе

Пожарникарите реагираа на местото на пожарот, а операцијата за гаснење е во тек, објави Хуриет.

Засега нема информации за повредени.

Бакиркој е општина на европската страна од Истанбул, на брегот на Мраморното Море.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Дрога е пронајдена кај кампери во Галичник, уапсени се петмина

Лишени од слобода пет лица во Галичник, при претрес во шаторите каде престојувале пронајдена марихуана, кокаин, таблети, следува пријава.

Дрога е пронајдена кај кампери во Галичник, уапсени се петмина

На 04.09.2026 во периодот од 19:20 до 20:45 часот, во с. Галичник на местото викано „Стопанче“, полициски службеници од ОВР Гостивар и ПО Маврово, во рамки на оперативна акција, лишија од слобода пет лица, А.Ј. (32), М.М. (38), К.С. (45) и В.В. (44) од Скопје, како и Р.Т. (38) од Куманово.

При претрес во шаторите каде престојувале лицата, пронајдени и одземени се повеќе пакувања со марихуана, бела прашкаста и грутчеста материја, халуциногени печурки и таблети.

Лицата се задржани во ПС Гостивар за понатамошна постапка и по документирање на случајот ќе следува соодветен поднесок, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кузеска: На прес на Влада -Почнаа со работа медиумите од српската медиумска мрежа

Почнаа со работа медиумите од српската медиумска мрежа во Македонија.  Како што најавивме, на сомнителен начин.

Кузеска: На прес на Влада -Почнаа со работа медиумите од српската медиумска мрежа

На прес конференција во Владата пред два дена присуствувала и екипа на Euronews Македонија.

Како присуствуваат кога се уште немаат дозвола за работа?

Очигледно Владата на Мицкоски, веќе ја третира Euronews Македонија како телевизија и ѝ овозможува пристап на официјални владини настани.

По реакциите на македонските телевизии беше соопштено дека Финансиската полиција отворила предмет, а АВМУ ја запрела постапката.

Нели беше најавена истрагата за сомнителниот влез на српската медиумска машинерија во Македонија.

Дали ова значи дека истрагата е прекината и се работи под радарот?

Како работат медиумите на Вучиќ во Македонија?

Што прави АВМУ? Или мачкаат очи?

Што прави Трајчевски? Дали знае дека во наводно регулираниот простор му се шетаат медиумски пирати и дека за тоа може и кривично да одговара?

Едно е јасно, медиумите на Вучиќ веќе се во македонскиот етер.

Тече анти-македонска и анти-ЕУ пропаганда.

Еврокомесарката Марта Кос, вчера ја откажа посетата на Србија, поради истите политики на Мицкоски и Стоилковиќ – величење на Ратко Младиќ.

Мицкоски копира се. Истите политики ги гледаме и со целосна контрола на медиумскиот простор, покрај веќе контролираните 40% од Орбановите медиуми.

Наскоро медиумски мрак и во Македонија - во служба на Русија и организираната криминална група на Мицкоски .

Со Мицкоски Македонија стана заложник на туѓи интереси на Балканот.

СДСМ отсекогаш се борел за демократско општество, слободни медиуми и слобода на говорот.

Даваме целосна поддршка на независните медиуми и новинари во Македонија.

Ние веќе еднаш се боревме против медиумскиот мрак, во 2015 година.

Нема да дозволиме Македонија повторно да се врати во времето на Груевски, рече Богданка Кузеска - портпаролка и членка на ИО на СДСМ.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер