Ал Пачино (83) побарал ДНК тест за да се утврди дали детето е навистина негово! - Канал 5

Шоу биз

Ал Пачино (83) побарал ДНК тест за да се утврди дали детето е навистина негово!

Пресврт! Ал Пачино (83) побарал ДНК тест за да се утврди дали детето што го носи неговата 29-годишна девојка е навистина негово!

Ал Пачино (83) побарал ДНК тест за да се утврди дали детето е навистина негово!

Светот го обиколи веста дека познатиот актер Ал Пачино (83) ќе стане татко по четврти пат, овој пат со својата 29-годишна девојка Нур Алфала. Тој, како што пренесуваат странските медиуми, бил толку запрепастен од оваа информација и побарал од својата девојка да направи ДНК тест за да се увери дека тој е татко на детето. Бидејќи актерот бил убеден дека повеќе не може да има деца, оваа вест прилично го изненадила.

Имено, на Пачино пред неколку години му бил дијагностициран медицински проблем во врска со плодноста, па тоа неколку недели пред породувањето го навело познатиот актер да се посомнева дека неговата девојка Нур не може да забремени од него.

Партнерката на Пачино се согласила да направи тест кој недвосмислено покажал дека актерот е татко на детето.

Инаку, неговата девојка Нур по професија е ТВ продуцент. Парот се запознал пред една година, а за првпат бил забележан во Венеција лани во април. Нивните дружења зачестија, па беше забележана уште една нивна средба, и тоа на отворањето на една уметничка галерија, објавата на социјалните мрежи ја сподели актерот Џејсон Момоа.

Да потсетиме, гореспоменатата продуцентка не се дружела само со Ал Пачино, како маж во поодминати години, таа претходно излегувала со Клинт Иствуд, а потоа и со Мик Џегер.

Од друга страна, меѓу славните актери кои станале станале татковци на многу позрела возраст е и актерот Роберт Дениро, близок пријател на Пачино, кој неодамна стана татко на 79-годишна возраст. Тој го доби своето шесто дете, а прво со партнерката Тифани Чен.

Како што пишуваат британските медиуми, Дениро неодамна отворил можност колегите од филмот „Кум“ во блиска иднина да ги запознаат своите новороденчиња. Запрашан дали овој пат менува пелени, актерот признал дека сè уште не го прави тоа, но дека ќе има време да се посвети на сè во врска со бебето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Петмина загинати во поплави во Турција – издадено предупредување за 45 провинции

Пет лица загинаа, а три се водат за исчезнати во поплавите што погодија неколку региони во Турција, како резултата на силните поројни дождови.

Петмина загинати во поплави во Турција – издадено предупредување за 45 провинции

Турската генерална дирекција за метеорологија издаде жолто и портокалово предупредување за 45 провинции, вклучително и за Истанбул, поради најавените обилни врнежи и силен ветер, објавија турските медими. Поради опасноста од ненадејни поплави, свлечишта, удари од гром и град, граѓаните се повикани да бидат внимателни и да ги почитуваат предупредувањата на надлежните служби. Портокалово предупредување е издадено за Истанбул, Бурса, Коџаели, Јалова и Сакарија, додека жолто предупредување важи за уште 40 провинции.

Тагови: турција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Нов бран насилни судири во Тирана – над 150 повредени, најмалку 160 приведени во изминатите денови

Нов бран насилни судири меѓу полицијата и демонстрантите избија синоќа во Тирана, четврти ден во Албанија. 

Нов бран насилни судири во Тирана – над 150 повредени, најмалку 160 приведени во изминатите денови

Полицијата употреби солзавец и водени топови за да ги растера демонстрантите, кои фрлаа камења и блокираа улици со запалени контејнери за отпад. Според извештаите, судирите продолжиле до доцна во ноќта во неколку делови од главниот град. Демонстрантите бараат оставка од премиерот Еди Рама, кој е на власт 13 години, а истовремено го изразуваат незадоволството од условите за студирање и висината на школарините на универзитетите. Албанскиот министер за внатрешни работи Ервин Дема соопшти дека во изминатите денови биле повредени 156 лица, од кои 97 полицајци. Албанскиот премиер Еди Рама ги обвини неодредени странски сили дека стојат зад немирите и дека се обидуваат да го попречат патот на земјата кон членство во Европската Унија, отфрлајќи ги тврдењата дека протестите се резултат на реалните проблеми и незадоволството на граѓаните.

YouTube video

Тагови: Тирана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Клиника за онкологија: Од дистрибутерот добивме уверување дека терапијата „Phesgo“ ќе се реализира во понеделник

Откако вчера пациентки останаа без потребната терапијата „Фесго“, од Клиниката за радиотерапија и онкологија велат дека лекот очекуваат да биде обезбеден кон почетокот на следнава недела.

Клиника за онкологија: Од дистрибутерот добивме уверување дека терапијата „Phesgo“ ќе се реализира во понеделник

Терапијата „Фесго“ во петокот беше недостапна поради ненавремена испорака од дистрибутерот, од кого добивме уверување дека испораката ќе биде реализирана во понеделник, велат од Клиниката за онкологија за Канал 5.

Од таму, информираат и дека од иста причина во моментов има застој и во снабдувањето со Госерелин, но дека добиле уверување оддистрибутерот дека ќе биде обезбеден во текот на следната недела. Вчера од Клиниката упатија извинување до сите засегнати пациентки, признавајќи дека ситуацијата предизвикала загриженост, неизвесност и непријатности. Не е познато колку пациентки се погодени од одложувањето на терапијата „Фесго“, која се користи во третманот на одредени форми на карцином на дојка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер