Активни 2091 случај во земјава, Европа се подготвува за нов ковид-бран - Канал 5

Здравје

Активни 2091 случај во земјава, Европа се подготвува за нов ковид-бран

Од вкупно 1 153 тестирања од вчерашната ковид статистика, регистрирани се 411 лица позитивни на коронавирусот, односно 35 проценти од тестираните се позитивни.

Активни 2091 случај во земјава, Европа се подготвува за нов ковид-бран

Согласно податоците од Институтот за јавно здравје од вкупниот број позитивни лица, 88 се реинфекции, а нема починати лица. Оздравени се 210 пациенти.

Комисијата за заразни болести утре ќе одржи состанок на којшто ќе се дискутира за состојбата со вирусот во земјава.

Засега остануваат да важат мерките за задолжително носење маска во јавниот превоз, здравствените домови, аптеките, домовите за стари лица и лица со попреченост.

Во тек е и вакцинацијата за четврта доза против коронавирусот. Чевртата доза можат да ја примат сите граѓани над 18-годишна возраст кои примиле три дози вакцина против КОВИД-19, на сите вакцинални пунктови без закажување. Вакцинацијата со четврта доза, како што соопшти Министерството за здравство, е предвидено да се спроведува со мРНА вакцина на „Фајзер“ или „Модерна“. Препорачаното растојание меѓу трета и четврта, односно бустер доза е најмалку четири месеци.

-Вакцинацијата со четврта доза посебно се препорачува кај хронично болни, пациенти на дијализа, трансплантирани, онколошки пациенти, имунокомпромитирани и пациенти кои примаат имуносупресивна и имуномодулаторна терапија за која било индикација и кај лица над 60 години. Вакцинацијата е најдобра превентивна мерка за заштита од потешка форма на вирусот Ковид-19. Државата располага со доволни количини вакцини, кои се безбедни и ефикасни и ги повикуваме граѓаните да се имунизираат во вакциналните пунктови со вакцина против Ковид-19, со цел да стекнат дополнителен имунитет, велат од Министерството за здравство.

Додека состојбата со КОВИД-19 во земјава е стабилна, Европа и регионот се подготвуваат за нов бран.

Во Албанија бројот на нови случаи со Ковид-19 бележи раст и во текот на вчерашниот ден, кога речиси секој втор тестиран е позитивен. Според информациите од Министерството за здравство, направени се 3 353 тестови, при што вирусот е потврден кај 1 563 или 46,6 отсто од тестираните.

Во моментов, во Албанија доминантна е новата подваријанта на Омикрон, БА5, којашто во моментов е присутна кај 64 проценти од случаите и тие се зголемуваат. Заземајќи го местото на БА2 кое моментално е 18 и БА4 со 14 отсто од заразените, но БА5 ја презема доминацијата.

Во Бугарија од понеделник се враќа носењето заштитна маска. Како што изјави за БНР главниот државен здравствен инспектор Ангел Кунчев, Бугарија се соочува со нов бран на Ковид-19 и варијанта на вирус кој се шири многукратно побрзо, со што мора да бидат подготвени за секоја ситуација.

Во Австрија драстично се зголемува бројот на новозаразени со коронавирусот и во текот на вчерашниот ден се регистрирани 15.149 нови случаи, што е бројка што претходно беше забележана на почетокот на април. Починаа девет лица заразени со корона.

Во Велика Британија од почетокот на пандемијата до сега починале повеќе од 200.000 луѓе како последица од КОВИД-19, што ја прави една од земјите со најголем број смртни случаи во Европа.

Вкупно 200.247 смртни случаи од Ковид-19 се регистрирани од почетокот на епидемијата, а 294 луѓе починале минатата недела, покажуваат податоците на Канцеларијата за национална статистика.

Во Франција пак, забележано е намалување на бројот на позитивни случаи. Јавното здравство на Франција објави дека на 12 јули во Франција имало 182.006 нови случаи на Ковид-19, што е речиси 12 отсто помалку од минатата недела. Според нив, седмиот бран на КОВИД-19 ќе го достигне врвот кон крајот на овој месец, но потребно е да се почека три до четири дена за да се утврди дека се намалува бројот на позитивни лица.

Светската здравствена организација апелира дека Ковид-19 сè уште е глобална вонредна состојба, речиси две до две ипол години откако првпат беше прогласена.

– Бројот на случаи пријавени во СЗО се зголеми за 30 отсто во последните две недели, иако зголемениот имунитет на населението, главно благодарение на вакцините, значително ги намали хоспитализирањата и смртните случаи“, се вели во соопштението на одборот на СЗО.

Генералниот директор на СЗО Тедрос Аданом порача дека Ковид-19 е далеку од завршен. Додека вирусот не притиска, ние мора да го потиснеме, додаде тој.

Досега во Северна Македонија се направени вкупно 2.092.345 тестирања на КОВИД-19. Вкупната бројка на КОВИД-дијагностицирани лица во нашата земја од почетокот на епидемијата изнесува 317.140, бројот на оздравени пациенти е 305.712, на починати е 9.337, а бројот на активни случаи изнесува 2.091.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Осуден убиец избегал преку дупка во оградата на затворот во Тенеси- украл камион и исчезнал

28-годишен осуден убиец кој отслужува доживотна казна избегал од затвор во Тенеси во неделата навечер, искачувајќи се низ дупка во затворската ограда, крадејќи камион и возејќи се во непознат правец.

Осуден убиец избегал преку дупка во оградата на затворот во Тенеси- украл камион и исчезнал

Властите во Тенеси велат дека тој сè уште не е фатен и дека потрагата по него е во тек, објави CNN.

Околу 23:30 часот на 25 октомври, вработените во Северозападниот поправен комплекс дознале дека Џејкоб Морли е исчезнат, соопшти Одделот за корекции на Тенеси.

Морли беше осуден на доживотен затвор откако беше прогласен за виновен за убиство од прв степен, тешка кражба, уништување или менување докази, избегнување апсење и вандализам.

Снимките од безбедносните камери подоцна покажаа дека Морли „ја пробива периметарската ограда“ и го напушта објектот во затворска униформа, соопшти одделот. Сè уште не е јасно како успеал да избега низ оградата.

Видео добиено од Бирото за истраги на Тенеси го покажува Морли како краде бел пикап Форд Ф-350 од 2008 година со регистарски таблички од Тенеси околу 1 часот наутро на 26 октомври, соопшти агенцијата.

Противпожарната служба Хорнбек, која се наоѓа на околу 15 милји од Северозападниот поправен комплекс, соопшти дека снимила видео на кое се гледа како Морли го вози украдениот камион покрај зградата на противпожарната служба околу 1:18 часот наутро.

Морли е вториот затвореник кој избегал од притворот на Одделот за корекции во Тенеси во изминатата недела.

Морли беше осуден за убиство од прв степен за убиството на Коди Бирчфилд, кој првично беше пријавен за исчезнат во февруари 2022 година, соопшти канцеларијата на шерифот на округот Картер.

Телото на Бирчфилд беше пронајдено во кутија под домот на Морли, неколку недели откако исчезна, објави Асошиејтед Прес.

Според властите, Морли бил и во бегство од полицијата во потера што заврши во Северна Каролина откако полицајците го пронајдоа во неговиот дом во 2022 година.

Бирото за истраги на Тенеси го стави Морли на својата листа на најбарани бегалци и нуди награда до 2.500 долари за информации што довеле до негово апсење.

Според Одделот за корекции на Тенеси, во Северозападниот поправен комплекс може да се сместат до 1.776 машки затвореници.

Тагови: Тенеси убиец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ОБСЕ позитивно го оценува обвинителството во постапките за организиран криминал и корупција

Поефективно презентирање на доказите и зголемена транспарентност – ОБСЕ позитивно го оценува обвинителството во постапките за организиран криминал и корупција.

ОБСЕ позитивно го оценува обвинителството во постапките за организиран криминал и корупција

Јавното обвинителство дополнително ги надградува добрите практики за редовна комуникација со јавноста, објавувајќи соопштенија, резимеа и организирајќи брифинзи за случаите опфатени од страна на Регионалниот проект за набљудување судски процеси во Западен Балкан, кој го спроведува ОБСЕ со финансиска поддршка од Европската Унија.

Јавниот обвинител Елвин Вели од Јавното обвинителство на Македонија, претседателот на Советот на јавните обвинители Башким Бесими и јавната обвинителка од ОЈОГОКК Наташа Поп Трајкова, на покана на Организацијата за безбедност и соработка во Европа (ОБСЕ), учествуваат на Регионалната конференција „Од хартија до практика: Како реформите во правосудството да дадат резултати во предметите на организиран криминал и корупција“, која ќе се одржува во Будва, Црна Гора и на која беше претставен извештајот од набљудувањето на судските постапки во Западен Балкан.

Во извештајот, освен транспарентноста во врска со предметите од висок јавен интерес за која Јавното обвинителство добива високи оценки споредено и со останатите земји во регионот, се нагласува и видливата посветеност за воспоставување стратешки рамки насочени кон поголема отвореност и отчетност. Тука се истакнува усвојувањето на комуникациската стратегија, како важен чекор за зајакнување на довербата на јавноста и унапредување на попроактивна и попрофесионална комуникација.

“Од аспект на обвинителството, се појавија одредени позитивни практики во однос на ефективното изведување на доказите и постапувањето пред судот. Во неколку предмети, јавните обвинители активно учествуваа во планирањето на судењата, предлагаа реални распореди за изведување на доказите и преземаа одговорност за повикување на сопствените сведоци”, нотира извештајот, препорачувајќи ваквите позитивни чекори доследно да продолжат да се применувааат

Како уште еден важен сегмент кој се однесува на работата на Јавното обвинителство, ОБСЕ ги истакнува и активностите што се прават преку Здружението на јавните обвинители, а во соработка со Амбасадата на САД во Скопје, со цел подобрување на квалитетот на обвиненијата

“Државното јавно обвинителство, исто така, ги поддржа овие иницијативи, со посебно внимание на подобрувањето на изведувањето на доказите пред судот и зајакнувањето на ефективноста на јавните обвинители во текот на судењата”, стои во извештајот.

Како позитивен исчекор се одбележани и активностите за изготвување нови прописи за надзор над работата на јавните обвинителства и за оцена на работењето на јавните обвинители, иницијатива која е поддржана преку Проектот за владеење на правот финансиран од ЕУ и има за цел да ги усогласи постојните внатрешни прописи и да воспостави појасни механизми за надзор и професионална оцена.

Самиот извештај во неколку клучни делови ги нотира недоволните човечки и финансиски ресурси со кои располага обвинителството, како важен предуслов за дополнително зголемување на ефикасноста.

“Се чини дека ова е едно од најкритичните прашања што бара паралелен пристап: континуирани напори од страна на обвинителството за подобрување на ефикасноста, во комбинација со соодветна институционална поддршка и обезбедување ресурси. Решавањето на двата аспекта е неопходно за да се прекине кругот во кој се очекува подобрување на ефикасноста пред да се обезбедат дополнителни ресурси, додека јавните обвинители сметаат дека дополнителните ресурси се неопходни за постигнување поголема ефикасност”, стои во извештајот на ОБСЕ.

Во рамките на овој проект, во земјава беа набљудувани најголем број предмети споредено со останатите земји во регионот, односно 16 предмети за кривични дела од организиран криминал и 56 предмети од областа на корупцијата.

Предметите беа избрани според тежината на кривичното дело, статусот на обвинетите и степенот на јавен интерес, при што приоритет им се дава на предметите во кои правната сигурност, институционалниот кредибилитет и довербата на јавноста се од најголемо значење. На тој начин вниманието се насочува кон постапките во кои институционалните капацитети, правичноста, ефикасноста и довербата на јавноста се изложени на најголем тест.

Во сите предмети, Проектот ја толкува ефективноста на правосудството на база на три меѓусебно поврзани аспекти: капацитетите, во смисла на квалитет, доследност и услови за поддршка на професионалната и институционалната практика правичноста, разгледувана преку гаранциите за правично судење, еднаквоста пред законот и образложеното судско одлучување; и ефикасноста, сфатена како управување со сложеноста, времето и ресурсите без нарушување на правичноста или квалитетот, соопштуваат од Обвинителството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

„Островот на милијардерите“ станува достапен за обичните смртници (ВИДЕО)

На само 2,3 километри од брегот на Корзика се наоѓа мал рај - островот Кавало, опкружен со тиркизно море и прекрасни песочни заливи, украсен со луксузни вили и приватни имоти.

„Островот на милијардерите“ станува достапен за обичните смртници (ВИДЕО)

Се простира на 110 хектари и е добро позната летна дестинација за меѓународни ѕвезди, индустријалци и членови на европски аристократски семејства од крајот на 1960-тите. Затоа е наречен „остров на милијардери“.

Патишта низ приватни имоти

Оние кои го ценат својот статус обично стигнуваат до островот Кавало со сопствена јахта, објавува Билд.

Таму има и луксузен хотел, кој секој може да го резервира. Сепак, пристапот до островот за еднодневни излетници е сè уште ограничен.

Токму ова сака да го промени градоначалникот на Бонифацио на Корзика, Жан-Шарл Орсучи. Прво, целта е прекрасните плажи да бидат подостапни за обичните туристи.

Имено, правната ситуација во Франција е во основа јасна - плажите мора да бидат слободно достапни за пешаците. Проблемот е што многу од патиштата до нив минуваат низ приватен имот, а сопствениците не сакаат другите да минуваат низ нивниот имот.

Спорот заврши на суд

Општинскиот совет во 2023 година одлучи да отвори одредени патишта за јавноста, но овој обид сè уште не вроди со плод.

На крајот на јуни 2026 година, општината го презеде управувањето со пристаништето, кое дотогаш го водеше приватен оператор. Општината верува дека 35-годишната концесија е истечена, но сегашниот оператор го оспорува овој став и тврди дека нејзиниот договор е важечки најмалку до мај 2028 година. Спорот заврши на суд, кој го отфрли барањето на операторот за привремено прекинување на преземањето на пристаништето, но прашањето за времетраењето на концесијата не е конечно решено.

Оние кои се надеваат на евтин еднодневен излет до „островот на милијардерите“ затоа ќе мора да бидат трпеливи. Градоначалникот Орсучи сака да го направи Кавало подостапен, но во исто време има намера да спречи да биде преплавен од туристи. Затоа, во моментов нема планови за воведување на јавна фериботска услуга од копното на Корзика. Приватните имоти, исто така, ќе останат недостапни за јавноста.

Дополнително, пристаништето е затворено за сезоната од 1 октомври. Според сегашната одлука на општинскиот совет, треба повторно да се отвори на 1 мај 2027 година. Дали сите потоа ќе можат да ги посетуваат плажите на овој луксузен остров, сè уште не е правно разјаснето.

Тагови: милијардери остров

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер