Германската полиција истражува сомнителен напад со палење на градилиште во близина на седиштето на компанијата за одбранбена технологија „Роде и Шварц“ во Минхен, соопштија властите, како што објави „Ројтерс“.

Портпаролот на баварската полиција потврди дека е отворена истрага за сомнителен пожар, но рече дека засега нема докази дека нападот бил конкретно насочен кон „Роде и Шварц“.

Портпаролот на полицијата изјави дека 28-годишна жена и 38-годишен маж, двајцата бугарски државјани, се уапсени во врска со инцидентот и дека се осомничени дека го започнале пожарот со молотов коктел.

Пожарот не предизвикал значителна штета и брзо бил изгаснат. Нема повредени, соопшти полицијата.

„Роде и Шварц“ потврди дека инцидентот се случил на градилиште во близина на нивното седиште.

Германските власти ја зголемија својата будност во последните денови во врска со можни напади врз инфраструктурата, откако владата оваа недела изјави дека Русија стои зад обидот за напад со беспилотни летала врз украински товарен авион на аеродромот Лајпциг/Хале минатиот месец.

Molotov cocktails were thrown from a car at a construction site in front of German defense company Rohde & Schwarz headquarters in Munich overnight.

Two Bulgarian nationals detained at a nearby gas station. pic.twitter.com/KwPXFXcG6T

— Clash Report (@clashreport) September 3, 2026

Германскиот министер за внатрешни работи Александар Добринт изјави дека странските сили, особено Русија, би можеле да ги користат левичарските екстремистички групи како посредници за извршување саботажи. Тој предупреди дека некои од овие групи сè повеќе ги усвојуваат руските ставови и наративи во врска со војната во Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Стручните служби на Општина Центар денес пред граѓаните и советниците го презентираа Нацрт-деталниот урбанистички план „Барутана“, со кој на падините на Водно се предвидуваат нови објекти за домување, старечки дом и верски објект, на простор за кој дел од присутните предупредуваат дека е под влијание на ерозивни процеси.

На јавната презентација се отворија повеќе прашања – што точно ќе се гради, колку новата градба дополнително ќе ја оптовари населбата и дали решенијата вцртани во урбанистичкиот план воопшто можат безбедно да се реализираат на стрмниот терен.

Граѓанската иницијатива и советничката група „Шанса за Центар“ покренаа петиција за повлекување на Нацрт-деталниот урбанистички план за локалитетот Барутана на Водно, со барање да се преиспитаат предвидените нови градби во овој дел од планината.

Од иницијативата предупредуваат дека планираната изградба на десетици објекти на стрмниот и пошумен дел на Водно може да има негативно влијание врз природната средина, но и врз безбедноста и квалитетот на животот на жителите на Центар.

„Самото отсуство на градоначалникот зборува многу, дека тој нема доволно храброст да се соочи со своите граѓани. Станува збор за небезбеден план, план што бара инфраструктура на 75 проценти стрмност. План за кој ДЗС не дава стручно мислење за ерозија и свлечиште на земјиштето. Кој ќе ја сноси одговорноста ако тој план, кој петпати ги надминува параметрите на ГУП, го доведе во ризик животот на населението?“

Од стручните служби, пак, посочија дека просторот кај „Барутана“ не се планира за првпат, туку дека станува збор за плански континуитет. Со ДУП-от се опфатени околу 50 градежни парцели, а максималната висина на објектите е приземје и два ката. Полицискиот објект останува, а предвидени се и верски објект и старечки дом.

Планот предвидува и инфраструктурни зафати– резервоари, пумпна станица, трафостаници и нови канали кои, според планерите, треба да помогнат во заштитата од горноводњанските порои. Предвиден е и заштитен појас.

Граѓаните посочија и дека во планот има вцртани улици за кои сметаат дека тешко или воопшто не можат да се реализираат на ваков терен. Забелешки имаа и за состојбата со зеленилото и дрвјата, но и за досегашното урбанистичко уредување на населбата.

„Одговорност има, но градоначалникот го нема. Кој ќе поднесе одговорност со овој план и со сите други активности со кои се уништува квалитетот на живот?“

Последниот збор, сепак, сè уште не е ставен на хартија. Граѓаните во рамките на јавната анкета можат да достават забелешки и приговори, по што ќе се види дали ДУП-от ќе остане во презентираната форма или ќе претрпи измени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Новата еврообврзница, чие издавање е планирано во 2027 година, е дел од навременото обезбедување средства за финансирање на обврските на државата, меѓу кои и отплатата на значителен износ на стари долгови што достасуваат следната година, а земени од претходната Влада.

Ова го истакна министерката за финансии Гордана Димитриеска-Кочоска, одговарајќи на новинарско прашање во врска со обвинувањата на опозицијата за ново задолжување на Владата од 1,3 милијарди евра.

Министерката посочи дека информацијата за новата еврообврзница сè уште не е разгледана на седница на Владата, но дека Министерството за финансии мора навремено да се подготви за обврските што достасуваат во 2027 година.

„Долгот што опозицијата го остави за 2027 година е скоро една и пол милијарда евра. Тоа се долгови кои тие ги имаат направено и ние треба да ги вратиме. Легитимно е дека мора навремено да се организираме, да обезбедиме средства за да ги вратиме старите долгови. Не можеме да го занемариме фактот дека скоро една и пол милијарда евра треба да вратиме стари долгови“, рече Димитриеска-Кочоска.

Таа нагласи дека токму оние што до 2024 година раководеле со институциите треба добро да знаат какви обврски оставиле за отплата во наредните години. Оттука, оцени министерката, неосновано е денес да се критикува обезбедувањето средства за сервисирање на долгови кои биле создадени претходно.

Покрај овие обврски, во 2027 година достасуваат и државни записи со рок од 12 месеци во износ од околу 1,1 милијарда евра. Истовремено, согласно Фискалната стратегија, за 2027 година е предвиден буџетски дефицит од 3,5% од БДП, кој исто така треба да се финансира.

Димитриеска-Кочоска потенцираше дека при оценувањето на задолжувањето не може да се зема предвид само износот што државата го позајмува, а намерно да се занемарува износот на долгот што истовремено се отплаќа. Таквото собирање на секое ново позајмување и негово претставување како целосно нов долг, без да се прикажат обврските што со тие средства се отплаќаат или рефинансираат, не ја дава реалната слика за движењето на јавниот долг.

Новото задолжување што се користи за отплата или рефинансирање на постојни обврски не значи дека јавниот долг автоматски се зголемува за целиот позајмен износ.

Како пример, министерката посочи дека истото важи и при рефинансирање кредит кај домаќинствата – ако се земе нов кредит за да се отплати постоечки, долгот не се зголемува за целиот износ на новиот кредит, бидејќи истовремено се отплаќа старата обврска.

Министерката истакна дека Министерството за финансии транспарентно ги објавува податоците за јавниот долг и дека навременото планирање на изворите на финансирање е неопходно за редовно и непречено сервисирање на обврските на државата.

Одделение за односи со јавност

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.