Актерот уапсен и обвинет: Има бомба во торбата - Канал 5

Шоу биз

Актерот уапсен и обвинет: Има бомба во торбата

Американскиот актер Ти Џеј Милер уапсен е и обвинет поради лажна дојава откако пријавил една жена со која патувал во ист воз дека крие бомба во својот куфер.

Актерот уапсен и обвинет: Има бомба во торбата
Имено, Милен претходно имал вербален судир со текот на патувањето од Вашингтон до Њујорк. Како што пренесуваат медиумите, инцидентот се случил на 18 март.

Милер од возот, ја повикал полицијата, пријавувајќи дека една жена, со марама на главата, “има бомба во својата торба“. На повратниот повик на полицијата, тој изјавил дека жената постојано “пребарува по торбата и изгледа како да сака да го напушти возот, а да го остави куферот“.

Милер одречно одговорил на прашањето на полицаецот дали можеби боледува од некоја ментална болест и додал: Ова е прв пат да направам ваков повик, загрижен сум за луѓето во возот, некој би требало да ја провери оваа госпоѓа“.

Како што се покажало на крајот, Милер во полицијата дал погрешен број на возот, па целосно друг воз бил сопрен во државата Конектикат, испразнет и пребаран, што довело до големи доцнења. Никаква бомба не била пронајдена.

Во меѓувреме, Милер со својот воз редовно патувал за Њујорк. Според документите кои ги објави ФБИ, полицијата го дочекала Милер во Њујорк и во алкохолизирана состојба го извлекла од возот. Еден работник во возот изјавил дека тој испил две чаши вина и две чаши виски со сода.

Вториот работник навел дека Милер “разменувал погрдни зборови“ со една жена во вагонот од првата класа и додал дека не е точно во тврдењето дека сомнително се однесувала. Спомената жена изјавила за полицијата дека со Милер имала препирка, додавајќи дека тој бил гласен и нападен во возот, како и тоа дека ја коментирал нејзината фризура.

Пријавата на Милер довела до значајни повеќечасовни доцнења, како и до зголемена приправност во неколку безбедносни агенции во државата Њујорк и Конектикат. ФБИ налогот за неговото апсење го обезбеди дури во понеделников, кога Милер слетал на њујоршкиот аеродром „Ла Гвардија“.

Актерот е ослободен со кауција од 100.000 долари откако претходно се појавил пред федералниот суд во Њу Хевен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Тројца малолетници од Скопје предизвикале пожар во парк шумата Гази Баба, уапсени се

Лишени од слобода тројца малолетници од Скопје поради предизвикување пожар, следува пријава.

Тројца малолетници од Скопје предизвикале пожар во парк шумата Гази Баба, уапсени се

На 04.10.2026 во парк шума Гази Баба во Скопје, полициски службеници од СВР Скопје лишија од слобода тројца малолетници од Скопје, постапувајќи по претходна пријава дека предизвикале пожар при што била опожарена сува трева.

Од Бригадата за противпожарна заштита пожарот бил изгаснат, а по целосно документирање на случајот Единицата за внатрешни работи Гази Баба при СВР Скопје ќе поднесе кривична пријава поради постоење основи на сомнение за сторено кривично дело „предизвикување општа опасност“ по член 288 од Кривичниот законик, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Обвинителството ги оспорува заклучоците на вештакот ангажиран од д-р Нино Васев

Во Кривичниот суд продолжи судењето за предметот „Онкологија 1“. Денеска во Кривичниот суд беше испрашуван вештакот Владимир Даниловски, вешто лице ангажирано од страна на одбраната.

Обвинителството ги оспорува заклучоците на вештакот ангажиран од д-р Нино Васев

Неговите заклучоци за терапијата на онколошките пациенти беа оспорени од обвинителството на денешното вкрстено испрашување.

На судењето кое се води против поранешниот директор на Клиниката за онкологија, Нино Васев, и уште двајца онколози, обвинети за несовесно лекување пациенти, обвинителството поставуваше прашања за дозирањето и третманот на конкретни онколошки пациенти со лекови и терапија за кои, како што нагласи вештото лице, се произнесува во своето вештачење и наведува дека се дадени согласно европските протоколи и се во насока на тоа да се види стручноста на ова вешто лице.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зајакнати акциски контроли за брзо возење – констатирани 628 прекршоци

На 04.10.2026 година, во периодот од 14:00 до 20:00 часот, на територијата на целата држава, Секторот за сообраќајни работи при Министерството за внатрешни работи спроведе зајакнати акциски контроли .

Зајакнати акциски контроли за брзо возење – констатирани 628 прекршоци

На 04.10.2026 година, во периодот од 14:00 до 20:00 часот, на територијата на целата држава, Секторот за сообраќајни работи при Министерството за внатрешни работи спроведе зајакнати акциски контроли насочени кон санкционирање на возачите кои управуваат возило со брзина поголема од пропишаната.

При спроведените контроли констатирани се вкупно 628 прекршоци. Од нив, 344 прекршоци се констатирани кај возачи кои ја надминале дозволената брзина надвор од населено место, додека 284 прекршоци се однесуваат на возачи кои ја надминале пропишаната брзина во населено место.

За сите констатирани прекршоци преземени се соодветни мерки и изречени се санкции согласно законските прописи.

Во текот на контролите констатирани се и 66 прекршоци од друг вид.

Министерството за внатрешни работи продолжува со зајакнатите сообраќајни контроли на целата територија на државата, со цел зголемување на безбедноста на сите учесници во сообраќајот и намалување на ризиците предизвикани од непочитување на ограничувањата на брзината, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер