3 Минчев на министерски состанок на RESPA: Регионалното партнерство во функција на европските стандарди и подобри јавни услуги
КултураАктерот Гоце Тодоровски свечено прогласен за лауреат на театарскиот фестивал во Крива ПаланкаАктерот Гоце Тодоровски денеска свечено и официјално, во големата сала на Општина Крива Паланка, беше прогласен за лауреат на 12. Меѓународен театарски фестивал „Св.Јоаким Осоговски".Ова фестивалско издание нема да се одржи со концепцијата репертоар со претстави, но денешната свеченост беше момент за одбележување за, како што беше кажано, сцената да не остане без здив. -Посебна чест и задоволство ми е што имам можност да бидам денеска овде со дел од претходните лауреати на фестивалот, заедно да го прославиме долгогодишниот труд и љубов вткаени во организацијата на театарскиот фестивал низ годините од страна на сите инволвирани. А годинава, без претстави, некако како сите да ја имаме најважната улога, зашто треба да се избориме со КОВИД- пандемијата. Затоа е и годинашното мото на фестивалот „Маски под маски", изјави градоначалникот на Крива Паланка, Бројанчо Мицевски. Гоце Ристовски, декан на ЕСРА, новинар, театролог и критичар, селектор на фестивалот, рече дека Тодоровски за најголемиот дел од критичарите важи како најдобар комичар во нашата држава, иако е истовремено одличен театарски и филмски актер. -Според критичарите, а тоа и јас го тврдам, Тодоровски е нашиот најголем комичар, дури и го нарекуваат македонски Чарли Чаплин. Комедијата и трагедијата се едно исто, зависи само од кој агол ги гледате. Комедијата има сила како некој вирус, кој преживеал низа режими низ историјата, а преживеал и во најтешките времиња кога им влевал капка надеж на народот. Поради тоа, најтешко е да се игра комедија и затоа, ќе речам, Тодоровски е нашиот најталентиран актер во поново време, зашто тој е збир од таленти, истакна Ристовски. За Тодоровски говореше и Благоја Чорески, кој рече дека да се говори за легенда како Гоце е тешко, но и лесно, а тој говореше за 40-те години во кои заедно се на сцената, театарска и филмска. Му порача дека задоволство е да се биде лауреат во Крива Паланка зашто овде, посочи, луѓето ги ценат вреднсотите. -„Пикица" и јас сме на штиците 40 години, така што сакам да говорам не за Гоце, туку за тоа кој сум јас кога со него заедно играм на сцената. Во „Викенд на мртовци", сцена од 5 минути ја направивме 35-40 минути, така што тоа наше заедништво ми е чест што трае се уште и радосен сум што денес сме тука заедно, рече Чорески. Лауреатот Тодоровски истакна дека покрај бројните добиени актерски награди, оваа му е исто така многу значајна и, во негов стил, се пошегува дека редно време било да му ја доделат. -Јас ви благодарам за се убаво што кажавте денес за мене, а кажавте многу. На мојата диплома пишува дипломиран актер, не комичар, но јас таа лична дарба за комедија сакав да ја надградувам и многу сум работел за да ја усовршам, за да бидам тоа што денес сум за што вие овде говоревте. Овде би сакал и да споделам една моја најубава случка кога по „Солунски патрдии" големиот Петре Прличко ме повика во театар и ми рече „сега можам на раат да умрам", рече Тодоровски. Меѓународниот театрски фестивал „Св.Јоаким Осоговски" во Крива Паланка е поддржан од Општина Крива Паланка и Минситерство за култура. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаШукова: Бараме одговорност за секоја една жена жртва на насилство Од Форумот на жени на СДСМ вечерва излегоа на протест пред СВР Охрид против насилствата врз жените.Побараа одговорност од насилниците и институциите и заштита за секоја жртва која била изложена на насилство. Претседателката на Форумот на жени на СДСМ, во име на насобраните, но и како што рече, во име на сите жртви на слични насилства, истакна дека насилството врз жените и фемицидите се сериозен општествен проблем, но дека проблемот не завршува со самиот чин на насилство, туку продолжува и во постапките што следуваат во текот на истрагата и судењето, каде, како што рече, се покажуваат сериозни системски недостатоци. – Бараме да има сериозна превенција за да се спречат нови облици на насилство и нови фемициди. Бараме одговорност и да нема политички влијанија во процесот на истрага и судење. Бараме секоја жртва да биде заштитена. На секое јавување на жртва на семејно насилство, институциите веднаш да реагираат – порача Шукова. Од семејството на Сара Ѓорѓиеска претходно порачаа дека нема да присуствуваат на протестот, но и дека се надеваат дека протестот нема да биде искористен за партиски цели ,туку ќе биде протест на граѓаните со цел да се подигне свеста за насилството против жените во земјава. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МетеоУтре променливо облачно со дневна температура од 17 до 21степенВремето утре според УХМР ќе биде променливо облачно со повремени локални врнежи од дожд а максималната температура ќе достигне од 17 до 21 степен.Променливо облачно со повремени локални врнежи од дожд. Ќе дува умерен до засилен, а наместа во западните делови повремено силен ветер од југозападен правец (над 80 km/h). Минималната температура ќе биде во интервал од 4 до 11, а максималната ќе достигне од 17 до 21 степен. Во Скопје, променливо облачно со повремени сончеви периоди. Кон крајот на денот ќе има услови за слаб дожд. Ќе дува слаб до умерен, а во делови од котлината повремено засилен ветер од јужен правец. Минималната температура ќе се спушти до 2, а максималната ќе достигне до 19 степени. ВРЕМЕТО ВО НАРЕДНИТЕ ДЕНОВИ Во следните денови ќе се задржи променливо облачно време со повремени локални врнежи од дожд со променлив интензитет. Под влијание на јужно воздушно струење до петок ќе биде релативно топло со температури кои ќе бидат над просекот за овој период од годината. Ќе дува умерен до засилен, а наместа во западните делови повремено силен ветер од југозападен правец (над 80 km/h). Од сабота температурите ќе бидат во опаѓање.Тагови: УХМР Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
Шоу бизСаша Ковачевиќ објави фотографии од родениот син: Гордиот татко не ја симнува насмевката од лицетоМегапопуларниот српски пејач Саша Ковачевиќ ги објави првите фотографии со наследникот од породилиштето.Зорана Тасовац, партнерката на пејачот Саша Ковачевиќ, се породи и роди здраво машко дете. Гордите родители го добија своето прво заедничко дете, а набргу потоа ја споделија радосната вест на социјалните мрежи. Саша сега објави фотографии со наследникот од породилиштето. Првата слика е направена веднаш по породувањето, додека на втората пејачот не ја симнува насмевката од лицето и позира со бебето во колевката. Тој го покри лицето на синот со емотикон во форма на срце, а глетката ги разнежни неговите следбеници. Ковачевиќ претходно откри дека за доаѓањето на бебето избрале приватна клиника и дека тој сакал да биде покрај Зоран за време на породувањето. „Сакам да бидам таму, како поддршка, но и за да ги почувствувам убавините на татковството уште од првата секунда кога тој ќе дојде на свет“, изјави пејачот.Тагови: Саша Ковачевиќ Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter