Автомобилизам

Аксел Лунд Свиндал со Порше 911 „се скија“ низ пустината во Мароко (ВИДЕО)

Како што се загрева сезоната на скијање, двократниот олимписки шампион Аксел Лунд Свиндал ужива во својата спортска пензија.

Откако двапати го освои големиот кристален глобус, земајќи го олимпиското злато во супервелеслалом (2010 година во Вистлер) и спуст (2018 година во Пјонгчанг) и дури пет пати беше светски шампион (од кои во четири последователни првенства, што досега не успеал ниту еднаш друг алпски скијач), веќе трета година го промовира скијањето, но не како спорт, туку како чисто задоволство.

Инаку, Норвежанецот ужива и во автомобилите Порше. Сега, среде пустина во Мароко, дојде со уникатниот модел 911 Дакар, кој е еден од најхрабрите деривати на овој легендарен модел. Да не заборавиме: Порше беше генерален победник на релито Париз-Дакар во 1984 година. Шестото издание на оваа позната трка го освои француската екипа Рене Метге и Доминик Лемојн, докажувајќи дека и суперспортските автомобили имаат шанса и во најнегостопримливи услови. Со ова ја започнаа популарноста на погонот на сите тркала во моделот 911.

Модерниот 911 Дакар е создаден како „омаж“ на ова достигнување. Направен во само 2.500 примероци, освен по специфичниот изглед, се истакнува и со зголеменото растојание од земјата за пет сантиметри. Суспензијата може да се подигне дополнителни три сантиметри, а потоа растојанието од подлогата и можноста за приближување до падините се слични на оние на конвенционалните SUV автомобили. Кога суспензијата е во највисоката положба, може да се достигне брзина од 170 km/h, додека над таа брзина суспензијата автоматски се враќа во почетната положба. Пневматиците Pirelli Scorpion All Terrain Plus со особено цврста конструкција и длабок профил ги задоволуваат барањата за возење надвор од патот.

Немало експериментирање со погонската единица: трилитарски боксер со два турбо полначи и 480 КС, со максимален вртежен момент од дури 570 Nm, што исто така обезбедува соодветни перформанси. Спринт до 100 km/h за 3,4 секунди, додека поради off-road пневматиците брзината е ограничена на 240 km/h.

Стандардниот менувач е осумстепен PDK менувач со, се разбира, погон на сите тркала. Сепак, способноста за терен е нагласена и со уникатните режими на работа: рели и теренски. Со првиот фокусот е на перформансите на макадам и слични терени, додека Offroad режимот успева да ја подигне суспензијата и да постигне максимални перформанси на тешки терени и песок.

Сепак, норвешката скијачка ѕвезда на дини не само што го возеше 911 Дакар туку се обиде и да скија на песок. Се разбира, обидот беше многу успешен.

Свет

Жена дошла во болница окована во синџири, на полицијата ѝ открила детали за ужасот

Неименуваната 40-годишна жена успеала да се оттргне од претходно осуден педофил од Шпанија и се појавила во болница со модринки на лицето и синџири околу вратот.

Лекарите од болницата „Свети Јаков“ останале во шок кога здогледале жена на која рацете и вратот ѝ биле врзани со синџири, објави Дејли Меил.

Имено, жената на полицијата ѝ рекла дека била во болница за да посети хоспитализиран пријател, а откако заминала, мажот ѝ понудил да ја повози до дома. По пат ѝ рекол дека мора да застанат кај неговата куќа за да ги земат потребните работи.

Ја повикал да влезе во неговата куќа, а откако ја затворил влезната врата, ја претепал до смрт, пишува Олив прес.

Исто така, жената изјавила дека се онесвестила од тепањето, а кога дошла на себе видела дека има синџири околу вратот и рацете. Напаѓачот се обидел да ја удави, а кога не успеал, почнал да ја навредува и тепа.

Жената успеала да побегне низ прозорецот кога оценила дека напаѓачот не гледа. За помош се обратила кај член на семејството кој веднаш ја однел во болница.

Осомничениот маж, претходно осуден педофил, по пријавата веднаш е уапсен, а моментално се наоѓа во притвор каде ќе го чека натамошна истрага за случајот.

Осомничениот и претходно бил осуден за киднапирање и малтретирање на деветгодишно девојче во Бургалеса, објавија локалните медиуми.

Живот

Ѝ посветил бизарна тетоважа на девојката, сите му се смеат- снимката има 13 милиони прегледи

Момче стана вирална сензација откако на TikTok се појави видео на кое се тетовира во студиото Betty Zoo Tattoo Studio во Копенхаген.

Момчето решило да направи уникатна тетоважа како почит кон својата девојка, а видеото е прегледано повеќе од 13 милиони пати.

На видеото може да видите како девојката го гризе за рака, а тетоважата потоа со мастило ги црта трагите од нејзиниот гриз. Резултатот е, хм, што е, и не требало многу време за луѓето да почнат да се потсмеваат во коментарите.

@bettyzootattoo Bite Mark tattoo #fyp #bf #tattoo #bitemarktattoo #foryou #trending #onthisday #fypviralシ ♬ My Love Mine All Mine - Mitski

„Која е најглупата тетоважа што можете да ја смислите? прашал тиктокер, а друг додал: „А што кога ќе раскинете?“

„Најглупавата идеја за тетоважа...сакам таква“, „Ова е навистина лоша идеја“, „Не можам да замислам полоша тетоважа“, „Едвард Кален би го сакал ова“, „Зошто?“, се некои од коментарите. Сепак, имало и такви на кои овој потег им бил „сладок“.

Забава

Иги Азалеа годинава заработи рекордни 48 милиони долари од разголени снимки на OnlyFans (ФОТО)

Од Бела Торн и Карди Би, до Кети Прајс и Дри де Матео од серијата Sopranos, има многу ѕвезди на OnlyFans, еротска платформа која беше основана во 2016 година.

Но, кој заработи најмногу оваа година? Можеби ќе бидете изненадени од она што го откри извештајот на LELO.

Поранешната девојка на Канје Вест, Амбер Роуз моментално е на петтото место и досега има заработено импресивни 26 милиони долари на платформата (каде што наплаќа месечна претплата од 5 долари).

Поранешната ѕвезда на Дизни, Торн заработи 32 милиони долари.

На третото место е Блек Чајна, која откако наплатуваше 19,99 долари месечно за гледање содржини, заработи 35 милиони долари - но ја деактивираше својата сметка во март.

На второ место е раперката Карди Би, која неодамна заработи дополнителни 10 милиони долари, со што нејзината вкупна заработка достигна неверојатни 45 милиони долари.

На прво место е австралиската раперка Иги Азалеа - која две години нема издадено нова музика.

Раперката досега заработила 48 милиони долари на OnlyFans, а тоа го направила за помалку од една година откако го отвори својот профил. 33-годишната раперка се приклучи на платформата дури во јануари, додека, на пример, Карди Б е на OnlyFans од 2020 година.

Други познати личности кои се на врвот на листата богати на OnlyFans се Тајга, Крис Браун и Остин Махон.

Зборувајќи за тоа кога се приклучи на OnlyFans претходно оваа година, Иги (вистинското име Аметист Амелија Кели) рече дека не знаела дека може да биде толку креативна на платформата. „Да се ​​признае, никогаш не знаев дека OnlyFans е место каде што можам да бидам креативна, па не очекував дека ќе работам со нив на мојот најголем проект досега“, изјави таа за Variety.

„Откако навлегов подлабоко во тоа што значи да се има OnlyFans, сфатив дека тоа е совршена платформа за лансирање на мултимедијален концепт“, додаде таа.

притисни ентер