Ако возeте со папучи, следува сериозна казна! Во една земја оваа одлука може скапо да ве чини - Канал 5

Автомобилизам

Ако возeте со папучи, следува сериозна казна! Во една земја оваа одлука може скапо да ве чини

За време на летните денови се менуваат и нашите возачки навики – зимските чевли се заменуваат со папучи, сандали или јапанки, а некои дури возат и боси.

Ако возeте со папучи, следува сериозна казна! Во една земја оваа одлука може скапо да ве чини

Иако тоа звучи безопасно, отворената обувка може да претставува сериозен ризик. Постојат шанси педалата да се заглави меѓу ѓонот и стапалото, а во кризна ситуација секунда е пресудна.

Европските авто-клубови ги истражиле правилата за возачка обувка низ континентот и откриле интересни разлики.

Во Белгија, Босна и Херцеговина, Данска, Финска и Луксембург – нема посебни ограничувања. Слично е и во Чешка, освен за возачите на јавен превоз, кои мора да носат затворена обувка.

Во Италија законот не ја забранува возењето во јапанки, но има „финта“: ако учествувате во сообраќајна несреќа, полицијата може да запише дека сте носеле несоодветна обувка, а осигурувањето тогаш може да одбие исплата.

Германија исто така нема експлицитна забрана, но законот налага возачот секогаш да биде способен безбедно да управува со возилото. Тоа се толкува како препорака да се избегнува обувка без заден потпор, како јапанки или папучи. Во случај на несреќа, осигурувањето може да ја намали надоместнината.

Во Шпанија ситуацијата е најстрога – возење во јапанки или боси се казнува со 80 евра. Во Словенија нема казна, но ќе ве предупредат да возите со патики или затворени чевли.

Во Унгарија и Холандија нема директна забрана, но во несреќа обувката може да биде фактор при утврдување на вината. Австрија има сличен пристап – нема казна, но ако полицијата процени дека несреќата можела да се избегне со поинаква обувка, може да се покрене постапка против возачот.

Велика Британија нема прецизно дефинирани правила, но законот бара обувка што овозможува безбедно управување со возилото – и казните се можни. Хрватска исто така нема строги правила, но апелира на совеста на возачите, пишува „Ревија HAK“.

Истражувањата покажуваат дека возење во јапанки ја забавува реакцијата и ја намалува силата на кочење, што може да биде пресудно за избегнување на несреќа. Покрај тоа, постои и реална опасност јапанката да се заглави за педалата – што може да биде кобно.

Тагови: Сообраќајните прекршоци влечки пребрзо возење

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Почина принцезата Астрид од Норвешка

Норвешката принцеза Астрид, постарата сестра на покојниот крал Харалд V, почина на 94-годишна возраст, соопшти кралската палата.

Почина принцезата Астрид од Норвешка

Нејзиниот брат Харалд почина минатиот месец на 89-годишна возраст, по повеќе од 35 години на тронот. Принцезата Астрид го имаше своето последно јавно појавување на неговиот погреб во среда.

Почина норвешката принцеза, сестра на кралот кој почина минатиот месец

„Принцезата Астрид го претставуваше кралското семејство на топол и совесен начин во текот на целиот нејзин долг живот“, изјави кралот Хакон VIII во соопштението.

Норвешка во среда одржа едноминутно молчење на погребот на Харалд V, современа личност која ги поврзуваше луѓето среде низа скандали што го означија крајот на неговото владеење. Значајни меѓу нив беа врските на неговата снаа Мете-Марит со покојниот сексуален престапник Џефри Епштајн и пресудата за силување на нејзиниот син Мариус Борг Хоиби.

Харалд се качи на престолот во 1991 година и беше најдолго владејачкиот монарх во Европа до неговата смрт. Тој секогаш одбиваше да абдицира и покрај бројните здравствени проблеми и беше исклучително популарен меѓу своите сограѓани.

Извор: Индекс.хр

Тагови: Норвешка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Времен режим на сообраќај на ГП „Делчево“

Од 10.09.2026 година, поради започнати градежни активности на патната инфраструктура во рамки на целосната реконструкција на Граничниот премин „Делчево“, воведен е времен режим на сообраќај.

Времен режим на сообраќај на ГП „Делчево“

За времетраење на градежните работи, сообраќајот за моторни возила на влез и излез од државата ќе се одвива по една сообраќајна лента во секој правец, поради што капацитетот за проток на возила на граничниот премин е намален и можни се подолги задржувања.

Апелираме до граѓаните, доколку се во можност, да ги користат соседните гранични премини, со цел да се избегнат подолги чекања и да се овозможи непречено одвивање на сообраќајот.

Ги замолуваме сите учесници во сообраќајот за трпение, внимателно возење и почитување на поставената сообраќајна сигнализација и насоките на надлежните служби.

Тагови: ГП „Делчево“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 10 возачи за „безобѕирно управување возило“

Девет возеле без возачка дозвола и еден за време на активна забрана.

Лишени од слобода 10 возачи за „безобѕирно управување возило“

Во текот на изминатото деноноќие, на различни локации во државата, полициски службеници лишија од слобода 10 возачи поради сторено кривично дело „безобѕирно управување возило“ по член 297-а од Кривичниот законик.

Од нив, девет управувале возило без положен возачки испит и тоа: Б.Б.(26), А.Д.Ј.К.(19), Х.И.(20) и Б.Д.(21) од Скопје, Х.С.(49) и Ј.А.(49) од Тетово, У.М.(35) од Виница, И.Т.(48) од Кочани и Д.А.(29) од Македонска Каменица. Од слобода е лишен и С.М.(47) од Кочани затоа што возел за време на активна забрана. По целосно документирање на случаите, ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер