Живот

Ако сакате да доживеете стотка, усвојте неколку едноставни навики!

Очекуваниот животен век денес е 79 години, што е голем напредок во споредба со периодот пред сто години кога жените живееле во просек до 60, а мажите до 57 години.

Сепак, 54 проценти од луѓето сонуваат да доживеат до сто години. Според некои експерти, меѓу кои и специјалистот и професор по геријатрија д-р Наушир Пандја и геријатрискиот лекар д-р Гари Смол, тајната на долговечноста не мора да вклучува скапи и ексклузивни третмани - многу зависи од секојдневните навики, особено од тоа како го започнуваме денот. Затоа, тие споделија пет навики на луѓето кои живеат до сто години.

Тие стануваат рано.

Д-р Пандја објаснува дека луѓето кои живеат долго време честопати стануваат рано, штом ќе се раздени, но затоа си легнуваат порано и спијат седум до девет часа секоја ноќ. „Спиењето е клучно за сите, но особено за постарите лица“, нагласува тaa за „Парада“. Д-р Смол додава: „За време на спиењето, мозокот ги чисти акумулираните отпадни производи и го отстранува амилоидот, протеин поврзан со Алцхајмеровата болест.“

Тие пијат вода веднаш штом ќе се разбудат

Д-р Пандја истакнува дека многу стогодишници го започнуваат денот со неколку чаши топла вода или вода со лимон. „Тие се многу внимателни во врска со хидратацијата“, вели таа. Редовната хидратација помага во одржувањето на здравјето на срцето, белите дробови и генерално, го забавува биолошкото стареење.

Тие си оставаат време за размислување

Според д-р Пандја, многу луѓе кои доживуваат поодмината возраст, наутро одвојуваат време за размислување. Наместо веднаш да посегнат по мобилниот телефон или да се предадат на стресот, тие одвојуваат неколку минути, на пример, за молитва или медитација. „Тоа е време да се „приберете“ и да им дозволите на вашето тело и ум да се смират пред да го започнете денот“, објаснува таа.

Наутро веднаш се движат

„Некои од луѓето кои доживуваат стока, наутро седат во дворот, некои се истегнуваат пред и по туширањето, а многумина се одлучуваат за опуштена прошетка“, вели д-р Пандја.

Д-р Смол препорачува: „Правете нешто секој ден, како на пример, прошетка со пријателот, бидејќи зборувањето додека одите ги активира невронските кола кои помагаат во намалувањето на нивото на стрес“.

Генетиката игра улога, но не е одлучувачка

Иако генетиката игра важна улога во долговечноста, таа не е пресудна. „Една третина од долговечноста се базира на генетиката. Сепак, важно е да се фокусираме на она што можеме да го контролираме. Околината што ја создаваме и животните навики што ги усвојуваме можат да ни дадат предност во долговечноста“, заклучува д-р Пандија.

Шоу биз

Актерката позната по хит серијата од 90-тите се разведува по 18 години брак

Кортни Торн-Смит, позната по улогата во серијата од 90-тите „Мелроуз Плејс“, поднесе барање за развод од сопругот Роџер Фишман по 18 години брак.

Како што откри американското списание „Пипл“, Торн-Смит (57) ги поднела документите без адвокат, наведувајќи „непомирливи разлики“ како причина за разводот.

Тие имаат син

Актерката побарала заедничко старателство над својот 17-годишен син, Џејкоб Емерсон.

Двојката се венчала на 1 јануари 2007 година, а според судските документи, тие живеат одвоено од септември 2021 година. Ова бил втор брак на Кортни Торн-Смит. Таа првпат била во брак со генетичарот Ендру Конрад од 2000 до 2001 година, со кого немала деца.

Нејзината кариера

Нејзината кариера започна во средината на 80-тите години, а таа се прослави со улогата на Алисон Паркер во серијата „Мелроуз Плејс“, каде што глумеше во 163 епизоди. Таа улога ѝ го донесе статусот на една од најпрепознатливите ТВ актерки од таа деценија.

После тоа, таа ја постигна значајната улога на Џорџи Јорк во серијата „Али МекБил“, каде што глумеше од 1997 до 2002 година. Нејзиниот лик беше спротивен на ексцентричната Али, што дополнително го истакна актерскиот опсег на Торн-Смит. Публиката ја памети и како Шерил од долгогодишната ситком серија „Како ќе каже Џим“, во која глумеше заедно со Џим Белуши од 2001 до 2009 година. Таа серија беше голем хит во американскиот ударен термин и се емитуваше цели осум сезони.

Покрај телевизијата, таа се појави во неколку филмови.

Покрај глумата, таа се занимаваше и со пишување - во 2007 година го објави романот „ Outside In “, лесна фикција за животот на една млада жена во Холивуд.

Извор: Индекс.хр

Фудбал

Милан бара од 15 до 18 милиони евра за Мората

Италијанскиот фудбалски гигант Милан одреди цена за својот напаѓач Алваро Мората, а заинтересираните клубови ќе мора да платат помеѓу 15 и 18 милиони евра за неговите услуги, објавија денеска италијанските медиуми.

Милан ја одреди цената по шпекулациите дека Комо е заинтересиран за Мората.

Мората е на позајмица во турскиот шампион Галатасарај до јануари 2026 година.

Медиумите наведуваат дека Милан ќесе обиде да го ангажира Мојзе Кин од Фиорентина и оти откупната клаузула која ќе се активира на 1 јули изнесува 52 милиони евра.

Манчестер Јунајтед, исто така, е заинтересиран за напаѓачот на Фиорентина.

Изминатата сезона Кин ја заврши на второто место на листата на стрелци о 19 голови./МИА

Тагови: Милан Мората

Свет

Утре вонреден состанок на МААЕ поради нападите на САД врз иранските објекти

-Со оглед на сè посериозната ситуација во врска со нуклеарната безбедност, Одборот на гувернери ќе се состане на вонредна седница утре, на која ќе зборувам, рече Гроси.

Генералниот директор на Меѓународната агенција за атомска енергија (МААЕ), Рафаел Маријано Гроси, денеска објави дека ќе свика вонреден состанок на Одборот на гувернери на МААЕ утре во 10 часот во седиштето на агенцијата во ОН во Виена поради „вонредната ситуација“ во Иран „по најновите напади врз нуклеарните објекти“, се вели на веб-страницата на организацијата.

-Со оглед на сè посериозната ситуација во врска со нуклеарната безбедност, Одборот на гувернери ќе се состане на вонредна седница утре, на која ќе зборувам, рече Гроси.

Генералниот директор рече дека иранските регулаторни власти ја информирале МААЕ дека нема зголемување на нивоата на зрачење надвор од тие локации по неодамнешните напади врз три ирански нуклеарни објекти, вклучувајќи го и објектот за збогатување ураниум во Фордо.

-Не очекуваме никакви здравствени последици за луѓето или животната средина надвор од целните локации, рече тој. „Ќе продолжиме да ја следиме и проценуваме ситуацијата во Иран и ќе обезбедиме дополнителни информации штом ќе бидат достапни“, рече Гроси.

Според најновите информации потврдени од МААЕ пред почетокот на израелскиот напад врз Иран на 13 јуни, трите локации што беа цел на САД синоќа - вклучувајќи ги Исфахан и Натанц - содржеа нуклеарен материјал во форма на ураниум збогатен до различен степен, што може да предизвика радиоактивна и хемиска контаминација во објектите што беа погодени, соопшти МААЕ.

Тагови: Иран МААЕ САД