Живот

Ако околу очите ја забележите оваа промена, посетете го вашиот лекар!

Бојата на лицето открива сè за вашето здравје...

Фармацевтот Ниам Мекмилан предупредува на кои состојби посебно треба да обратите внимание и нагласува ништо да не се зема здраво за готово.

Кога се срамите од нешто или ви е непријатно во некоја ситуација, тоа веднаш ќе се забележува на вашето лице - поцрвенувате како булка и посакувате да пропаднете во земја. Сепак, на лицето може да се забележат многу посериозни работи - од замор до вирусни инфекции или проблеми со притисокот.

Фармацевтот Ниам Мекмилан напоменува дека ненадејните промени во бојата на лицето може да бидат знак за сериозни здравствени проблеми, па затоа е важно штом ќе ги забележите, веднаш да реагирате.

Зеленкасто лице

Зеленикавите траги на лицето може да бидат знак за мачнина, која често е предизвикана од анксиозност, вирусна инфекција или мачнина во текот на возењето.

- Поретко на кожата се појавува сино-сиво-зелена нијанса што укажува на цијаноза. Тоа е поврзано со проблеми со срцето и проблеми со дишењето. Цијанозата е медицинска состојба која се манифестира така што кожата, усните или ноктите стануваат синкасти, што е резултат на недостаток на кислород во крвотокот - објаснува Мекмилан.

Меѓутоа, ако некој е само вознемирен, веројатно сè ќе помине само од себе.

- Но, ако зеленкавите траги постојано се враќаат, треба да се јавите на лекар - предупредува овој експерт.

Бледо или бело

Бледото лице често е знак за анемија и обично е придружено со замор, вртоглавица и несвестица.

– Ненадејното бледило на лицето може да укаува на низок крвен притисок, дехидрација, па дури и шок – истакнува Мекмилан.

Жолтеникаво лице

Жолтеникавата кожа, особено околу очите е знак за жолтица. Тоа е поврзано со проблеми со црниот дроб и жолчните канали, кои потенцијално можат да предизвикаат хепатитис или камен во жолчката. Исто така, може да се јави и како последица на несакано дејство на лекови.

- Овие знаци мора да се сфатат крајно сериозно - предупредува тој.

Црвено или зацрвенето лице

Црвенилото на лицето обично е безопасно и може да биде предизвикано од топлина, вежбање или интензивни емоции. Меѓутоа, ако трае подолго, може да укажува на висок крвен притисок и розацеа.

– Ненадејната појава на црвенило, особено ако се потите и имате проблеми со отежнато дишење, може во екстремни случаи да биде показател на канцерогени состојби – заклучил Мекмилан, а пишува Сан (The Sun).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Борбени авиони на НАТО соборија беспилотно летало над Литванија

Борбени авиони на НАТО соборија беспилотно летало над Литванија откако беше издадено предупредување за главниот град Вилнус и околниот регион.

Леталото во Литванија дошло од соседна Белорусија и се движело кон запад.

Гитанас Науседа, претседателот на Литванија, утринава објави: „Беспилотно летало што штотуку навлезе во литванскиот воздушен простор беше уништено од борбени авиони на НАТО. Со оглед на тоа што Русија ја засилува агресијата врз Украина, ваквата подготвеност е од витално значење за нашиот регион.“

Во меѓувреме, Полска ги активираше своите воздухопловни сили како превентивна мерка поради руските напади со беспилотни летала врз Украина. Вчера полската војска извлече сомнително руско беспилотно летало од морето кај балтичкиот брег во северна Полска.

Литванија, Латвија и Естонија – сите членки на НАТО на границата со Русија – постојано се соочуваат со навлегувања на беспилотни летала на нивните територии откако Москва ја започна војната против украина.

Тагови: дрон НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп изјави дека веќе нема напади врз енергетски цели, Русите погодија бензинска во Киев

Руски дрон погоди бензинска пумпа во украинскиот главен град Киев рано утринава, изјави градоначалникот Виталиј Кличко .

Руски дрон погоди бензинска пумпа во украинскиот главен град Киев рано утринава, изјави градоначалникот Виталиј Кличко – само еден ден откако американскиот претседател Доналд Трамп изјави дека Украина и Русија се договориле да не ја напаѓаат енергетската инфраструктура на другата страна.

Во нападот е повредено едно лице, а погодени се и магацини во друг дел од градот, соопшти Кличко на Телеграм.

Сведок на Ројтерс слушнал експлозија во Киев.

Погодени бензинска пумпа и магацини, Русија неодамна почна да ги напаѓа бензинските пумпи во Киев, со што го прошири опсегот на своите цели.

russian terrorists have already attacked two gas stations in Kyiv this morning. This is the fucking “nuclear power” the world is so afraid of. A country 28 times larger, reduced to terrorizing gas stations in Ukraine’s capital. This is russia’s “great power.” https://t.co/eSi7IISRBL
— UAVoyager🇺🇦 (@CrimeanVoyager) September 15, 2026

Според украинските власти, Русија погодила околу 300 бензински пумпи во изминатите неколку месеци, главно во областите долж или во близина на линијата на фронтот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кратовец осомничен дека прободел со нож полициски службеник

Кумановското обвинителство ќе спроведе истрага против 40-ет годишен кратовец заради напад со нож на полициски службеник при интервенција.

Според обвинителството, осомничениот на 11 септември нападнал службени лица при вршење работи на јавната безбедност поврзани со спречување кривично дело.

Кога двајца полицајци употребиле сила за да ја отворат заклучената врата од собата во која се наоѓал осомничениот, тој ги нападнал. При нападот, на еден од полициските службеници со нож му нанел тешки телесни повреди, меѓу кои прободна рана и посекотина.

Поради опасност од бегство и можност осомничениот да го повтори делото, јавниот обвинител до судијата на претходна постапка доставил предлог за определување мерка притвор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.