ЖивотАкадемска слобода под притисок: Харвард и Колумбија се спротивставуваат на федералните меркиПретседателот на Универзитетот Харвард, Алан Гарбер, во јавно писмо изјави дека оваа приватна високообразовна институција се спротивставува на барањата на американското Министерство за образование.Претседателот на Универзитетот Харвард, Алан Гарбер, во јавно писмо изјави дека оваа приватна високообразовна институција се спротивставува на барањата на американското Министерство за образование, оценувајќи дека тие ги загрозуваат темелните вредности на универзитетот. – Ниту една влада, без разлика која партија е на власт, не треба да диктира што приватните универзитети можат да предаваат, кого можат да примат и вработат, ниту кои области на студии и истражувања можат да ги спроведуваат – напиша Гарбер. Изјавата доаѓа како одговор на писмо што Министерството за образование го испратило до Харвард пред четири дена, со кое бара укинување на програмите за разновидност, еднаквост и инклузија, покренување ревизии на повеќе академски оддели, како и проценка на политиките за финансирање. Гарбер нагласи дека ваквите барања претставуваат „притисок надвор од уставните рамки“ и предупреди дека тие се закана за академската слобода и слободата на говор. Администрацијата на американскиот претседател Доналд Трамп веќе замрзна стотици милиони долари во сојузно финансирање на повеќе универзитети, меѓу кои и Харвард, наведувајќи го како причина неуспехот во борбата против антисемитизмот на универзитетските кампуси. Портпаролот на Белата куќа, Харисон Филдс, изјави дека Трамп „работи на тоа високото образование повторно да стане големо“, со ставање крај на „неконтролираниот антисемитизам“ и осигурување дека даночните средства не поддржуваат расна дискриминација или политички мотивирано насилство. Минатата недела, група професори од Харвард поднесе тужба против сојузната Влада со цел да се блокира ревизијата на речиси девет милијарди долари сојузни договори и грантови доделени на универзитетот. Проблемот се продлабочи по минатогодишните пропалестински студентски протести на неколку универзитети, меѓу кои и Харвард и Колумбија, кои беа реакција на израелските напади во Газа по нападот на Хамас врз Израел во октомври 2023 година. И Универзитетот Колумбија се соочува со слични притисоци. Според американски медиуми, администрацијата на Трамп размислува да наметне правно обврзувачки указ со кој Колумбија ќе мора да ги следи сојузните насоки во однос на борбата против антисемитизмот. И таму, дел од академскиот кадар покрена тужба против сојузната администрација. Веќе се прекинати околу 400 милиони долари сојузно финансирање за Колумбија. Претседателот на Харвард, Гарбер, рече дека барањата на сојузната влада да ги ревидира ставовите на своите студенти, наставници и персонал за да се откријат оние со левичарска ориентација кои генерално се противат на администрацијата на Трамп, јасно ги кршат правата на универзитетот на слобода на говор загарантирани со Првиот амандман. „Универзитетот нема да се откаже од својата независност и своите уставни права“, напиша Гарбер. Тој додаде дека, иако Харвард презема чекори за решавање на проблемите со антисемитизмот на кампусот, овие цели нема да се постигнат со тврдења за моќ, независни од законот, за да се контролира наставата и учењето на Харвард и да се диктира начинот на кој функционира. Харвард во јануари се согласи да обезбеди дополнителна заштита за еврејските студенти во рамките на спогодба со која беа решени две тужби што го обвинуваа престижниот универзитет дека станал жариште на антисемитизам. За да ублажи каков било финансиски проблем предизвикан од прекинот на сојузното финансирање, Харвард работи на земање заем од 750 милиони долари од Волстрит.Тагови: Доналд Трамп Харвард Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вести30 дена притвор за четворицата обвинети за тендерот во Царина, меѓу кои Стефан Богоев22:53Обвинителството бара притвор за четворицата, меѓу кои и Стефан Богоев- можна е вмешаност и на други лица 20:22Екс директорот на Царина, Стефан Богоев во Кривичен суд поради злоупотреби на јавни набавки 18:20Побаран притвор за четворицата приведени за злоупoтреба на тендери во Царина15:00ОЈО ГОК : Отворена истрага за злоупотреби во постапки за јавни набавки во Царинската управа14:03
Обвинителството бара притвор за четворицата, меѓу кои и Стефан Богоев- можна е вмешаност и на други лица 20:22
МакедонијаДелови од Бутел и Карпош денеска без струјаОд ЕВН Македонија АД известуваат дека денеска без електрична енергија ќе останат:– во периодот од 08.00 до 12.00 часот, корисниците од улицата Костурска ,ул. Тале Христов Слога, Клиника ВФВ и Санте плус 3, општина Бутел; – во периодот од 09.00 до 14.00 часот, корисниците од улица Франце Прешер околу објект 141, општина Карпош; – во периодот од 12.00 до 14.00 часот, корисниците од Бул. Босна и Херцеговина и ул.Боро Менков, општина Бутел.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вести30 дена притвор за четворицата обвинети за тендерот во Царина, меѓу кои Стефан Богоев22:53Обвинителството бара притвор за четворицата, меѓу кои и Стефан Богоев- можна е вмешаност и на други лица 20:22Екс директорот на Царина, Стефан Богоев во Кривичен суд поради злоупотреби на јавни набавки 18:20Побаран притвор за четворицата приведени за злоупoтреба на тендери во Царина15:00ОЈО ГОК : Отворена истрага за злоупотреби во постапки за јавни набавки во Царинската управа14:03
Обвинителството бара притвор за четворицата, меѓу кои и Стефан Богоев- можна е вмешаност и на други лица 20:22
МетеоПроменливо облачно со повремен дожд и грмежиВремето денеска ќе биде променливо облачно со повремени врнежи од дожд, локално проследени со грмежи. Наместа процесите ќе бидат поинтензивни во форма на невреме со пообилен пороен дожд (20 литри на метар квадратен), електрични празнења, силен ветер и појава на град. Минималната температура ќе биде во интервал од 9 до 16, а максималната ќе достигне од 21 до 29 степени, информира Управата за хидрометеоролошки работи (УХМР). Во Скопје, променливо облачно со повремени врнежи од дожд. Во делови од котлината ќе има поинтензивни процеси во форма на невреме со интензивен пороен дожд, електрични празнења, силен ветер и изолирана појава на град. Минималната температура ќе се спушти до 14, а максималната ќе достигне до 27 степени. – Во следните денови ќе се задржи променливо облачно време со сончеви периоди во текот на денот. В сабота и в понеделник повторно се очекуваат поинтензивни процеси со пообилен пороен дожд, грмежи, засилен ветер и локално невреме – најави УХМР.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
ХороскопДневен хороскоп за 4. јуни 2026 годинаДневен хороскоп за четврток, 4. јуни 2026 година. Близнаци 21.5.-21.6. Љубов Ќе копнеете консвојот љубовен идеал, но како што ќе минува денот , така ќе бидете свесни дека тој е далеку од вас. Кариера Ќе чувствувате преодна потреба да се повлечете , па ако е некако можно ќе се обидете да делувате од сенка. Здравје и совет Грижите што ќе се појават се обична илузија. Рак 22.6-22.7. Љубов Доколку излезете, има голема веројатностубаво да си поминете. Сепак , внимавајте што зборувате за да не направите збрка. Кариера На работното место нема да бидете кој знае колку ангажирани. Се ќе одработите рутински и ќе ви недостига мотив. Здравје и совет Вежбајте јога за подобра концентрација. Лав 23.7-22.8. Љубов На моменти ќе имате потреба да пресечете и да избегнете некои напори или мали проблеми во врската, но тоа нема да биде потребно. Се е во ред. Кариера Мали недоразбирања во односите со соработниците ќе имаат преоден карактер, па не им придавајте значење. Здравје и совет Останете мирни. Девица 23.8.-23.9. Љубов Вашиот партнер ќе покажува потреба за повеќе нежности , па без проблеми ќе го направите тоа. Добро е. Кариера Повремено во главата ќе си ги анализирате претходните работни денови и предизвиците што сте успеале да ги совладате. Потоа ќе се опуштите. Здравје и совет Вежбајте на отворено. Вага 24.9.-23.10 Љубов Ќе имате потреба да ги покажете своите емоции и ќе ја доживеете саканата личност на нов начин. Ќе има малку немир ,но врската е во ред. Кариера Ве очекува непромиослено однесување на вашите надредени , поради што ќе се чувствувате повредени. Здравје и совет Не ги земајте работите при срце. Ќе помине. Шкорпија 24.10-22.11. Љубов Денеска наоѓате вистински начин некому да ги покажете своите чувства , било да станува збор за погледи или само за зборови. Кариера Поради добро завршената работа , некои денеска би биле малку под заштита и пуштени дома пред крајот на работното време. Здравје и совет Имате право да уживате. Стрелец 23.11.-21.12. Љубов Вашиот стил на забава надалеку е познат по оригиналноста. Денеска дури и ќе претерате. Кариера Можно е дека ќе изјавите нешто што ќе повреди некого од вашите колеги. Затоа контролирајте си го јазикот. Здравје и совет Бидете умерени. Јарец 22.12.-20.1. Љубов Денот е идеален за да останете дома , било во двојка или сами. Многумина нема да сакаат да излезат со друштво. Кариера Со олеснување ќе го прифатите фактот дека се наближува викендот. Тоа ќе ви ги олесни работните часови. Здравје и совет Наспијте се добро. Водолија 21.1.-19.2. Љубов Некои денеска би можеле да се покажат како вистински сонувачи. Ќе сонуваат за љубовта што ја нема или ќе ги малтретираат другите со такви приказни. Кариера Кога ќе ги сведете сите сметки , ќе видите дека има нови трошоци , но и нови добивки. Пак сте на исто , не се нервирајте. Здравје и совет Одморете се. Риби 20.2.- 20.3. Љубов Ќе дојде до мало подобрување на вашите лични односи, но и натаму тешко ќе наоѓате вистински зборови во комуникацијата со партнерот. Кариера За да ги ослободите новите идеи , поврзете се со младите соработници . Тие ќе ви помогнат за да се изразите. Здравје и совет Следете ги своите сништа. Овен 21.3-20.4. Љубов Повторно ќе најдете рамнотежа во личните односи . На некои во тоа ќе им помогнат пријателите. Саканата личност сепак ве сака. Кариера На работното место ќе чувствувате мир и стабилност. Тајните остануваат за некој друг да ги решава. Здравје и совет Продолжете да го градите започнатото. Бик 21.4- 20.5. Љубов Веројатно ќе ја споите саканата личност со друштвото и така ќе минете една убава вечер или попладне. Кариера Веќе ништо поврзано со работата нема да ве загрижува. Вашите задачи ви се целосно јасни и тоа ви е доволно. Здравје и совет Вежбајте гимнастика.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook