Македонија

Ахмети по повод Денот на независноста: Албанците сакаат унитарна, еднаква држава, интегрирана во НАТО и ЕУ

Годишнината од прогласувањето на независноста на Македонија е секогаш повод да рефлектираме за тоа како беше, како е и како треба да биде, се наведува во обраќањето на претседателот на ДУИ Али Ахмети по повод Денота на независноста - 8 Септември.

Уставот од 1974 година беше изменет во 1989 еднострано, со што Албанците беа лишени од државотворниот статус и овој момент претставува застојна пресвртница во земјата.

Потоа, во 1991 година, Албанците повторно беа исклучени и не беа дел од процесот на осамостојувањето на Македонија од поранешна Југославија, ниту пак беа акционери во изградбата на новата држава.

Така, беше изготвен дискриминаторски устав со кој се промовираше етничката супериорност на мнозинството врз Албанците и нивните заедници.

Во тоа време, неодговорни политичари го пропагираа архаичниот наратив „Македонија на Македонците“.

Се пропагираше постојаната невистина дека злото на земјата доаѓа од Албанците.

Тие владееја неодговорно преку инсталирање на непостоечки страв од „опасноста што и се заканува” на земјата од Албанците.

Овие погрешни политики завршија во 2001 година, кога Албанците и Македонците се здружија за да ја обноват Македонија, рамноправна и евроатлантска, преку спроведување на Охридскиот мировен договор, гарантиран од Соединетите Американски Држави и Европската Унија.

Новиот Устав, со сите политички препреки низ годините, беше основа за рамноправност, етничка, јазична, културна, образовна, со почитување на националните симболи и со распределба на општествените одговорности.

Овој нов начин на размислување, на соживот, взаемно почитување и еднаквост, го спроведе Охридскиот договор, ја придружи земјата во НАТО и ги започна преговорите за членство во Европската Унија.

Но, сограѓани, денес сведочиме заедно дека не само што се враќаме само на истиот наратив, туку и на секојдневни делувања, кои што го поткопуваат соживотот и Охридскиот Договор, меѓуетничките односи, еднаквоста и досегашните заеднички достигнувања.

Моменталните партиски придобивки со антиалбанска кампања претставуваат неуспех за заедничката држава.

Партијата добива, државата губи!

Почитувани Македонци, никаква опасност, на ниту еден Македонец, а уште помалку на нашата држава, не и се заканува од еднаквоста со Албанците.

Повторувам, Албанците сакаат унитарна, еднаква држава, интегрирана во НАТО и Европската Унија.

Сè друго што го слушате постојано од Македонската политичка елита, е невистина.

Оваа годишнина, ги поканувам македонските политички лидери од целиот политички спектар да ја напуштат политиката на инсталирање на погрешна перцепција кај Македонците за Албанците и соживотот, да демонстрираат лидерство, да се вратат на патот на почитувањето на политичката волја на нивните сограѓани Албанци на избори, да се залагаат за еднаквост и спроведување на духот на Охридскиот договор и заедно да го следиме европскиот пат.

Обраќањето на Али Ахмети, Претседател на ДУИ, по повод Денот на независноста, 8 Септември

Демократска унија за интеграција

Тагови: Ахмети

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Филмски грабеж во Словенија- од комбе за превоз на пари украле 100.000 евра, полицијата во потера

Разбојници во Изола во словенечка Истра украле голема сума пари од комбе бидејќи тоа утро собирале приходи од продавници, што е повеќе од вообичаено со оглед на тоа што моментално е главната летна туристичка сезона.

Неофицијално, акцијата се одвивала како во филм, објави 24 Ур.

Комбето што ги транспортирало парите било паркирано пред влезот на голема продавница. Потоа, чуварите влегле во просторијата на задниот дел од продавницата, каде што се наоѓа голем сеф.

Во тој момент, наводно, се случила брз грабеж во комбето преку страната на возачот на возилото. Од ова може да се заклучи дека чуварите биле набљудувани долго време, а планот бил добро подготвен.

Полициската управа во Копер потврди дека се украдени повеќе од 100.000 евра. Иако брзо биле поставени сообраќајни блокади, сè уште не е откриено кој го зел богатиот плен. Полициската управа во Копер побарала од полициите од соседните земји да ги пронајдат сторителите.

Тагови: грабеж Комбе

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Огромна кражба во подстаницата Драчево, вредна 5 милиони евра- уништена е железничката инфраструктура

Во електровлечната подстаница Драчево, лоцирана помеѓу железничките станици Лисиче и Драчево, е извршена кражба од големи размери.

Во електровлечната подстаница Драчево, лоцирана помеѓу железничките станици Лисиче и Драчево, е извршена кражба од големи размери, при што е предизвикано целосно уништување на значаен дел од електроенергетската опрема на железничката инфраструктура.

При кражбата биле насилно превртени два големи електроенергетски трансформатори, секој со тежина од над 30 тони. Од трансформаторите било испуштено и истурено трансформаторското масло, додека бакарните намотки и другите вредни компоненти биле целосно отстранети и украдени.

Од подстаницата се украдени бакарни жици, бакарни шини и прачки, како и практично сите уреди и елементи неопходни за нејзиното функционирање. Со ваквото противправно дејствие, објектот е доведен во состојба на целосна нефункционалност.

Според првичната проценка, директната материјална штета изнесува околу 5 милиони евра.

Овој настан не претставува само кражба на бакар и опрема, туку тежок напад врз критичната железничка инфраструктура и врз имотот на државата и граѓаните.

Оштетувањето на објекти од ваков вид може да предизвика сериозни последици за безбедноста, стабилноста и редовното функционирање на железничкиот сообраќај.

Апелираме до надлежните институции случајот да биде темелно и итно истражен, сторителите и сите лица вклучени во кражбата, транспортот и понатамошното отуѓување на украдените материјали да бидат идентификувани и да понесат соодветна одговорност.

ЈП МЖ Инфраструктура

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Малолетник со убодна рана донесен во болница, тврди дека бил повреден при игра

15 годишник со убодна рана во градниот кош ноќеска бил донесен во Градската болница Св. Наум Охридски во Скопје.

Од МВР информираат дека во еден часот и 12 минути по полноќ од болницата било пријавено дека кај нив со повреди од остар предмет на градниот кош бил донесен 15-годишник од Скопје.

Во разговор со полициски службеници тој изјавил дека бил повреден во населбата Гази Баба од малолетник кој го познавал, но дека бил повреден при игра без намера да се случи повредата.. Полицијата презема мерки за расчистување на овој случај.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.