Агенциите за филм и за аудио и аудиовизуелни медиуми ќе ја прошират соработката - Канал 5

Култура

Агенциите за филм и за аудио и аудиовизуелни медиуми ќе ја прошират соработката

Побрза и поефикаасна комуникација и соработка, од која корист ќе имаат и радиодифузерите и гледачите ќе овозможи Меморандумот за соработка помеѓу Агенцијата за филм на Република Македонија и Агенцијата за аудио и аудиовизуелни медиумски услуги.

Агенциите за филм и за аудио и аудиовизуелни медиуми ќе ја прошират соработката
Докуменот денеска го потпишаа директорите на Агенцијата за филм и на Агенцијата за аудио и аудиовизуелни медиумски услуги Дарко Башески и Зоран Трајчевски.

Според Трајчевски, оваа соработка сигурно ќе биде интересна за радиодифузерите во земјава, бидејќи ќе се олесни можноста да ја остварат својата обврска да емитуваат изворно создадена програма и дела од независни продуценти.

- Денеска со Агенцијата за филм се договараме како да го поддржиме телевизиското емитување на филмски проекти и на оние кои веќе постојат, но и на новите, секако со почитување на авторските права и како да ја популаризираме можноста да се конкура за продукција на ТВ-проекти при што, доколку се исполнат одредени критериуми може дел од вложените средства да се вратат, рече Трајчевски.

Тој потсети дека обврската да ја класифицираат програмата според возраста и времето на прикажување, покрај телевизиите, од неодамна важи и за филмовите за кинематографско прикажување. Во таа насока, нивната соработка, меѓу другото, ќе биде и кон натамошно унифицирање на овој процес на категоризација, која треба да биде решена со нов подзаконски акт за класификација на програмите, на кој ќе му претходи јавна распарава.

Башески посочи дека целта е, согласно законските обврски на двете институции, чии дејности се преклопуваат, да ги користат заедничките ресурси и да разменуваат информации побрзо за да постигнеме и подобра циркулација на аудиовизуелните услуги и публиката да има што поголем пристап до филмовите коишто ги произведуваме, но исто така и кон оние европските кои што можат полесно да дојдат до Македонија.

- Агенцијата за филм оваа година почнува со евиденција на филмови кои што се дистрибуираат во Македонија, кои што се снимаат во Македонија и е во подготовка изработка на он-лајн дата база на која ќе бидат достапни информациите за сите филмови кои што дистрибутерите од Македонија ги дистрибуираат во Македонија и оние кои што сакаат да ги прикажуваат ќе можат лесно да видат кои филмови се веќе достапни за прокажување, со кој рок на права, на колку години...Информациите коишто заедно ги имаме, ќе ги споделуваме и ТВ-куќите и киноприкажувачите лесно ќе можат да дојдат до такви инфирмации кои филмови се веќе достапни на нашиот пазар, за да можат полесно и побрзо да ги набават, појасни Башески.

Тој информира и за една нова иницијатива за формирање регионален фонд за филмови во која, на негов предлог, треба да бидат вклучени и националните телевизиски куќи од шест држави во регионот, со цел да се олесни дистрибуцијата на филмовите кои ќе добиваат поддршка од тој фонд.

Со новиот Закон за аудио и аудиовизуелни медиусмки услуги, националните радиодифузери имаат обврска годишно да произведуваат 20 часа играна и 10 часа документарна програма. Дел од вложените средства нив ќе им бидат вратени, според правилникот, кој ќе биде изработен од Министерството за информатично општество што наскоро треба да го усвои Владата, а средствата ќе се обезбедуваат од буџетот на државата. Се очекува експерти на Агенцијата за филм да бидат вклучени во оценувањето на играно-дкументарната програма од домашно производство на националните ТВ-куќи, за тоа дали ги исполнува критериумите за поврат на средствата./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Новата снимка од Мараја Кери предизвика загриженост, фановите коментираат

Снимка од Мараја Кери во Бразил предизвика загриженост кај нејзините обожаватели.

Новата снимка од Мараја Кери предизвика загриженост, фановите коментираат

На социјалните мрежи, луѓето почнаа да се прашуваат дали сè е во ред со 57-годишната пејачка, откако видео од нејзино јавно појавување покажа дека таа се движи малку нестабилно додека излегува од автомобил.

За време на престојот во Бразил, пејачката делеше автограми и се фотографираше со фановите кои се собраа да ја поздрават, држејќи транспаренти. Иако изгледаше добро расположена, некои гледачи забележаа дека ѝ треперат рацете и дека чекори несигурно. Снимката беше објавена на „TikTok“.

Фановите се прашуваат дали сè е во ред

„Дали треба да се грижиме?“ – праша еден корисник на „TikTok“. „Изгледа како да чувствува болка“, напиша друг, додека трет ѝ посака добро здравје на пејачката: „Се молам за неа и ѝ испраќам убави желби на нашата Божиќна кралица“.

Сепак, не сите ја протолкуваа оваа ситуација како причина за загриженост. Некои укажаа на конкретните услови во кои се движеше пејачката: врнеше дожд, теренот беше закосен, а Кери носеше високи потпетици.

„Како прво, врне дожд. Второ, теренот е закосен. Трето, таа носи високи потпетици. Четврто, не сака да падне“, напиша еден корисник. На снимката се гледа и како нејзиниот асистент ја држи околу половината додека таа поминува покрај фановите. Засега нема информации кои укажуваат на тоа дека Мараја Кери има некакви здравствени проблеми, а самата снимка не е доволна за да се донесе таков заклучок.

Тагови: Мараја Кери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Microsoft“ и големиот прекин – што навистина се случи?

Услугите на „Microsoft“ конечно работат правилно по повеќе од 24 часа –што навистина тргна наопаку?

„Microsoft“ и големиот прекин – што навистина се случи?

„Microsoft“ го реши големиот проблем што предизвика повеќе од 24 часа застој на „Microsoft 365“, тоа предизвика сериозни прекини во работењето на бизнисите и владините агенции низ целиот свет.

Проблемите започнаа на 12 ноември околу 17:17 часот по средноевропско време, кога услугата „Exchange Online“ падна. Малку повеќе од два часа подоцна, проблемите се проширија на остатокот од платформата „Microsoft 365“.

Што го предизвика тоа?

„Microsoft“ првично се сомневаше дека невообичаено големиот сообраќај е причина за проблемите. Сепак, последователната истрага покажа дека неколку серверски системи неочекувано престанаа да работат, оставајќи ги преостанатите сервери неспособни да се справат со зголеменото оптоварување.

Обидите за рестартирање на серверите беа неуспешни, бидејќи тие повторно престанаа да реагираат откако се врати сообраќајот. Компанијата на крајот утврди дека проблемот е поврзан со претходно надградување на капацитетот на мрежата, предизвикано од последователна промена во мрежната инфраструктура.

Потоа инженерите применија поправка на компонента одговорна за автентикација и насочување на сообраќајот. Обновувањето беше спроведено постепено, со обработка на заостанати е-пораки.

„Microsoft“ нагласи дека нема докази за злонамерна активност и дека вештачката интелигенција не е причина за проблемот.

Кој беше засегнат?

Покрај „Outlook“ и „Exchange Online“, прекините влијаеја на календарите на „Teams“, закажувањето состаноци, „Copilot“, „SharePoint“ и „Intune“. Некои функции продолжија да работат за време на прекинот.

Влијанието се почувствува надвор од технолошкиот сектор. Националната здравствена служба на Велика Британија (NHS) мораше да се потпре на алтернативни системи, додека индиските авиокомпании „Air India“, „IndiGo“ и „Akasa Air“ пријавија проблеми со поддршката за е-пошта.

Проблемите влијаеја и на финансиските институции. Една тајванска компанија дури мораше да користи факс за да ги потврди трансакциите со акции.

Според „Downdetector“, имало повеќе од 7,4 милиони пријави за проблеми низ целиот свет. Сепак, овој број не го претставува вкупниот број на индивидуални корисници погодени од прекинот.

Извор: Б92

Тагови: Microsoft

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Франција на нозе: 200.000 луѓе на улиците

Француската полиција уапси 121 лице за време на протестите одржани низ целата земја, објави француското Министерство за внатрешни работи.

Франција на нозе: 200.000 луѓе на улиците

Според Министерството, околу 106.000 луѓе учествувале во демонстрациите, додека синдикатите проценуваат дека околу 200.000 граѓани се собрале на улиците.

22 лица се приведени во Париз, вклучувајќи тројца малолетници. Апсењата се главно за носење оружје од категорија Д, навреди и кршење на забраните за посетување одредени места или учество во демонстрации, објавува „BFMTV“.

Според полициските податоци, околу 24.000 луѓе протестираа во француската престолнина, додека младинските синдикати проценуваат дека на улиците имало близу 100.000 демонстранти.

Низ цела Франција се одржаа повеќе од 60 протестни собири. Во Париз истовремено се одржаа три одделни демонстрации - против предлог-закон за претпоставка за легална употреба на оружје од страна на безбедносните сили, меѓународен марш против насилството врз децата и протест на движењето „Жолти елеци“ против зголемувањето на трошоците за живот.

Тензии беа пријавени во Париз, Бордо, Нант, Лион и Руан. На Плоштадот на нацијата во Париз, полицијата употреби солзавец за да ја растера толпата, што предизвика први знаци на паника кај демонстрантите.

Во Нант, полицијата употреби водени топови, додека во Бордо беа пријавени судири за време на кои некои демонстранти фрлаа предмети кон полицијата.

Во Тулуз, според организаторите, протестираа 6.000 луѓе, додека полицијата соопшти дека имало 1.800. Собирот помина без инциденти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер