Економија

АЕК донесе одлука за најповолен понудувач на тендерот за трет мобилен оператор

„Оне Македонија телекомуникации“ на унгарскиот „Фор ај џи“ влегува на македонскиот пазар - земјава добива трет мобилен оператор.

Откако поради локалните избори се пролонгираа роковите, денеска Агенцијата за електронски комуникации ја донесе конечната одлука. Првиот човек на АЕК, Јетон Акику за Канал 5 вели согласно условите од тендерот групацијата, може да почне со работа веднаш, преку користење на мрежата на постојните оператори а во рок од 1 година ќе треба да има изградено најмалку една сопствена базна станица. Одлуката ќе им биде доставена вендаш, а по објавување во службен весник групацијата, вели Акику, има рок од 10 дена да ја уплати едноркатната давачка кон државата во висина од нешто над 8 милиони евра по што ќе може да ги користат радиофреквенциите.

„4iG или Оне Македонија имаше целосна квалификувана понуда со сите услови и денеска значи се донесе одлуката која ќе им биде дадена на групацијата. И после ова они ќе имаат 10 дена рок да уплатат еднократна давачка во буџетот и дента кога ќе платат ќе добијат одобрение за користење на радио фреквенциите и ќе може да почнат со работа.... Теоретски може веднаш кога ќе добијат одобрение да почнат со работа со користење на мрежата од постојаните оператори а законска обврска им е во рок од 1 година да имаат изградено барем една базна станица...“ - Јетон Акику АЕК.

Со влезот на трет мобилен оператор на македонскиот пазар, од АЕК очекуваат поголема конкурентност и пониски цени на услугите кои ги плаќаат граѓаните....

„По економска логика сега имаме дуопол а ќе имаме трет оператор – значи ќе има ппоголема конкуренција и теоретски тоа ќе значи дека ќе има подобрување на услугите и пониски цени за поторшувачите...“ - Јетон Акику АЕК.

Унгарската компанија Фор ај џи пред една година достави писмо до Владата дека е заинтересирана за влез на македонскиот пазар, по што беше потпишан и меморандум за разбирање. Во земјава во моментов има два мрежни мобилни оператори и четири виртуелни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нов обид за набавка на 150 електрични автобуси - четири компании во трка за големиот тендер

Четири компании доставиле понуди на повторениот тендер за набавка на 150 електрични автобуси и 75 станици за полнење, наменети за јавниот превоз во Скопје и во другите градови низ државата.

Министерот за транспорт Александар Николоски најави дека во понеделник јавноста ќе биде информирана за резултатите од евалу-ацијата..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Шпанија прими над милион барања за легализација на статусот на мигрантите

Шпанија прими повеќе од еден милион барања во рамки на вонредната програма за легализација на статусот на мигрантите, што е двојно повеќе од првичните проценки на владата.

Властите имаат рок од три месеци да ги разгледаат барањата и да одлучат дали ќе издадат дозволи за престој и работа.. Премиерот Педро Санчез изјави дека мерката е неопходна за шпанската економија и за интеграција на стотици илјади луѓе кои живеат во земјата..

Владата најави и интеграциски план вреден 500 милиони евра, кој ќе опфати стручно оспособување, учење јазици и зајакнување на јавните услуги.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Седница на социјално - економскиот совет

Законот за високо образование, годишната програма за работа на ЕСС биле главните точки на кој се разговарало на денешната седница на економско совијалниот совет.

..Во рамки на програмата предвидено е до крајот на годината да се разговара и за минималната плата, но и за владината потрошувачка кошничка, најави министерот за економија и труд Бесар Дурмиши... Иако на седницата не станало збор за цените на храната, Дурмиши во изјава за медиумите рече дека двете детални анализи кои ги направил дражвниот пазарен инспекторат покажале дека состојбата со цените на хранта во моментов е стабилна, но пазарен, вели, останува на терен и доколку во иднина има неосновано поскапување како влада ќе превземат соодветни мерки.

По седницата изјава за медиумите дадоа и од Сојузот на синдикати, од каде уште еднаш повторија дека мора да има раст на платите бидејќи секојдневно велат растат и трошоците за живот, податок што го потврдува според нив и пресметката на минимална синдикална кошничка.

Од ресорното министерство очекуваат до крајот на годината да биде целосно усогласена владината потрошувачка кошничка, која според нив ќе користи при креирање на идните економски политики...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.