Адвокатот на семејството на убиениот косовски полицаец: Има уште многу лица вмешани во нападот - Канал 5

Балкан

Адвокатот на семејството на убиениот косовски полицаец: Има уште многу лица вмешани во нападот

Адвокатот рече дека истрагите за овој случај се развиваат забрзано и додаде дека очекува Србија да ги предаде останатите обвинети.

Адвокатот на семејството на убиениот косовски полицаец: Има уште многу лица вмешани во нападот

Aдвокатот Арианит Коци, претставник на семејството на косовскиот полицаец Африм Буњаку, кој беше убиен во терористичкиот напад на српска група во септември минатата година во Бањска во северно Косово, вели дека има информации оти уште многу други лица, покрај 45-те веќе обвинети, се вмешани во нападот, јави дописникот на МИА од Приштина.

Во обраќање пред медиумите по денешното рочиште против тројца од обвинетите во случајот „Бањска“, Коци рече дека се очекува дали ќе има ново обвинение за евентуално новите осомничени или ќе се прошири постоечкото.

Адвокатот рече дека истрагите за овој случај се развиваат забрзано и додаде дека очекува Србија да ги предаде останатите обвинети.

„Имам информации дека има и многу други инволвирани лица, но дали ќе биде покренато ново обвинение или ова ќе се прошири, останува на стратегијата на обвинителството... Истрагите за овој случај продолжуваат енергично. За овие 42 обвинети нема бегање, сите се на 'црвено барање' на Интерпол. Не само што не можат да ја напуштат Србија, туку очекувам во секој момент или кога ќе дојде време Србија да ги предаде на Косово“, изјави Коци.

Ниту еден од тројцата обвинети - Душан Максимовиќ, Владимир Толиќ и Благоје Спасојевиќ - на денешното рочиште пред Основниот суд во Приштина не ја призна вината.

Во обвинението на Специјалното обвинителство на Косово, подигнанто на 11 септември годинава, обвинетите се товарат дека „со употреба на насилство со тешко оружје се обиделе да го отцепат северниот дел на територијата на Република Косово и да го приклучат на Република Србија, при што како резултат на употребеното насилство, загина полицаецот Африм Буњаку, а беше загрозен и животот на други полициски службеници и на цивилното население“.

Обвинетите 45 лица од срска националност, меѓу кои и водачот на групата, поранешниот потпретседател на партијата на косовските Срби, Српска листа, Милан Радоичиќ, се товарат за сторени кривични дела „Извршување терористичко дело“, „Тешки дела против уставниот поредок и безбедноста на Република Косово“, „Олеснување и финансирање на тероризам“ и „Перење пари“.

Покрај полицаецот Буњаку, во престрелката што уследи меѓу полицијата и српската група на 24 септември минатата година, беа убиени и тројца од напаѓачите, додека другите побегнаа во Србија. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Зинедин Зидан официјално преставен како нов селектор на Франција

Легендарниот фудбалер Зинедин Зидан официјално стана новиот селектор на Франција.

Зинедин Зидан официјално преставен како нов селектор на Франција

Она што беше објавено уште во ноември, сега доби официјална потврда.

Поранешниот тренер на Реал Мадрид, легендарниот Французин Зинедин Зидан, го наследи Дидие Дешам на клупата на „триколорите“, со што заврши една од најдолгите и најуспешните ери на селекција во модерниот фудбал.

Во соопштението се наведува дека Зидан ќе биде селектор на Франција до крајот на Светското првенство во 2030 година. Дешам ја водеше Франција 14 години. Својот најголем успех го постигна со освојувањето на Светското првенство во 2018 година, додека со репрезентацијата ја освои и Лигата на нации во 2021 година.

Зидан е без тренерски ангажман уште од 2021 година, кога го напушти „Кралскиот клуб“. Со популарниот Зизу како играч, започнаа годините на доминација на француската репрезентација.

Тимот беше светски првак во 1998 година, две години подоцна и европски првак, а „триколорите“ – повторно со Зидан во составот – стигнаа и до финалето во 2006 година, во славниот дуел против Италија. Од 1998 година наваму, Франција четири пати играла во финалето на Светското првенство. Пред него е задачата да ја одржи таа континуираност.

Тагови: Зинедин Зидан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Владините мерки носат резултати, туризмот бележи раст од 40 проценти кај странските гости

Претседателот на Владата на Република Македонија, Христијан Мицкоски денеска одговарајќи на новинарско прашање во однос туристичката сезона која е во полн ек и резултатите од истата, изјави:

Мицкоски: Владините мерки носат резултати, туризмот бележи раст од 40 проценти кај странските гости

„Владините мерки и владината иницијатива за привлекување на туристи, носи резултати. Имаме голем скок кај доаѓањата на нашите аеродроми. И тоа, впрочем го нотира Светска Банка во „Tourism watch“ во последната едиција од овој извештај, објавено во јуни 2026 година. Во којашто ја рангира Македонија како прва земја во Европа по зголемениот процент на доаѓања на гости и зголемениот процент на странски доаѓања и преноќувања, нешто што за нас е навистина импресивно. Тој процент е 40%, споредено со претходната година. И тоа е за нас големо признание, посебно што тоа учествува во Бруто домашниот производ и јас очекувам веќе тоа да се забележи во Бруто домашниот производ во вториот квартал од оваа година.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Француски воен брод отвори оган во Ламанш; Пукано кон чамецот во кој се наоѓал британскиот пратеник

Француски воен брод пукаше кон чамец во Ламанш во кој се наоѓал британскиот пратеник Крис Филп.

Француски воен брод отвори оган во Ламанш; Пукано кон чамецот во кој се наоѓал британскиот пратеник

Филп го објави видеото на својот профил на X и наведе дека истрелите биле испукани без никакво предупредување.

„Денес на каналот ги следиме нелегалните преминувања на мигранти. Додека пред малку давав интервју за Би-би-си, еден француски воен брод ни се приближи и испука 17 истрели зад нас. Немаше никакво известување или вежба. Изгледаше како истрели за предупредување или обид за заплашување“, напиша Филп на X.

Мајкл Кеохејн, локален новинар на Би-Би-Си кој во тој момент бил со Филп, го опишал моментот како „надреален“.

Тој изјавил дека „францускиот патролен брод се приближил до бродот на 300 метри и паднал кон нивниот крм (задниот дел од нивниот брод)“. „Фотографиите од францускиот брод покажуваат мал топ насочен кон морето. Беа испукани околу 17 истрели.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер