Други спортови

9-те медали од СП се историски успех за македонските каратисти

Историски успех за македонскиот спорт оствари нашата селекција во традиционално карате која од Светското првенство одржано во Египет се врати со девет медали.

Во конкуренција на 560 каратисти од 48 земји од светот, македонските каратисти освоија вкупно 9 медали: три златни, четири сребрени и два бронзени. Тоа беше и поводот за денешната средба со медиумите.

- Иако бевме една од најмалкубројните репрезентации ги покривме сите дисциплини, а макотрпната и долготрајна работа, вроди со плод. Освоени се девет медали. Ова е историски успех за Македонија како држава, истакна селекторот Венцислав Недев.

Од шест члената карате експедиција, Аљоша Недев со освоени два златни медали е најуспешниот, кој покрај златото во поединечна конкуренција во заедно со Матеј Ангеловски освои и злато екипно.

-2014-година, ќе ја паметам по убави работи. Најнапред во мај го добив мојот син Филип, а годината ја завршив како Светски шампион. Златото ќе му го посветам на мојот син, изјави Аљоша на средбата со новинарите.

Најискусниот Дејан Недев, Мундијалот го заврши со четири медали, потенцира дека ова Светско првенство било едно од најконкурентните, но и дека македонските каратисти уште еднаш докажале дека се во самиот врв.

-Не беше ни малку лесно да се борам против мојот брат во финалето. Тоа доволно говори дека ние како Македонци котираме високо во светското карате, изјави Дејан.

Со најсјајното одличие (злато) се закити и Јадранка Недева – Јарчевска која освои прво место во дисциплината кого-кумите, за која освојувањето на два медали претставува дополнителен мотив да претстојните предизвици. А, следен нареден голем настап на репрезентацијата во традиционално карате ќе биде Европското првенство во Париз, во октомври следната година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Грузија во мрак: Третпат за две недели

Во вечерните часови во средата, Грузија повторно се соочи со прекин на електричната енергија на национално ниво – трет таков инцидент во последните две недели.

Весникот „Цивил“ (Civil) објави дека снабдувањето со електрична енергија било прекинато околу 20:10 часот, што довело до застој во работата на метрото во Тбилиси, додека граѓани од целата земја известувале за прекинот на социјалните мрежи.

Снабдувањето со електрична енергија почнало постепено да се обновува околу 21:00 часот. Гиорги Пангани, член на Грузиската национална регулаторна комисија за енергетика и водоснабдување (GNERC), изјави дека прекинот настанал за време на „планирано тестирање“ спроведено од „Грузискиот државен електросистем“ (GSE) – оператор и сопственик на главната преносна мрежа во земјата.

Според него, тестирањето се одвивало во хидроелектраната „Енгури“ – најголемиот производител на електрична енергија во Грузија – и го опфаќало делот од системот што ја снабдува окупираната област Абхазија. Од GSE подоцна соопштија дека работата во електраната „Енгури“ имала за цел да се утврди причината за претходниот прекин на електричната енергија, што се случи на 24 и 25 јули.

Компанијата наведе дека, за време на тестирањето, електроенергетскиот систем морал да работи во изолиран режим и на невообичаени фреквенции, што резултирало со привремен прекин на струјата низ целата земја.

Медиумите претходно објавија дека директорот на GSE, Вано Зардиашвили, бил разрешен само неколку дена по големиот прекин на електричната енергија на 24 и 25 јули.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во владата потпишани се договорите за финансирање на изградбата на железничката делница Крива Паланка – Деве Баир

Премиерот Христијан Мицкоски и вицепремиерот и министер за транспорт Александар Николоски потпишаа договори за финансирање на изградбата на третата фаза, од железничката делница Крива Паланка – Деве Баир.

Премиерот Христијан Мицкоски и вицепремиерот и министер за транспорт Александар Николоски потпишаа договори за финансирање на изградбата на третата фаза, од железничката делница Крива Паланка – Деве Баир од коридорот 8 во свечената сала на владата.

Премиерот Мицкоски рече дека коридорот 8 ќе биде додадена вредност на македонската економија.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Инфо-штандови и здравствени проверки за поддршка на граѓаните во услови на топлотен бран

Општина Центар, во соработка со Црвен крст и здружението ХЕРА, спроведува теренски активности за грижа и поддршка на граѓаните во услови на екстремно високи температури во градот.

„Општина Центар е на терен со конкретни мерки делиме вода, поставуваме инфо-штандови и овозможуваме бесплатни здравствени проверки. Ги повикуваме сите граѓани да ги почитуваат препораките и да бидат одговорни кон себе и кон своите најблиски“, изјави градоначалникот Горан Герасимовски.

Во текот на денешниот и утрешниот ден, инфо-штандови ќе бидат поставени кај Зелен пазар и на пазарот „Буњаковец“.

Во соработка со ХЕРА, денеска од 8:30 до 11:00 часот кај Зелен пазар се врши бесплатно мерење на крвен притисок.

Инфо-штанд ќе биде поставен и во петок пред маркетот „Тинекс“ на пазарот „Буњаковец“, во истиот термин, каде граѓаните ќе можат да добијат здравствени проверки и совети за заштита од високите температури.

Општина Центар будно ги следи препораките на здравствените институции и ќе продолжи да делува во согласност со нив, со цел заштита и поддршка на граѓаните за време на топлотниот бран.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.