Судбина

81- годишниот татко на Меган Маркл е во врска со 35 години помлада медицинска сестра од Филипини: Уживам во животот (ВИДЕО)

Таткото на Меган Маркл, Томас Маркл, откри дека повторно ја пронашол среќата во љубовта и, како што вели, е „благословен и пресреќен“.

81-годишниот Томас е во врска со многу помладата медицинска сестра, Рио Канедо (46), кого го запознал на Филипините, каде што се опоравувал од тешка операција.

Се запознале во болницата

Маркл изјави за Сан дека не очекувал повторно да најде радост на негови години. „Никогаш не сонував дека повторно ќе бидам среќен. Со години се чувствував запоставен и тажен, но сега повторно уживам во животот“, рече тој.

Додаде дека неговата нова партнерка многу му значи: „По сè низ што поминав, вистински благослов е да најдам некој толку посебен кој се грижи за мене“. Двојката се запознала во Себу Сити, каде што Томас се преселил со својот син Том Џуниор на почетокот на минатата година.

Нивната приказна се одвивала додека Томас се опоравувал од ампутација на ногата. Рио Канедо работи како медицинска сестра и токму за време на неговото закрепнување се развила блискост меѓу нив. Денес, тој вели дека со неа се чувствува безбедно и згрижено, и дека неговиот живот добил сосема ново значење.

„Не ми е гајле за негативните коментари“

Свесен за разликата во годините, Маркл вели дека не е оптоварен со мислењата на другите луѓе. „Знам дека некои ќе кажат грди работи, но не ми е гајле“, рече тој. „Сакам да зборувам за ова затоа што никогаш не помислив дека повторно ќе бидам среќен“.

Додаде дека сака да им испрати порака на другите: „Никогаш не е предоцна да се најде мир и љубов. Има многу негативност во светот, и ако мојата приказна му дава надеж на некого, тоа е доволно за мене“.

Нов живот на Филипините по тешките здравствени проблеми

На почетокот на декември, Томас заврши на интензивна нега по итна операција, а неговиот син потоа потврди дека се разболел дома. По мозочниот удар, тој решил да го промени својот живот и да се пресели на Филипините. „Сакав да одам некаде каде што луѓето се љубезни. Животот тука е порелаксиран“, објасни тој.

Тој исто така откри дека моментално се бори со пневмонија, но нагласува дека неговата партнерка му помага во сè. Таа се грижи за неговата исхрана, го охрабрува да усвои поздрави навики и се грижи редовно да зема терапија.

Лошите односи со Меган останаа во минатото

Иако Меган Маркл наводно контактирала со својот татко за време на неговите здравствени проблеми, Томас вели дека повеќе не се стресира за нивната врска. „Едвај гледам вести. Тука луѓето се грижат едни за други“, рече тој, пофалувајќи го начинот на живот на Филипините. „Бев тажен толку долго поради Меган, но сега можам повторно да се смеам. Животот е прекрасен.“

За потсетување, Меган и нејзиниот татко не биле во контакт уште од пред нејзината свадба со принцот Хари. Потоа Томас го откажа своето доаѓање поради здравствени проблеми, откако призна дека учествувал во наместени папарацо фотографии.

Тагови: Меган Маркл медицинска сестра

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Владата: Донесена е конечна судска пресуда за концесијата за Иловица

Владата на денешната седница беше информирана од Министерството за енергетика, рударство и минерални суровини за донесена пресуда на Вишиот управен суд.

Владата на денешната седница беше информирана од Министерството за енергетика, рударство и минерални суровини за донесена пресуда на Вишиот управен суд, со која се поништува одлуката за престанок на важење на одлуката за спојување на концесијата за експлоатација на минерална суровина на локалитетот Иловица, Општина Босилово, со концесијата за експлоатација на минерална суровина на локалитетот Иловица, Општина Босилово и Општина Ново Село. Станува збор за конечна судска одлука која Владата, како институција што го почитува владеењето на правото, е должна да ја почитува.

Истовремено, сакаме транспарентно и отворено да ја информираме јавноста дека ова прашање не е резултат на одлуки донесени од актуелната Влада, туку претставува наследена правна состојба која произлегува од одлуките за спојување на концесиите донесени во јуни 2023 година, како и од последователните одлуки за нивен престанок донесени само еден месец подоцна, во јули 2023 година, по што е покрената судска постапка пред надлежните судови. Денешната состојба е резултат на завршување на таа постапка со конечна пресуда на Вишиот управен суд.

Свесни сме дека кај дел од граѓаните, локалното население и граѓанските организации постојат оправдани прашања и загрижености поврзани со овој проект. Токму затоа Владата ќе продолжи целосно транспарентно да ги разгледува сите релевантни факти, стручни мислења и аргументи, во рамки на законските процедури и институционалните надлежности.

Наш приоритет останува создавање услови за економски раст, нови инвестиции и отворање работни места, но тоа никогаш нема да биде на сметка на здравјето на граѓаните, природните ресурси и животната средина. Заштитата на јавниот интерес, почитувањето на највисоките еколошки стандарди и целосната законитост на постапките остануваат принципи од кои Владата нема да отстапи.

Секое понатамошно постапување во однос на овој предмет ќе се одвива исклучиво врз основа на стручни анализи, законски процедури и институционален надзор, со целосна информираност на јавноста. Владата ќе продолжи одговорно, транспарентно и во согласност со законите да носи одлуки кои ги штитат интересите на граѓаните, обезбедуваат правна сигурност и создаваат услови за одржлив развој на државата, соопштуваат од Владата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Жители на Горна Матка веќе осум дена оставени без вода за пиење

Селото Горна Матка е едно од најживописните места во Македонија, а и покрај неговата локација, стотици жители се оставени без еден од основните извори за живот, питка вода.

Веќе осум дена со возила, пеш, со автобус, кој како може, знае и умее се снаоѓа за вода за пиење. Вака, со револт и разочарување во гласот, но и крик за помош мештаните на селото кое се наоѓа близу акумулацијата Матка и реката Треска пред камерата на Канал 5 раскажуваат како десетина дена преживуваат, иако редовно си ги подмируваат сметките и легално се приклучени на мрежата.

Откако ни покажаа и во своите домови дека од чешмите со денови нема капка вода, дел од жителите велат дека се пие и нечиста вода од сред село, особено старите и немоќни луѓе кои не можат да одат за да купат или да наполнат.

Мештаните знаат дека најголем проблем се дивите приклучоци, и самите на лице место ги затекнуваат.

Раководните лица од Водовод за Канал 5 потврдуваат дека проблемот е во дивите приклучоци и во нерационалното користење на водата. Оттаму појаснуваат дека на годишно ниво се испумпуваат 10 милиони кубни метри вода само за општина Сарај, а се наплатуваат милион и 800 илјади.

Градоначалникот на Општина Сарај Мухамет Елмази вели знае за проблемот кој го имаат повеќе села, и дека заедно со градоначалникот на Скопје ќе се рекоинструра мрежата.

Во меѓувреме, надлежните уверуваат дека цистерна со питка вода ќе има среде село, за да можат, особено повозрасните граѓани да имаат поблизу до дома чиста вода за пиење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во напната атмосфера тече расправата по амандманите на законот за правична застапеност

напната атмосфера со меѓусебни препукувања меѓу Европскиот фронт и ВРЕДИ.

Во напната атмосфера со меѓусебни препукувања меѓу Европскиот фронт и ВРЕДИ, во комисијата за политички систем тече расправата по амандманите за законот за правична застапеност...

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.