8,8 тони канабис спакувани во 200 кутии повеќе од две недели биле подготвувани да заминат за Србија. Обвинителството за гонење на организиран криминал и корупција отвори истрага против шест лица, осомничени за Неовластено изработување и пуштање во промет на наркотична дрога – кокаин и марихуана поврзани со дрогата што беше запленета во блзиина на Крушевац, од кои двајца се уапсени во Србија, а четворица кај нас, и ним веќе им е одреден притвор.

Првоомничен е Иван Драгниќ, еден од сопствениците на фирмата за канабис Алфафарм од Скопје. Тој марихуната ја набавил од фирми во струмичко и на своите вработени во декември лани им наредил да ја спакуваат, а отккао ја завршиле работата, им дал колективен одмор.

Операцијата за транспорт до Србија почнала на 13 јануари, кога во поладневните часови, двјацата ортаци на Драгниќ, од кои едниот уапсен во Србија а другиот кај нас, со камиони и автомобили марихуната ја префрлиле од објектот на фирмата во Охис до локалција во блзиина на Свети Николе.

Таму, дрогата потоа била префрлена во камион кој претходно бил натоварен со царинета стока.

„Во атарот на селото Сарамзалино, останатите петмина осомничени на паркинг простор кај локалната црква во селото извршиле претовар на царинета стока од еден камион, во друг. Потоа, осомничените заминале за Свети Николе каде во испразнетото товарно возило биле натоварени кутиите со сув цвет од канабис. По извршениот утовар, осомничените на кои претходно им беше определен краткотраен притвор, со камионот се упатиле кон граничниот премин Табановце и ја напуштиле државата, заедно со уште тројца осомничени кои биле во автомобил.“

Потоа, откако влегле во Србија, веќе утрото на 14 јануари во 3 часот по полноќ пристигнале до куќата во која марихуаната била растоварена, а потоа и откриена од страна на српската полиција на крајот на месецот..

Криивичната пријава ја најави синоќа Министерот за внатрешни работи Панче Тошковски, синоќа во гостување во тв 21.

„Тошковски, нагласи дека фокусот на истрагата не е на излезот од Македонија, туку на тоа како дрогата влегла на територијата на соседната држава.“

Премиерот Христијан Мицкоски, вчера на Канал 5, кажа дека истрагата води до лица блиски до опозицискиот блок, но и до поранешни политичари.

Премиерот нагласи и дека случајот ќе биде целосно расчистен и поткрепен со докази, отфрлајќи ги обвинувањата за политички реваншизам.

„ Јас нема да зборувам но мислам дека ќе дојдат до многу важни имиња... Ќе бидат одговорни за многу работи.“

Од друга страна, од СДСМ обвинуваат дека без поддршка, знаење и логистика на највисоките структури во власта не можело да поминат 5 тони дорга, со толку многу камиони преку македонската граница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.