Здравје

76 пациенти се лекуваат во болниците во странство, Муцунски и Таравари во Солун

Досега 76 повредени од несреќата во Кочани се лекуваат во странските специјализирани центри.

Откако синоќа од македонските болници беа испратени неколку пациенти во соседството, министрите за здравство и надворешни работи Таравари и Муцунски отпатуваа во Солун во посета на двете болници кадешто се хоспитализирани млади од 19 до 26 години чија состојба засега е стабилна. Таму ги придружуваше грчкиот заменик-министер за надворешни работи Хацивасилиу, а во изјава за грчките медиуми кажаа дека лекарите максимално се грижат за нив а останува и постојаната поддршка за нивните семејства.

„ Еден од првите разговори кои ги имав тоа утро беше со мојот грчки колега, министерот за надворешни работи Јоргос Герапетритис. Веднаш ми изразија сочувство, но не само со зборови, туку и со практична помош. Она што го видовме и посведочивме утрово е одлична медицинска помош. Ќе го цитирам главниот доктор кој се грижи за пациентите, кој ни рече „вашите деца се и наши деца“.Тимчо Муцунски – министер за надворешни работи на Македонија.

„ Грчката влада и нашата држава се солидаризираат со граѓаните на Македонија. / Благодарение на координацијата- министерствата за надворешни, здравство и цивилна заштита, пациентите беа трансферирани веднаш. Тројца од нив во болницата Папаниколау, двајца во воената болница и синоќа уште тројца повредени беа префрлени во болницата во Атина. “Тасос Хацивасилиу – заменик министер за надворешни работи на Грција.

Од Солун, Муцунски и Таравари, според најавите ќе заминат во Софија... Во соседна Бугарија се лекуваат 14 пациенти, а бугарскиот претседател Радев изрази подготвеност да преземат уште повредени лица доколку има потреба.

„ Нашата надеж е брзо закрепнување на повредените во пожарот во Кочани. Сакам да се заблагодарам на бугарските медицински екипи и воениот персонал за брзата реакција и професионалноста во транспортот на повредените и за укажаната специјализирана медицинска нега. Бугарија е подготвена и ќе продолжи да помага со се што е потребно. “Румен Радев – претседател на Бугарија.

Во Србија има најмногу пациенти... Од синоќа бројката се зголеми на 29 лица распределени во четири центри- во воената болница и клиничкиот центар Ниш, Воената медицинска академија во Белград и Угрентниот центар. Две млади лица од вчера се испратени и во хрватската клиника за трауматологија во Загреб.

„ Синоќа во попладневните часови примивме осум пациенти повредени во пожарот во Македонија. Сите пациенти се со тешки телесни повреди кои се опасни по живот. Од нив тројца се на респиратор, односно им е потребна механичка вентилација. Површината која е зафатена од изгореници е движи до 25 проценти. “Др. Милан Стојичиќ – Ургентен центар Белград.

„ Едно лице има помали изгореници од приближно 10 проценти, без респираторни повреди и нема потреба од интензивно лекување. Другото лице исто така има изгореници од 10-15 проценти и има повреда при вдишување која бара интензивни мерки за лекување. Во моментов и двајцата се во животозагрозувачка состојба додека дополнително да ги дијагностицираме и видиме за што се работи. “Др. Тихана Магдиќ Рурковиќ – Клиника за трауматологија Загреб.

Освен што прават максимални напори за подобрување на состојбата на повредените од трагичната вечер во Кочани, соседството тагува заедно со Македонија за згаснатите животи. Денеска е ден на жалост во Србија, Бугарија и Босна и Херцеговина, кадешто редици граѓани пред амбасадите палат свеќи во знак на почит, а сите знамиња низ овие држави се на половина копје.

Тагови: кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

НБА

Навивач влезе на теренот во НБА финалето за да направи селфи?!

Навивач истрча на теренот во финалето на НБА меѓу Сан Антонио и Њујорк за да направи селфи. Поради изнцидентот тој веќе никогаш повеќе нема да оди на натпревар од НБА

Навивач кој истрча на теренот за време на првиот натпревар од финалето на НБА во среда вечерта за да направи селфи со ѕвездата на Сан Антонио Спарс, Виктор Вембањама, е уапсен и доживотно суспендиран од сите НБА арени.

Портпарол на лигата потврди во четврток дека истата казна му е изречена и на друго лице за неговата улога во инцидентот.

Натпреварот во Фрост Бенк Центарот во Сан Антонио беше прекинат поради влегување на теренот, 6 минути и 28 секунди пред крајот на четвртата четвртина, при што Њујорк Никс водеше со 92:86.

Навивач со мобилен телефон во рака се стрча кон Вембањама и центарот на Никс, Мичел Робинсон, но обезбедувањето брзо го совлада и го изнесе надвор од теренот. На крајот, Никс победија со резултат од 105:95.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Пред натпреварот со Панама, кафе за 8.000 луѓе од џиновски ѓезве од Босна и Херцеговина

Фудбалската селекција на Босна и Херцеговина ќе игра пријателски натпревар против Панама викендов во Сент Луис, градот во кој живее најголемата босанска заедница надвор од БиХ.

Сепак, нема само фудбалот да го привлече вниманието на многумина. Имено, пред натпреварот, во центарот на Сент Луис ќе биде претставен најголемиот апарат за кафе(најголемото ѓезве) во светот, од кој организаторите ќе послужат бесплатно кафе на дури 8.000 луѓе.

Настанот ќе се одржи пред стадионот „Енерџизер Парк“, каде што босанската репрезентација ќе го игра својот последен тест натпревар пред почетокот на Светското првенство. Организаторите најавуваат целодневна забава со музика, традиционална храна и неизбежното локално кафе.

Според американската телевизиска станица „Фрст алерт 4“, ѓезвата била испратена директно од Босна и Херцеговина за да ја придружува репрезентацијата на нејзината турнеја низ Соединетите Американски Држави.

„Ќе има музика, храна, пијалоци и многу забава. Интересен факт е дека ќе има најголема босанска цезва во светот“, рече Емир Налиќ, сопственик на познатиот ресторан „Балкан трет бокс“ и еден од организаторите на настанот.

Не е случајно што ваков настан се организира во Сент Луис. Овој град во американската држава Мисури со години се смета за центар на босанската дијаспора во САД. Се проценува дека помеѓу 60.000 и 70.000 луѓе од Босна и Херцеговина живеат во областа на Сент Луис, поради што многумина го нарекуваат „најголемиот босански град надвор од Босна и Херцеговина“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Канада забранува увоз на добиток од Тексас поради опасна мува

Канада воведе привремена забрана за увоз на говеда од американската држава Тексас откако оваа недела кај телињата е откриена опасната месојадна мува.

Кравите и коњите кои биле во Тексас во рок од 21 ден пред да влезат во Канада нема да можат да влезат во земјата, соопшти Канадската агенција за инспекција на храна.

Одлуката дојде откако Министерството за земјоделство на САД (USDA) потврди дека паразитот е пронајден и кај второ теле во Тексас, државата со најголемо производство на говедско месо во Америка.

Гувернерот на Тексас, Грег Абот, синоќа прогласи состојба на катастрофа поради „непосредната закана“ што ја претставува ширењето на инфекцијата, пишува Би-Би-Си.

„Постои голема веројатност дека инфекцијата ќе се прошири во текот на летото“, изјави Абот за новинарите во петокот.

Мувата црв од Новиот свет е паразит чии женки ги положуваат своите јајца во отворени рани и на мукозните мембрани на топлокрвни животни, вклучувајќи ги и луѓето.

Кога јајцата се изведуваат, стотици ларви ги користат своите остри усните делови за да пробијат низ живо ткиво. Доколку не се лекува, инфекцијата може да биде фатална за домаќинот.

Американските власти објавија во среда дека Тексас го регистрирал својот прв случај на болеста за 60 години, во кој се работи за тринеделно теле чии ларви биле пронајдени во неговиот папок. Откритието е направено во градот Ла Прајор, околу 30 милји од мексиканската граница.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.